كنت عايز اعرف اعمل فين رسم مخ لطفلة عمرها 7 سنوات عند حد يكون كويس جدا ويكون في الجيزة او الهرم او فيصل او المهندسين او الدقي
المهم يكون كويس جدا ومش مهم التكلفة
ممكن حد يفيدني بأسرع ما يمكن ؟؟؟؟؟؟؟؟؟؟
عرض للطباعة
كنت عايز اعرف اعمل فين رسم مخ لطفلة عمرها 7 سنوات عند حد يكون كويس جدا ويكون في الجيزة او الهرم او فيصل او المهندسين او الدقي
المهم يكون كويس جدا ومش مهم التكلفة
ممكن حد يفيدني بأسرع ما يمكن ؟؟؟؟؟؟؟؟؟؟
احسن مكان وارخص مكان هو مسجد مصطفى محمود فى المهندسين
لو عايز اماكن تانيه قولى
والف سلامه
معرفش ف الاماكن دى .. لكن انا عملته مره فى مستشفى الدعاه فى مصر الجديده عشان سمعت انها ممتازه جدا
الف سلامه يا فندم ان شاء الله تقوم بلسلامه
فعلا جمعية مصطفى محمود من أحسن الأماكن...توكل على الله وطمنا على أخبار الأمورة...ألف سلامة وبالشفاءاقتباس:
المشاركة الأصلية كتبت بواسطة د.احمدالشافعى
متشكر جدا للجميع
وشكرا يا دكتور احمد
بس هل في رايك ان جامع محمود احسن مكان ولا فيه اماكن تانية ممكن تكون احسن
ولو فيه يا ريت تقولي
شكرا يا دكتور احمداقتباس:
المشاركة الأصلية كتبت بواسطة د.احمدالشافعى
مش مهم رخيص او غالي
حتى لو اغلي مكان المهم يكون اسحن مكان
ويا ريت لو حضرتك شايف ان فيه اماكن او معامل تانية احسن تقولي
ومنتظر ردك ومتشكر جدا
اقتباس:
المشاركة الأصلية كتبت بواسطة yahiahelaly
اشكركم جدا على شعوركم النبيل ومشارككوش في حاجة وحشة وشكرا يا بحارياقتباس:
المشاركة الأصلية كتبت بواسطة ba7ary
يا مسهل يا رب
مصطفى محمود ميزته ان الفنيين اللى هناك ممتازين والدكاتره بتوع الneuro بيثقوا فيهم جدا
الاماكن التانيه من الاحسن للكويس هى
مسجد المصطفى الى مصر الجديده فى صلاح سالم
مستشفى العربى الى فى اول شبرا
لو عايز حاجات عامه يبقى المستشفيات الجامعيه
زى ( ابو الريش- الدمرداش الحسين)
ربنا يطمنك عليها يارب وخير ان شاء الله
ياريت تبقه تطمنا اول باول
شكرا يا دكتور احمد على رد حضرتك ومتابعتك معايااقتباس:
المشاركة الأصلية كتبت بواسطة د.احمدالشافعى
هو لغاية دلوقت اللى اعرفه في دول هو جامع مصطفي محمود
ايه رايك يا دكتور في القصر العيني الفرنسي ؟؟؟؟؟؟؟؟؟؟؟؟؟؟؟
ربنا يخليكي يا نور وشكرا على سؤالك والحمد لله على كل شئاقتباس:
المشاركة الأصلية كتبت بواسطة نور القمر
طمنااااااااااااااااا عملت ايه
لسة يا استاذ يحيي
موصلتش لحل النهاردة
بس بكرة الصبح ان شاء الله اذا لم اكن قد وصلت لاى حاجة هنا يبقي ان شاء الله هعمله في القصر العيني الفرنسي
ومتشكر جدا على سؤالك
ربنا يطمنك عليها يا رب امين يارب تشفى على خير
أستاذ محمد ربنا يعينك وييسرلك أمرك
متلخبطش نفسك زيادة
فعلا مركز مصطفى محمود في المهندسين من أفضل الأماكن وزي ما بيقول الدكتور أحمد الناس بتاعة عصبية بيثقوا فيه جدا وأنا اتأكدت بنفسي من واحد زميلنا شغال عصبية وقالي برضه مصطفى محمود
توكل على الله وإن شاء الله يكون خير
متشكر جدا لكل الناس اللى دخلت تساعدني
الدكتورة كانت طالبة النتيجة والرسم عندها بكرة الاتنين الساعة 9 الصبح
اتصلت بمستشفي مصطفي محمود محدش بيرد
دار الفؤاد معندهمش رسم مخ غير يوم الثلاثاء والخميس بس
مستشفي جمال ماضي ابو العزايم عندهم الرسم النهاردة بس النتيجة يوم الاربعاء
القصر الفرنسي عندهم الرسم النهاردة بس النتيجة بكرة الساعة 1 لظهر
اخيرا وصلت لمعمل الدقي للاشعة ورحت النهاردة الساعة 10 عملنا الرسم وخلصنا على الساعة 1 واخدت النتيجة الساعة 8 بس شاكك فيها شوية
هروح بكرة ان شاء الله اودي النتيجة للدكتورة بتاعتها وارجع من الدكتورة على القصر الفرنسي اعمل رسم مخ تانى احتياطي علشان اتاكد من صحة رسم المخ بتاع معمل الدقي للاشعة
دعواتكم
ان شاء الله خير
ربنا يطمنا عليها ويطمنك
ربنا يخليكي يا نور
ربنا يطمنك عليها
وياريت تطمنا
ان شاء الله خير
ادعى
رب اشرح لى صدرى ويسر لى امرى
اللهم رب الناس اذهب البأس اشفها انت الشافي لاشفاء الا شفائك شفاء لايغادر سقما
اللهم رب الناس اذهب البأس اشفها انت الشافي لاشفاء الا شفائك
ربنا يطمنا عليها ويطمنك
انا والدى د امراض عصبية ونفسية و حمايا جراح مخ فى القصر العينى الفرنسى, لو احتجت حاجة ابعتلى رسالة
د انور الاتربى
د عصام رشاد
و ان شاء الله خير
متشكر جدا يا جماعة لكل اللى سئل واللى دعي واهم حاجة محتاجين الدعاء بتاعكم وربنا يخليكم فعلا اخوات بجد
وشكرا جدا يا اخ طارق
وعلى فكرة احنا متابعين اليومين دول مع الدكتورة لبني منصور فعلا بجد انسانة فاهمة بمعني الكلمة
وحولتنا للقلب وعملنا رسم قلب عادي النهاردة وبكرة يوم طويل جدا ان شاء الله هتعمل للبنت هولتر يعني رسم قلب مستمر لمدة 24 ساعة وهتبيت البنت ومامتها في المستشفي لبعد بكرة الصبح علشان يطمنوا ان مفيش حاجة في القلب نهائي
دعواتكم
ربنا يشفيها يا رب امين يا رب
اه من كتر اللف والحاجات اللى بتتعمل الواحد والله ما بقة عارف راسه من رجليه
النهاردة كمان عملنا رسم مخ جديد في القصر العيني الفرنساوي وبكرة ان شاء الله اخد التقرير
وهشوف مكان تالت اعمل فيه رسم مخ تالت للتاكد
دعواتكم
ربنا معاك يا استاذ بس هوة طبيعه المرض ايه
ربنا يخليك يا استاذ يحيي
والله هو طبيعة المرض انه وهي عندها 11 سهر داخت شوية طبعا قلنا ورحنا لدكتور الاطفال بتاعها اسمه سامح في برج الاطباء في فيصل قال ان دي بتحصل مع السخونة وانها طبيعية وهتروح لما يبقي عندها 5 او 6 سنين
بعدها الموضوع اتكرر فقلقنا وبدانا رحلة اللف على الطاترة كل تخصصات الطب اللى ممكن تتخيلها او متتخيلهاش كشفنا فيها كله قلا مفيش حاجة
لغاية وهي عندها 5 سنين كشفنا عند دكتور مخ واعصاب طلب رسم مخ وقال ان عندها كهربا زيادة في المخ عرضنا الرسم على دكتور تانى قال لا مفيش وكدة عادي رجعنا للاول اكد ان عندها كهربا في المخ وعملنا رسم مخ تاني وقال انها كهربا وبدانا العلاج معاه لمدة سنة على فكرة رسم المخ كان عنده في عيادته الخاصة ولمدة السنة مفيش اي تحسن بالعكس الحالة بتبقي اسوا رحنا لدكتور تانى شاف رسم المخ وطلب رسم جديد عملنا عند الدكتور الاول ورجعنا للدكتور التانى قال كهربا في المخ واستمرينا في العلاج لكن الحالة بتبقي اسوا بردو
لغاية ما ربنا كرمنا ورحنا القصر العيني وكشفت عيلها الدكتورة لبني منصور كشفت عليها وقالت كلامكم ووصفكم للي بيحصل مش كهربا في لامخ لكن الرسم بيقول كهربا اعملوا في معمل تاني رسم مخ رحنا مركز الدقي عملنا الرسم طلع مفيش كهربا رجعنا للدكتورة قالت ممكن القلب اعملوا رسم القلب العادي واللى لمدة 24 ساعة عملنا العادي وعملنا رسم مخ تاني في القصر لانهاردة وبكرة اللى لمدة 24 ساعة في المستشفي الياباني ولغاية دلوقت كل حاجة مش واضحة
دي رحلة ال6 سنين اللى فاتوا مع الدكاترة
يعني يستمر على تشخيص وعلاج غلط لمدة سنة !!!!
الواحد مش عارف يقول حسبي الله في الدكتور ولا في التعليم المصري الفاشل
عموما الواحد في الحاجات البسيطة مبقاش يثق في رأي دكتور واحد
مدام مرتاحين مع لبنى كويس بس ما يمنعش تتأكد من دكتور تاني عشان كلامهم يبقه واحد
وربنا يطمنك عليها ويشفيها
والله انا هاتجنن من المعامل والاطباء خلاص جبت اخري
معمل الدقي للاشعة و ده الدكاترة قالوا انه كويس رسم المخ فيه بيقول ان مفيش كهربا في المخ ولا حاجة وان الحالة طبيعية
رحت القصر العيني عملت رسم مخ وبردو بيقولوا ان رسم المخ في القصر الفرنسي كويس طلعت النتيجة ان فيه كهربا في المخ
الاتنين بيناقضوا بعض
ايه العمل ؟
ربنا يعينك
مفيش قدامك غير تروح لاكتر من مركز اشعه من المراكز اللي رشحها اطباء المنتدى واولهم مسجد مصطفى محمود
والله انا لسه شايفه الموضوع ده حالااااااااااااااااااا
ربنا يطمنك عليها يارب وان شاء الله خير ويكون فى حل باذن الله
ولو حضرتك جيت ناحيه مصر الجديده وم نصر وحابب تعمل اشاعات ورسم مخ
مسجد رابعه العدوية فيه متخصصيين واستشاريين كبار مش صغيرين برده
وربنا يوفقك ويطمنك عليها يارب
شكرا يا نور وشكرا يا جانو على سؤالكم وكلامكم الطيب
والله يا نور السبوع ده بس عملنا مرتين مرة في مركز الدقي للاشعة ومرة في القصر الفرنساوي والاتنين امفروض انهم محترمين جدا لكن الاتنين مطلعين نتايج عكس بعض
والنهاردة مركبين لها حاجة اسمها هولتر جهاز بيقيس القلب لمدة 24 ساعة
وبالليل بكرة ان شاء الله هروح مسجد مصطفي محمود وهنعمل فيه
وغالبا هشوف مركز رابع نعمل فيه بردو
بس متتخيلوش كم السعادة اللى مامتها كانت فيها من يومين لما مركز الدقي قال ان مفيش كهربا ولا كم التعاسة اللى كانت فيها لانهاردة لما القصر العيني قال ان فيه كهربا والله من ربكتها راحت تفتح باب عربية تانية
الله المستعان واللى يعرف افضل مكان فيه رسم مخ غير مصطفي محمود يقول لانى هروحه فعلا
ودعواتكم
السلام عليكم
انا رسالة الماجستير بتاعتى كانت على رسم المخ الكهربى فى الاطفال وهقولك من خلال خبرتى المحدوده فى المجال دا على احسن دكاتره كانوا بيقروا رسم المخ ويطلعوا القطط الفاطسه اللى فيه وهم:
ا.د/ ايهاب امام ود استاذ فى عين شمس و ماسك وحدة epilepsy ولو عايز عنوان عيادته ابعتلى على الخاص
ا.د / مطصفى فتحى استاذ اطفال وتخصص فقط فى التشنجات اللى. بتحدث فى الاطفال
انت وقعت لي من السمااقتباس:
المشاركة الأصلية كتبت بواسطة د.احمدالشافعى
هبعت لك حالا على الخاص
وسؤال كمان
اعمل فين رسم مخ وايه رايك في تعارض تقارير مركز الدقي للاشعة والقصر العيني الفرني
مين فيهم ممكن يكون صح اكتر ؟
انا عايز اقولك ان مش اى حد يعمل رسم مخ
لان رسم المخ دا موال كبير وليه شروط اثناء عمله مش هطول عليك ان شاء الله توح لحد من الدكاتره الى قولتك عليهم وان شاء الله هيقللولك على الصح
وردى على سؤالك
ساعات لما بنلاقى اختلافات فى رسم المخ بنطر نعمل حاجه اسمها video eeg
دكتور احمد انا ارسلت لحضرتك رسالة على الخاص والفيديو ال egg عملناه وهو اللى اتكلمت عنه هنا وان فيه اختلاف بين القصر العيني ومركز الدقي وبعت لحضرتك في الرسالة الكونكلوجن بتاع الاتنين
وشوية استفسارات
يا ريت تقرا الرسالة المرسلة لك على الخاص
وهبعت لحضرتك على الخاص دلوقت التقريرين ويا ريت تقوللي فيهم ايه
ومعلش بتعبك معايا
ايه اخر الاخبار
ياريت تطمنا ... يارب خير
شكرا يا نور على سؤالك
لسة مستنيين نتيجة رسم القلب الهولتر يوم الثلاثاء وبعدها نرجع تاني للدكتورة بتاعة المخ والاعصاب
والدكتور احمد مشكور نبهني انى معملش رسم مخ كتير وقالى على اسماء اتنين دكاترة مخ واعصاب هروح لهم لما نطمن على القلب ان شاء الله
السلام عليكم
طمنا على الاموره الضغيره ايه اخر الاخبار
ان شاء الله خير
ان شاء الله خير استاذ كايرو....
بس انا مش فاهم ازاي التناقض فالتشخيص كدا!!! حسب الله و نعم الوكيل