حضرتك ماقرتش اللى الاسياذ عماره قالوا ولا ايه؟
الراجل قال بصراحه انه مش بيقدم نصيحه و بيركب و خلاص!!
ده يبقى اسمه ايه؟
قريت يا سيدى.
مسموش باع ضميره !!
الناس بتعمل تعديلات كتير فى العربيات و بيركبوا حاجات على حاجات تانيه.
الراجل جابله حاجه و قاله ركبهالى فا ركبهاله.
و بالنسبه لموضوع قطع الغيار, هو لما قال 500 جنيه هو مش ضاربهم فى جيبة, هو خد الجزء ده من تاجر جمبة و التاجر هو اللى طلب السعر ده.
الراجل بيركب كوبلن و شغله هيطلع بايظ و يبقى تعديلات!!!
ده صميم شغله انه مايركبش غير الحاجه اللى تركب صح و برضه تعديلات انه يبوظ العربيه و يكسر الكوبلن الداخلى عشان مش مكلف ضميره انه يشوف شغله
و بيبقوا ضاربين السعر
حضرتك انا والدى عنده محل وعارف الشغلانه ديه ماشيه ازاى من الالف لليه و عارف النصب كله
يا باشا الموضوع مفهوش وجهات نظر كتير......هو قالي إنت مجبتش الأصلي وماجتش طلبت مني النصيحة فده جزاه عملك :H_angry[1]:
قلتله ده حتي الشهابي معندوش الأصلي عشان قالي أنا مش هجيب كوبلن بـ2700جم يقعد عندي وميتبعاش
قالي خلاص تيجي تقولي وأنا أنصحك تجيب إستيراد
قولتله طيب يا أخي أنا أخطأت وجبت قطعة غيار غلط....مش المفروض أو لازم حضرتك تنصحني إن القطعة دي ماتنفعش
قالي أنا مجرد أداء وإلي تجيبه أنا هركبه وماليش دعوة
قولتله الموضوع إختلاف مقاس مش أصلي أو غير أصلي
ماليش دعوة إنت إلي الغلطان
طيب يا أخي إنصحني !!!!!!
أنا زهقت من نصيحة الناس
واخد بالك طريقة الحوار كانت إزاي.......هل إنت شايف الكلام ده منطقي
أنا مش بقول إنه بيعمل كده مع أي عربية تجيله......بس الراجل ده مش خبرة ولو أتلف شيء في سيارة أي حد هيهرب من المسئولية بهذا الإسلوب المستفز
يعني معنى كلام حضرتك إني أجبله أي قطعة غيار ممكن تضر العربية والإنسان إلي راكب العربية وهو مجرد يركب من غير مايقول دي تصلح ودي لا تصلح ؟...
المسألة مسألة مقاس مش جودة .......يعني أنا ممكن أجبله كوبلن نفس المقاس بس يكون صيني وأقوله يركبه.....سعتها لو باظ وضرب هو معلوش أي لوم
موضوع قطع الغيار ده إسمه نصب علني.....إهنا سألنا بتوع قطع غيار الإستيراد وقالوا الكوبلن الكامل بـ400جم......منين حضرتك أجزمت إن التاجر هو إلي طلب السعر ده ؟؟؟
الله يعوض عليك
انا الميكانيكى اللى بتعامل معاه هو مش متخصص فولكس ولا حاجة بس اما بغير حاجة واخرها كان دراع اسكطرة الحاجة الى جايه جديدة قبل ما بيركب بيروح حاططها جنب القدية ومقارنها نفس الطول ولا لا
لكن مش الزباين تجيب وانا اركب زى متيجى
ودراع الاسكطرة طلع طويل عن الى كان راكب فيها خلانى اروح ارجعه وسافرت القاهرة باليل تانى
اققل واحد قبل مايركب بالذات حاجه غاليه يفضل يقيس و يشيل و يحط خصوصا الحاجه اللى مش بترجع و يجيب البوكليز و يقيس من جوه و من بره و بعدين ساعات يبعت القديم والجديد لبتاع قطع الغيار و يقوله مش هيه عشان لما يقول هيه و يركب و نطلع غلط يبقى غلطه البياع
الموضوع مش انا بركب و خلاص - ده اسمه سفه
الخطأ مركب بصراحة
فرق الكوبلن في الطول لا يظهربالنظر في ورشه لانه بسيط لكن طبعا يبان بعد ما يركب واكيد دي غلطه صنايعي صغير وخاف يقولو واعتقد هوه ده السناريو المنطقى الضغط النفسي علي الناس خلا كل واحد يتشبث برأيه وانا ماليش علاقه بالطرفين .