استشارة .. بخصوص بولو 79-99

انا بشترى بولو 98 الف سى سى
ماشيه 150000 وراشه بره فقط
فيها تكييف وباور و2 زجاج كهرباء و2 مرايه كهرباء وسنتر و كاسيت cd
حالتها الخارجية جيدة جدا .. بس مش فيها اى اضافات .. دى حتى بجنوطها العاديه ال 13
الداخلية : صاحبها مش حاطط اى فرش على فرش الفبريكة .. فهو متوسخ وفى حتت متقطعة يعنى الخلاصة عايزة فرش كامل جديد و كمان تجليده لباب السواق

عندى سؤالين : هى العربية موتورها كويس وكل حاجة بس انا شفت مواتير فولكس كتير بيكون علية علامة فولكس المدورة دى .. مكانها علامة "سيات" هل دا طبيعى ؟؟
تانى سؤال : اقل سعر للسيارة دى كام على وضعها كده ؟ .. عشان ابقى مأمن نفسى لو فى حاجات محتاجة تتظبط مش ظاهره قدامى وشكرا ..

الموتور دا متسقط ياما يكون مركب الوش البلاستيك بتاع الموتور بتاع السيات
بس أشك انو متسقط لها موتور 1000 بتاع سيات

شكرا على استجابتك السريعة
طيب اسوأ فرض ان دا متسقط ... دا يعيب العربيه ولا المكنتين واحد .؟؟
ومعلش لو هتعبك تدينى فكره عن السعر

اقتباس:

---

المشاركة الأصلية كتبت بواسطة dr_mahmod

شكرا على استجابتك السريعة
طيب اسوأ فرض ان دا متسقط ... دا يعيب العربيه ولا المكنتين واحد .؟؟
ومعلش لو هتعبك تدينى فكره عن السعر

---

يعيبها عندنا فى مصر لكن طالما فنيا وعمليا عمليه التسقيط تمت صح وبفهم يبقى مفيش مشاكل
ورنج السعر على المواصفات دى بيبقى من 33 ال 35 وانت وشطارتك واكشف عليها كويس من حيث الشاسيه الموتور مدام انت حابب العربيه امرو سهل جدا انا لسه مسقط موتور 1400 16 صباب اهم حاجه الشاسيه سليم صلى استخاره وربنا يوفقك

ايه ياباشا
انت سقطت موتور لعربيتك ولا ايه
طب ايه الاخبار بعدها

اقتباس:

---

المشاركة الأصلية كتبت بواسطة nab!l

ايه ياباشا
انت سقطت موتور لعربيتك ولا ايه
طب ايه الاخبار بعدها

---

أه واحد نشينى عين فى العربيه جت فى الموتور الحمد لله
والله هو الحمد لله تمام بس فى شويه حاجات بسيطه بلمها بس طبعا فى فرق بين 1000 وال 1400
والحمد لله اللى عملى التعديلات تامر ورشاد فى الحرفيين وشغلهم ممتاز فوق الممتاز أنا نفسى بعد ما خلصت مشكتش لحظه ان العربيه دى متعدل دفيرتها عشان الموتور الجديد

الف مبروك
برده مقلتش سعره وسحبه وغياراته وبالفتيس ولا لاء