الموضوع: حادث الخميس بميدان جهينه

ازاى الرجل لسه عايش !!

المشاركة الأصلية كتبت بواسطة badblood

لحد امتى هنفضل كده
اقتراحي العربية النقل بتاعة الراجل ال(.....) تتباع وكل واحد ياخد حقه
محدش يقولي بقى يموت من الوجوع عنده عيال وكلام افلام ده
لازم نقف قدام المستهتر مرة وياخد على قفاه صح عشان البلد تتصلح ويبقى عبرة

والله الكلام كان على طرف لسانى و كنت لسة هقول كدة انت ميه ميه و العربية لو اتباعت حتى خردة او قطع غيار تجيب اكتر من 200 الف

انا هحكيلكم على الى حصلى من سنة بالظبط فى نفس المكان ده و الى بيخلى الحتة دى حوادثها كتير ان لما تكون جاى من اكتوبر و رايح لميدان جهينة الشارع واسع و كله واخد سرعته (فوق ال100) و بعدين تلاقى الشارع نازل لتحت جامد و اخر النزلة 3 مطباط ورا بعض يهدو اجدع عربية فكلو بييجى فى نص النزلة و يفرمل جامد فبيكون حمل جامد على الفرامل عشان السرعة و النازلة فى نفس الوقت
المهم من سنة كنت راكب ميكروباص انا و قريبى (كنت راكب جمب الباب) جينا فى اخر النازلة و لسة بنطلع المطب لقيت عربية نص نقل جاية على سرعة مش اقل من 100 قامت حكت فى جمب المكروباص (يعنى لو كنت مطلع ايدى من الشباك كانت ايدى راحت) و رشقت فى لانوس و اللانوس كان قدامه اتوبيس فطبعا اللانوس اطفعص فى النص و الاوتوبيس رشق فى كرولا و مكروباص و المكروباص رشق فى الى قدامه و هكذا و بعدين النقل طبعا فرامله سايبة و الشارع نازل لتحت قام محود و كان فى راجل راكن فى لانسر بومة بيتكلم فى الموبايل النقل رشق فيه و قلبو على راجل واقف معاه ثلاجة و شمسية صغيرين بيبيع ميه كل ده حصل فى اقل من 5 ثوانى كان مشهد مرعب و طبعا نزلنا من المكروباص و جرينا و احنا مش مصدقين اى بيحصل و كان فى كذا عربية بتولع و ناس جواها بتسرخ بس كل الى فى المكروباص قعدو على الارض و مش مصدقين تخيلو ان النقل حك فينا بس يعنى لو كان جه شمال نص متر كنا احنا اول ناس هيبلس فينا
الى سمعتو بعد كده ان فى 15 اصابة و 9 وفيات
دلوقتى بقى لما بعدى من الحتة دى تانى المشهد كله بيجى قدام عينى و بتشاهد على روحى و احنا لسه فى النازلة قبل ما نوصل للمطب
ربنا يسترها معانا جميعا

المشاركة الأصلية كتبت بواسطة mohamedezat

هو فعلا الحادثه كانت يوم الاربعاء بس انا اتلغبط لكن مافيش انواع من اللى انت قولت عليها دى انا قولتلك بى ام وكرولا زيرو والعربيتين التانيين كانوا مرسيدس سى 200 الشكل الجديد دى جنبها باظ والعربيه التانيه كانت بريليانس جالينا فيها الوش والظهر باظوا

العربيات اللى ذكرتها اللى هيا الميكروباص والاوكتافيا والهيونداى كانت واقفه على اليمين جنب كشك المرور اللى فى الميدان على اليمين وكان اصحابها جوا الكشك ماسكين فى خناق بعض .