علي غرار موضوع الكورولا ....لو حبيت تغير الياريس ...تشتري اية..!!!؟

السؤال دة يا جماعة مٌوجَة لمالكي الياريس فقط....ودة بسبب إن مالك السيارة هو أعرف واحد بيها ....يعني متعايش معاها ...عارف نقاط القوة والضعف علي طريقة عين اليقين...يعني عرف و سمع وشاف وساق لفترات طويلة...جوة البلد ...علي طرق سفر..والخ..

ايضا سؤالي مٌوجَة لفئة راغبي السيارات العائلية...الصغيرة او الكبيرة....يعني استبعدوا فئات سيارات السرعة...والتربو.....

انا مثلا فكرت ....لو هاغير الياريس واجيب كورولا....هل فعلا فرق السعر يستاهل...

هل فرق المساحة الداخلية ....ومساحة الشنطة...تستاهل ...الـ 65 الف جنية....؟؟؟؟؟ ايلي هما ممكن يجيبولي سيارة ثانية زيرو....او حتي سيارة ياريس مستعملة......؟؟؟؟

بصراحة ...مش شايف اي عربية سيدان....تستاهل فرق السعر دة.....وايلي ممكن يزيد في حالة رفع اختيار انواع تانية زي الاوكتافيا...

مفيش :shyy:

انت قصدك زيرو يعني
هو بصراحه عمليا الفرق ده بالنسبة للحياة بتاعت بلدنا يبقى كتير ولكن هو اكيد فرق الفلوس هتاخد به حاجات في العربيه ولكن انا بتكلم عمليا للحياة العملية العادية مش حاجة تانيه
ولكن بالنسبة لأصحاب المزاج والفلوس مش مشكلة اكيد
بس انا معايا سيريون مثلا ولكن لو هغير هغير مثلا للأفينسيس القديمة مش الجديدة اكيد الا كمان كام سنة لو رخصت في المستعمل مع ان الموضوع مستبعد
الياريس عربية حلوة وشغاله كويس في بلدنا وممكن تمييزها بالجنوط

والله يا ابو عبد الله....الافضل تبقي العربية زيرو.....لان زي ما انت عارف سوق المستعمل عندنا ...لا فية ضمير...ولا خوف من ربنا..الا فئة قليلة نادرة الوجود...اما الباقي ..عايز يبيع ويكسب ..وخلاص.

أرجع لموضوع التغيير من أجل مميزات افضل بسعر معقول ...هل توجد سيارة تستطيع الارتقاء عن الياريس بسعر معقول نسبيا....

يعني تاني مرحلة عند صاحب نفس العلامة التجارية..."الكورولا" زي ماقولت...هاتعملها في حدود 65 الف ويمكن 75 الف لو هاي لاين..

هل المبلغ دة ...يساوي كام لتر مساحة بسيطة في العربية من الداخل والشنطة...حيث ان هذة هي المساحة المٌنتفع بها....يعني حجم العربية الضخم من برة....مالوش لازمة غير المنظرة...وصعوبة في ايقاف العربية في شوارعنا المكتظة بالسيارات...

للاسف لا يوجد في مصر خيارات متعددة لسيارات الـ mpv او الـ suv هي دي فعلا المناسبة لينا في مصر..او حتي الميني فان...

يعني في الياباني مافيش غير التريوس ...

أنا معا ياريس مو 2008 وعاملة دلوقتي 70000 كم وما شاء الله زي الفل وأخويا عنده الكورولا 2010 ..والله يا زعيم أنا شايف كتير أوي 65000 جنيه عشان أغير من اليارس للكورولا .. والوسع بتاع الكورولا من جوه مش قوي عشان الفرق ده كله ... أنت ممكن تروش عربيتك شويه (جنوط .. فرش ... ساوند سيستم) وتحسس نفسك بالتغيير ده وكأنك غيرتها

اقتباس:

---

المشاركة الأصلية كتبت بواسطة tamer273

أنا معا ياريس مو 2008 وعاملة دلوقتي 70000 كم وما شاء الله زي الفل وأخويا عنده الكورولا 2010 ..والله يا زعيم أنا شايف كتير أوي 65000 جنيه عشان أغير من اليارس للكورولا .. والوسع بتاع الكورولا من جوه مش قوي عشان الفرق ده كله ... أنت ممكن تروش عربيتك شويه (جنوط .. فرش ... ساوند سيستم) وتحسس نفسك بالتغيير ده وكأنك غيرتها

---

احلى كلام

خد بالك .. فرق الفلوس دة مش في الوسع بس !!

فرق السعر دة .. في خامات العربية البتبقى افضل كل لما الفئة تعلى .. غير كمية الاوبشنز الللاسف مش موجود منها اي حاجة في الياريس .. غير التكنولوجيا الفي الموتور الموجودة في مواتير قليلة ١٦٠٠ ..

اقتباس:

---

المشاركة الأصلية كتبت بواسطة kareemhisham

خد بالك .. فرق الفلوس دة مش في الوسع بس !!

فرق السعر دة .. في خامات العربية البتبقى افضل كل لما الفئة تعلى .. غير كمية الاوبشنز الللاسف مش موجود منها اي حاجة في الياريس .. غير التكنولوجيا الفي الموتور الموجودة في مواتير قليلة ١٦٠٠ ..

---

صدقني الخامات ما بتفرقش...يمكن الياريس اخر منتجات اليابان..يعني ما دخلش عليها فكر الـ Low Cost ايلي تم تطبيقة في الكورولا الجنوب افريقي...وباقي السيارات مش متجمعة في بلادها ...يعني ايلي برازيلي ولا ارجنتيني..ولا مغربي..ولا تركي...

للاسف مافيش اوبشن كتير مثلا في الكورولا البروفشنال عن الياريس الكاملة ...يعني مافيش فيها زيادة غير فوانيس شبورة..+ تغيير ارتفاع النور الامامي..الباقي زي بعض..حجات ممكن تضيفها باقل من عٌشر الفرق...وحتي لو قارنت بالاوبش ايلي في الكورولا الادفانسيد...هتلاقيها حجات عبيطة مش فارقة معاك في وظيفة العربية الاساسية ...وهي كونها وسيلة انتقال...يعني تدفع 70 الف جنية علشان عدادات اوبترون وتكييف تتش...وشوية جنوط...و5 سم زيادة في وسع العربية...حاجة مش منطقية...او عملية ..

الموتور الـ 1600 ....مش فارق كتير عن الـ 1300 خصوصا ان الطرق عندنا يعني ما شاء الله ...مش مستحملة ..من الزحمة ...ومن حالة الطريق...انا اخري باي عربية 120 كم / ساعه ..دة لو كان الطريق فاضي ..ومافيش غيري...

العربيات الوحيدة ايلي انا شايف انها فارقة...هي السيارات العائلية الـ MPV ودة لان فرق المساحة مهول...زي مثلا الجراند تريوس....العربية دي لو تثبت نفسها في السوق...ويرخصوها شوية...تبقي ممتازة...

متااااابع متابع

مغيرش الياريس ابدآآآآآآآآآآآآآآآآآآآآآآ آآآآآآآآآآآآآآآآ ومن وقت للتانى بعد اغير فيها شويه حجات عشان محسش بزهق

انا لو معايا الفرق ده وعايز اغير مش هضحى ابد بالفرق ده علشان كرولا هشترى بالفرق ده عربيه تعتر اقل سعر اعاده بيع وهى الميجان 2 استلقط واحده حالتها نظيفه فى حدود 75 الف وتعتبر نفس فئه الكرولا بل ممكن تزيد عنها وابقى عندى عربيتين

انا بقى لو غيرت ممكن افكر فى اللينا لو عملوا منها اتومتيك
اكتر حاجة مضايقانى فى اليارس الاكصدامات بتاعتها الورق .نفسى يغيورهااااااااااااااااااا اا

اقتباس:

---

اكتر حاجة مضايقانى فى اليارس الاكصدامات بتاعتها الورق .نفسى يغيورهااااااااااااااااااا اا

---

فعلا الاكصدامات مشكله فى الياريس !! خصوصآ الخلفى ، انا مبشوفش عربيه ياريس الا ولازم القى مشكله فى اكصدامها الخلفى

تعرفوا انا كشاب
لو هجيب تويوتا تانى فى الوقت الخالى
وهزود فلوس طبعا

بدون تفكير هروح اجيب ياريس خليجى 1500

دى بالنسبالة افضل من الكورولا صراحة .

ولو ان لو فى كرولا مش هكره يعنى .

بس انا دماغى كده ..

انا بتكلم فى يابانى
يبقى عمرى ما هزيد عن 120
واحسن حاجة تويوتا فى ال120 الياريس الخليجى

لكن لو وصلت لمبلغ 160
بالتاكيد هجيب عربية اوروبى مع احترامى لليبانى
وبالنسبة للصيانة وقطع الغيار والتكنولوجى المعقدة
انا ببساطة مؤمن بالتامين على اى عربية قبل اى حاجة .

ولو انى لسه مجددتش تامين الياريس
مكسل ومستخصر هههههههه

مننكرش ان الكورولا اوسع وافخم نوعا ما مش كثير اوى طبعا
ايضا اثبت نوعيا

لكن على مستوى التسارع الياريس ال 1500 اقوى من الكورولا .
ودا شىء معروف فى الخليج كويس جدا .

العربية الى عاوز بجد اعملها تست درايف الهوندا سيتى
والفورد فييستا والسوزوكى سويفت

الاوروبيين بيقولوا ان قيادتهم متعة

بس فى نفس الوقت بيقولوا ان الياريس لاتقل متعة عنهم .


ياجماعة العربية كل م تكون صغيرة دا ميزة فى البلد دى .

الا يعنى بالنسبة للاسرة وبالنسبة لاصحاب الفخامة والسمو ههههههه

انا معايا ياريس وهغير واجيب ياريس برضو :d
لانها الوحيده العمليه للطرق بتاعتنا

علي فكرة انا ركبت الياريس الـ 1500 في الخليج....فعلا تسارعها مزهل...هي كانت تاكسي...والله بعد ما قعدت وقفلت باب العربية...بابص علي العداد لاقيت السرعه 100...والعربية كانت عاملة حوالي 380 الف كم ....

علشان كدة شايف ان تغيير الياريس لكورولا بفارق ما يقلش عن 60 الف جنية دة لو هاتجيب كورولا استعمال كمان...يعتبر كتيرررر قوي...والكورولا مش بالوسع المهول ايلي يتلاحظ عن الياريس...يعني فرق المساحة يكاد يكون مش ملحوظ...

في نفس البلد ركبت برضة كورولا الشكل الجديد تاكسي...وكنت قاعد قدام...حسيت ان الفرق بيني وبين السواق مش أكبر من الياريس اطلاقا....هي مشكلة الكورولا انها ضخمة من برة ...وفعلا مش واسعة قوي من جوة...مش في وسع المرسيدس مثلا حتي الزلمكة القديمة ...متهيألي صالونها اوسع..

فكرة ان الواحد يشتري عربية تانية فكرة كويسة....بس عايزة شغلانة تانية...علشان يقدر يلاحق علي مصاريف عربيتين....بس فعلا هي أحسن ما يكون عندك عربية واحدة غالية ...علي الاقل لو وحدة عطلت ولا قدر الله عملت حدثة التانية موجودة بدل البهدلة في المواصلات...

بصراحة ممكن افكر في الياريس 1500 سي سي و أزود فيها شوية كماليات زي البركينج سنسور و الجي بي اس و الدي في دي و جنوط سبور

بصراحة الياريس عربية جيدة جدا بالمقارنة بعربيات اخري كثير

انا عاشق للسيارات وبحب أغير كتير مع اني مش معايا فلوس هههه بس عندي طموح المهم لو هغير الياريس اول حاجة ابدأ أفكر فيها هتكون الباسات وناخدها واحده واحده لحد ما اجيب ال f700
أو x6 ادعولي

لو هغير اجيب الياريس الاوتوماتك لاني رجليه الشمال وجعتني