يا جماعة انا محتارة جدا بين العربيات دي أنا عايزة حاجة ياباني علشان تعمر معايا 10 سنوات إن كان لنا عمر إن شاء الله وفي نفس الوقت قطع الغيار و التوكيل يكون كويس الكولت شكلها مش وحش بس مش بأشوفها كتير علشان غالية و السيريون ساعات بأشوفها حلوة في الألوان الغامقة و ساعات بأشوفها عبيطة و فيها حاجة غلط الجيتز حلوة بس غبور و ماسمعتش حاجة عن توكيل الكولت فاياريت تقولولى يا أصحاب الخبرة أعمل إية و لو في إختيارات أحسن قولولى و شكرا .
رأى الشخصى سيريون 1500 اوتوماتيك عربية ممتازة و صغيرة و واسعة من جوة و سهلة القيادة و المناورة و يابانى 100% و معمرة بأذن الله توكلى على الله
انا مع فهداقتباس:
المشاركة الأصلية كتبت بواسطة fahd_628
واحب ان اضيف انها توكيل محترم وقطع غيار وتوفير في البنزين وضمان 100 الف كيلو
طيب ما تفكرى فى الياريس عربيه رائعه وممكن تجبيها هاتش باك وهتبقى مناسبه ليكى جدا
لكن من الاختيارات اللى انتى ذكرتيها
أفضل حاجة السيريون طبعا
شكرا يا جماعة علي النصيحة بس معني كلامكم إن الكولت وحشة ولا إية دي نفس موتور اللانسر الجديدة 1500 cc و طبعا معروف عن اللانسر إنها زي الجنية الذهب علي رأي الأستاذ إسلام ولا التوكيل وحش و لا إية أصل شكلها بالنسبة لي أحسن من السيريون بصراحة . معلش هأرفكوم معايا
الياريس مش بأحب شكلها هي عربية كويسة طبعا بس 1300 و لو هأفكر فيها يبقي السيتي أفضل خصوصا في السعر علشان أنا عايزاها أوتوماتيكاقتباس:
المشاركة الأصلية كتبت بواسطة casber
هي ال1500 بتوفر في البنزين زي ال1300 و لا ‘نت قصدك علي ال1300 و لو 1300 أوتوماتيك كويسة و لا الأحسن 1500 علي المدي الطويل بعد لما الموتور كفاءتة تقل بعد 5 سنين إن شاء الله و كان لنا عمراقتباس:
المشاركة الأصلية كتبت بواسطة أبو عبدالله
أستاذ اسلام قال على اللانسر جنيه دهب و مش عشان موتور الكولت هو هو نفسه موتور اللانسر يبقى الكولت بقت زي اللانسراقتباس:
المشاركة الأصلية كتبت بواسطة unounobebo
و لو أني لا أعرف شئ مطلقا عن الكولت
فمن الممكن أنها تكون حلوة قوي و ممكن لا
لأن نفس الكلام ينطبق على الفيرنا و الماتريكس بموتور واحد و أختلاف الأداء
و نفس الموضوع مع الجيتز
الجيتز عربية خفيفة و موتورها قوي و ده من أسباب استبعادها
يبقى هي السيريون
عربية حلوة و محترمة و مش عشان ياباني
لأ علشان هي عربية محترمة و تم تصنيعها بعناية و جودة عالية
و أفضل لكي السيريون 1300 لتوفري في الوقود
بس بكام الكولت الاوتوماتيك ؟ وبعدين مش منتشرة خالص .. و قطع غيارها تعتمد علي الانتشار !
انا في رأي - سيريون - ياريس خليجي هاتشباك - جتز
انا افضل السيريون
الكولت أوتوماتيك ب95000 كتير عليها أوي بس أنا عايزة عربية معمرة و السيريون 1500 ب 92000 و 1300 ب 86500 سبورت (جنوط و سبويلر ) و طبعا الفلوس فارقة معايا بس عايزة حاجة لا أندم عليها . هل هتفرق ال1500 عن ال1300 لو أنا عايزاها أوتوماتيك ؟ معلش تعبتكو معايا بس الحيرة وحشة . في حاجة انا بأسافر مرتين أو ثلاثة في السنة السيريون هتنفع في السفر ؟ و شكرا
سفر مرتين تلاتة مش مشكلة خالص لعربية 1300 و لكني لا أعرف عن أداء الأوتوماتيك الخاص بهااقتباس:
المشاركة الأصلية كتبت بواسطة unounobebo
و الأخ أبو عبد الله هو أكثر واحد ممكن يفيد حضرتك في الموضوع لأنه معاه سيريون 1300
على فكرة الياريس الاوتوماتيك ال 1300 سي سي سحبها ممتاز جدا والتكييف مش بياثر على ادائها
لو عاوزة حاجة معمرة ومريجه ومتغلبكيش فى اى حاجة يبقى الياريس
لكن الهوندا سيتى عربيه عائليه مش عربيه شبابيه
عاوز اقلك ان الياريس منتشرة جدا هنا فى الخليج بدرجة كبيرة جدا والحقيقة عربية يعتمد عليها
انا واحد صاحب والدى جاب سيريون 1500 اوتوماتيك و بيقوله ان العربية دية طلقة ( كان معاة قبلها اوكتافيا و باسات )
انا اخالفكم الراي واقول كولت
الموتور المايفك الجديد 1500 تحفة
العربية اتحاد اوربي ومتجمعة في ايرلندا تقريبا ومخصصة للتسويق في اوربا
يعبها الشكل مش عاطفي بس لكن هيا هيا الانسر نفس عفشتها والات الجر وكما هيا سبور قوي
وللي ماجربهاش هيا فعلا بتجري جري غبي وثبات حلو وتقدروا تشوفوا ريفيوهاتها على يوتيوب
هايعبها بس اعادة البيع مش هاتبقي عالية زي الانسر بس مش هاتنزل قوي
وحضرتك بتقوللي انك عايزاها تقعديها 10 سنين يبقي خلاص
واوسع من السريون بكتير وليها شنطة معقولة
جيتز دي خارج الحسبة تماما طالما تقدري تركبي عربيات زي كولت وسريون ما تفكريش في غبور وقرفة
ومهندس طارق زويل يقدر يدينا سبورت في الكولت كويس
يا جماعة السريون عربية جامدة جداً من توافر 3 عوامل مهمين جداً :
1- الصناعة و التكنولوجى اللى فيها
2-تناسب الموتور مع البدى و حجم العربية (خصوصاً 1300cc)
3-التوكيل
انتقادات البعض عن الشكل فهى دى التصميمات الجديدة للعربيات المينى . و بالنسبة لصغر الشنطة هاستفيد بى اية شنطة و اسعة 90% من الوقت مش باستخدمها كلها .
وبالنسبة ل 1300 ولا 1500 لو انتى سواقتك هادية و مابتحبيش الجرى كتير كفاية جداً ال 1300 هاتخدى اداء رائع من العربية ..
دة غير ملحوظة مهمة جداً ( ما حدش معاة سريون اقال فيها كلمة وحشة ) اعتقد دة كفاية اوى. مع تمنياتى بالتوفيق فى الاختيار. شكراً
بالنسبة لانتقادات الشكل في السيريون .. بالعكس يا جماعة انا شايف ان شكلها حلو جدا !
و خاصة في الالوان الفاتحة
شكرا يا جماعة علي آرائكم الجميلة اللي هتفيدني إنشاء الله بس لسة ماحدش قالي اللانسر الشكل القديم فتيس cvt و الكولت فتيس أوتوماتيك و مانوال في نفس الوقت يعني شكلة مانوال بس هو أوتوماتيك و ما فيش دبرياج .هل الفتيس دة أحسن ولا هيبقي مشكلة ؟ لان معلوماتي إن أحسن حاجة في الاوتوماتيك cvt زي اللي في السيتي و اللانسر القديمة و لا السيريون الاتوماتيك بتاعها أحسن ؟ و حكاية إن الكولت تقفيل مش ياباني يبقي السيريون أفضل ولا إية ؟ خاصة السمعة الممتازة لعبد اللطيف جميل . شكرا لمساعدتكم القيمة و أنا فعلا بأستفيد منكم جدا و من آرائكم القيمة .
الفتيس الاوتوماتيك أكتر من ممتاز في السيريون وبشهادة غالب اللي جربوها قالو كده وعلقوا عليه انه بينقل بسرعه واستجابته ممتازة جدا
ولا يوجد تأثير على سحب الماتور الــ 1300 سي سي عند الحمولة اكبر من حمولة العربيه وبتشغيل التكييف ايضا
وده عن تجربه وسبق وقولت اني مشي حوالي 30 كم وانا محمل حوالي 6 افراد وشنط وتكييف ومفيش اي مشكلة خالص في السحب