عرض للطباعة
زيت الباور سقط ومشيت بالسيارة حتى الميكانيكي وقالي ان الماسورة مخرومة وعلشان مشيت بالسيارة من غير زيت فمكينة الباور باظت ياجماعة الكلام ده مظبوط السيارة ماشية معايا مفيهاش مشكلة الان بس الميكانيكي قالي الدركسيون حيكلبش ارجو النصيحة هل الكلام ده مظبوط و سعر ماكينة الباور كام لو سمحتم
بص يا باشا
أنا الخرطوم دة إتقطع مرة وكنت مضطر إنى امشى بالعربية مسافة تقريبا 60 كيلو وبعد ما ركبت الخرطوم الحمد لله كله تمام ومفيش اى مشكلو فى الطلمبة
هى العربية موديلها ايه الأول
و ايه اللى خرم الخرطوم و لا الماسورة
الماسورة الأمامية اللى قدام الردياتير؟؟؟؟ دي ثمنها 450 جنيه ودي سببها إن مروحة الردياتير (لطشت) الماسورة الألومنيوم!!!
لأ عادي ممكن تمشي بالعربية من غير باور ستيرينج بس الرجل الميكانيكي ده مش أمين لأن ممكن الطرمبة ما تكونش إتحرقت. زود زيت باور (لو الخرم مش كبير) وروح لأقرب ميكانيكي يغيرلك الماسورة دي والأفضل تجيب ميكانيكي (أمين) لحد العربية.
إنت ساكن فين؟ لو فى مصر الجديدة وضواحيها أنا عندي واحد ممتاز.
تحياتي.
انا الخرطوم عندي كان مكسور برضه واضطريت امشي بالعربيه 100 كيو لغايه ما اوصل لميكانيكي في اسيوط يعملهالي علشان ماحدش في سوهاج يعرف يفك الخرطوم بص كنت حاطط زيت موتور بدل زيت الباور علشان مايتسربش بسرعه
حصل معايا نفس الحوار وخرطوم الباور العمومى إتقطع ومشيت مسافه مش قليله والزيت كان قليل والحمد لله محصلش حاجه وغيرته وزودت الزيت وكله تمام الحمد لله
زود زيت وروح لميكانيكى تانى وإن شاء الله بسيطه
وأى خدمه أنا تحت أمرك
الف شكر على الرد السيارة اوبل فيكترا 99 1600 سي سي
الحكاية ان مرة واحدة لقيت السيارة بتنزل زيت من الامام اسفل الريداتير ولاني خبرتي
بسيطة معرفتش السبب ايه قلت اروح بسرعة للميكانيكي مشيت بلظبط حوالي 5كم
هو قالي ان الماسورة اتخرمت ولحمهالي وقالي ان الماكينة تقريبا باظت مع ان العربية ماشية معايا مش لاقي مشكلة بس قالي ممكن تقفش مني مرة واحدة ارجو نصائحكم على فكرة انا من الاسكندرية
لأ كده سيبك منه ده بيخرف
ما دام العربية عادى و المكنه بتاعت الباور مش بتون و لا الدركسيون بيعض فى الملفات ولا و انت بتكسر يمين و شمال يبقى سيبك منه و احمد ربنا و خلاص
بص قلى احنا نعرفة ان طرنبة البور يا شغالة يا محروقة مدام مشية معاك زى الفل خلاص سيبك منة
هو ده الكلام الصح
ماكنة الباور البرازيلي كنت شاريها ب 900 جنيه آخر 2008.
شكراااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااااااااااا