عايز رايكم بصراحة في الساوند سيستم ده

ازيكم ياجمدين عايز رأيكم في الساوند سيستم ده وياريت اذا فيه اخطاء أو شيء ناقص أو شيء زائد تصححولي وترشحولي السيستم المناسب عشان انا مبتدئ في الساوند سيستم وماعنديش خبرة و أجزاء الساوند سيستم ده من ترشيحي لواحد صاحبي عربيته كيا سيراتو موديل 2004 و الكاسيت اللي عنده بايونير دبل دن fh-p6050ub ......
نبدأ:

سماعات الشنطة : عدد 4 بايونير 460 واط

جي ام لسماعات الشنطة : سوني 600 واط

سماعات الأبواب الأمامية : بايونير مع تويترات 190 واط ودي بدون جي ام هتتوصل على الكاسيت

البازوكا : بايونير 1000 واط

جي ام البازوكا : كينوود 350 واط

عايز رأيكم بصراحة وصوت البيز هيكون عامل ايه ؟ الكاسيت قوي ولا لازم يتغير ؟ قد ايه تدوا السيستم ده من عشرة */10 ؟ عشان مش عاوز الصوت مايعجبش صاحبي وكون أنا السبب وزي ماقلت أنا مبتدئ وماعنديش خبرة في الساوند سيستم تحياتى

ابعد عن السونيي تماما وخليك يا بيونيير يا كنووود

ايه ياجماعة هو محدش عايز يساعدني ولا ايه حاسس اني كاتب الموضوع في القسم الغلط ولا انتوا رأيكم ايه ?

اهلا يا باشا ..

اولا انسى الجى ام السونى ال 600 واط دا وهاتو كينوود او بيونير .. ولو السماعات بقت 400 واط مش 460 حتدى صوت اعلى مع الجى ام ال 600 واط

ثانيآ البيز كدا محتاج حاجه عاليه اعلى من بازوكا 1000 واط عشان متحتاجش بيز من السماعات .. حط صبين الواحد 1000 واط مع جى ام كينوود 720 واط او سيمفونى 740 واط

الكاسيت جميل

7/10

بس لو عايز نصيحة استنة راى حسام

وانا مع راى احمودى لانة كلامة صح 100 100

اقتباس:

---

المشاركة الأصلية كتبت بواسطة nedaloo

ازيكم ياجمدين عايز رأيكم في الساوند سيستم ده وياريت اذا فيه اخطاء أو شيء ناقص أو شيء زائد تصححولي وترشحولي السيستم المناسب عشان انا مبتدئ في الساوند سيستم وماعنديش خبرة و أجزاء الساوند سيستم ده من ترشيحي لواحد صاحبي عربيته كيا سيراتو موديل 2004 و الكاسيت اللي عنده بايونير دبل دن fh-p6050ub ......
نبدأ:

سماعات الشنطة : عدد 4 بايونير 460 واط تمـــــام جدا

جي ام لسماعات الشنطة : سوني 600 واط (خليه كينوود 600 وات 4 تشانل )

سماعات الأبواب الأمامية : بايونير مع تويترات 190 واط ودي بدون جي ام هتتوصل على الكاسيت ( تمام جدا )

البازوكا : بايونير 1000 واط - ( شوف 1200 او 1400 وات )

جي ام البازوكا : كينوود 350 واط - ( هاته 600 وات 2 تشانل )

عايز رأيكم بصراحة وصوت البيز هيكون عامل ايه ؟ الكاسيت قوي ولا لازم يتغير ؟ قد ايه تدوا السيستم ده من عشرة */10 ؟ عشان مش عاوز الصوت مايعجبش صاحبي وكون أنا السبب وزي ماقلت أنا مبتدئ وماعنديش خبرة في الساوند سيستم تحياتى

---

نسيت اقولك ان الكاسيت عندك فيه مخرجين rca بس وانت محتاج 3
عندك مخرج سماعات ومخرج صب
مخرج السماعات هتجيبله مشترك rca علشان يطلع مخرجين من مخرج
والتانى بتاع الصب لجى ام الصب علطول

طب مش 2 جى ام يخلصو البطارية بسرعة

اه يا ميزو بس لو البطاريه عندك عاليه وكويسه خلاص انا كنت مشغل 2 جى ام واحد 740 وواحد 400 وكنت ممكن اشغل الكاسيت والعربيه مبطله لمده مثلا 20 دقيقه او نص ساعه بالكتير وانزل زق يا معلم هههههههههههههههه متتوقعش ان البطاريه ممكن تصمد ساعه مثلا بـ 2 جى ام ..

طيب بالنسبة للجى ام
هل ممكن ادور العربية وهو شغال ولا الاحسن اطفية ؟؟؟

اطفي اي جي ام قبل تدوير العربيه
حسب ما سمعت عشان الكهربه بتكون مش منتظمه اثناء التدوير

متشغلش الصوت ابدا والعربية مطفية
لازم تكون دايرة

الف شكر لكم جميعا وان شاء الله وقت صاحبي يركب السيستم هصوره وارفعلكم الصور تحياتى