المشاركة الأصلية كتبت بواسطة mantoros
لسة مبعتش و لغاية دلوقتي ملقتش اللي يستاهلها........مش تناكة والله بس العربية بتاعتي مش اي حد ابيعها له و مش بأي سعر.......برده العربية الاول يد النضيفة اوي اوي دي لازم تأخذ حقها وسط السوق السيء جدا للبي ام الذي نراه !!!!!
و الله تحس ان التجار كمان عملين زي العصابات.....حاجة كوميديا....و الظريف انهم فاكرين نفسهم شاطرين و يكلموك كذا واحد و يقولك انا مهندس فلان و استاذ علان و انا اصلا بشم ريحتهم من علي بعد كيلو و طريقة كلامهم واحدة و محفوظة........والله لعبة مسلية جدا :-) :44:
و اللي يقولك من الناس اقسط العربية ؟!!! يا ابني انا راجل دكتور مش تاجر و لا شركة عشان اعرف اضمن حقي!!!!
و الللي يقولك انا المعرض اللي جنبي جابلي عربية ب75 الف موديل 97 و فبريكة و اوتوماتيك و بيقوللي التاجر انها حلوة....!!!! اقوله روح اجري اشتريها :khd: و سيبك من عربيتي ام 85 الف طبعا و ربنا معاك يا حبيبي و تلبس في عربية مشيسة و لا نصفين و لا عاوزة موتور........ده لو جابهالوا اصلا...
و الله سوق غريب و ناس اغرب.....بس عادي الواحد اتعود خلاص علي البلاهة دي.
انا اكتفيت بأعلان الوسيط و contactcars و facebook
و في اثنان محترمين جايين يشوفوها و ربنا يكرم.........بس لو ارتحتلهم او احترمتهم اصلا يبقي افكر ابيعلهم...اصل العربية بتاعت خال والدتي و اول يد و مصروف عليها 12 الف جنيه مني حسوكة و دلع و ترييح دماغ لمدة 5 سنين من اي مصاريف عشان مكنتش ناوي ابيع خالص عشان كدة اللي ياخدها لازم يكون واحد ابن ناس و بيفهم و الا مش مهم و مش هبيع اصلا و هتصرف في موضوع العربية ال4*4 اللي انا محتاجه بأي طريقة اخري...
و الله الموفق