لو معاك فلوس تشتري شقه في مكان راقي ولا فيلا في مكان اقل؟

**TeXo** · 15-03-2010 12:30 AM

المشاركة الأصلية كتبت بواسطة mostafa_elhussain

مش عايز احبطك بس حوار الجنينه ده فاشل (عن تجربه) لو باني فيلا في حته الارتفاعات المسموحه للبناء فيها اكتر من 3 ادوار ومساحة الارض اقل من 1000 متر
لانك باختصار هتلاقي جيران المنطقه كلها بتتفرج عليك :h_angry[1]: وبتسمع اي كلمه بتقولها
ولو لقيت مساحه واسعه تديك الخصوصيه الكافيه (ودا مكلف جداً) ،هتلاقي الامان اقل
إلا لو جايب سيكيوريتي وكده (ودا مكلف هو كمان)
وربنا يرزقنا بحلاله ونجيب اللي بنحلم بيه

شكرا لمشاركة حضرتك ..فعلا الموضوع طلع مش سهل .. بكل صراحه انا كنت فاكر انها حكاية فلوس و خلاص .. اتضح انها عايزه دراسه للمنطقه و سبل الحمايه موال كبير : )))) دي عايزه خطط بقى : ))

**محمد محمد** · 15-03-2010 12:35 AM

المشاركة الأصلية كتبت بواسطة texo

شكرا لمشاركة حضرتك ..فعلا الموضوع طلع مش سهل .. بكل صراحه انا كنت فاكر انها حكاية فلوس و خلاص .. اتضح انها عايزه دراسه للمنطقه و سبل الحمايه موال كبير : )))) دي عايزه خطط بقى : ))

لا خطط ولا حاجة الموضوع ابسط من كده بكتير.

**M.Osman** · 15-03-2010 01:08 AM

شفة في مكان افضل ...

**marshal** · 15-03-2010 01:40 AM

فيلا أكيد حتى لو من دور واحد بس مش لدرجة انها تكون فى مكان صعب العيشة فيه
يعنى فى أسكندرية مثلا ممكن الكينج او برج العرب او العجمى 21 مثلا حاجة كده

**shaddadfalcon1** · 15-03-2010 09:22 AM

المشاركة الأصلية كتبت بواسطة marshal

فيلا أكيد حتى لو من دور واحد بس مش لدرجة انها تكون فى مكان صعب العيشة فيه
يعنى فى أسكندرية مثلا ممكن الكينج او برج العرب او العجمى 21 مثلا حاجة كده

طيب لو علي الطريق الزراعي مثلا قبل مدخل اسكندريه عند كوبري ابيس؟؟؟؟؟

يعني بينك وبين الزراعي اقل من 100 متر !!!

هل ده يعتبر مكان معقول ولا واقع خالص؟؟

خصوصا اني ساعات بشوف فلل لوحدها طول مانا ماشي علي الزراعي
او حتي بيوت عائليه

انا بصرحه متربي في بيت عيله ومتعود اهيص براحتي وعربيتي قدام البيت واخواتي يلعبو في الفراندا اوفي الجنينه

ودلوقتي انا عايش في شقه صغيره بسبب ظروف الشغل واسباب ماديه برده

بصراحه كل حاجه الواحد بيعملها بحساب عشان الجيران

**Karim_Monir** · 15-03-2010 12:02 PM

الخصوصية لا تعوض
اقعد بارحتي ادب براحني
اغسل عربيتي بايدي في مكان براحتي
الاعب عيالي براحتى
وابنيلهم واجوزهم معايا كمان لو زنقت
المهم ماتكونش في مكان مقطوع عشان اسيب اهلي في امان وان كان لازم تعقلها وتتوكل
اما عن التامين فالموضوع بقي رخيص جدا
انا عندي ادارة في شركتي فيخا الجزئية دي ولينا عملاء كبار قوي وبياخدو انظمو تامين وتحكم غالية
الحاجات دي عشان منتجات شركتي غالية ليها بدائل صيني كتيرة ورخيصة كمان
بداية من اجهزة استشعار الحركة لحساسات الحرارة اللي بتطلع انذارات وغيرة كتير من انظمة التامين والمراقبة
ده انت ممكن تعمل نظام مراقبة عبيط بكاميرات يب كام وترمي على كمبيوتر 24 ساعة
وكمان ممكن تخليها وايرلس
بص هنا
BrickHouseSecurity.com: Home Security Cameras | Wireless Camera Devices | Video Surveillance System
Home Security Store | Home Security Camera | Wireless Security Systems
وده في مصر
SMART HOUSE Security

ولو عايز تمشيها عادي ممكن كلبين حراسة محترمين بس انا لا افضلهم وافضل انظمة التامين خاصة انها فعالة ورخيصة ومش محتاجة رعاية ومتابعة زي الكلاب

**shaddadfalcon1** · 15-03-2010 01:14 PM

بالنسبه للصنايعيه - انت برده ممكن تشتري شقه من غيرتشطيب خالص وهي هي

**misoalex** · 15-03-2010 03:41 PM

المشاركة الأصلية كتبت بواسطة m.abdeen

الخصوصية احسن كفيلا بس البناء ده موال كبير ووجع قلب وفلوس طالعة زي الرز وصنايعية مقرفيين وطمع وجشع ربنا يرحمنا ويوفقك

ليه امال المقاولين بيعملو ايه
المقاول الحاجه الى حتجبها ب10 حيجبها ب 8
ده غير انه بيشبشب الصنايعيه ويخليهم يشتغلو الحاجه الى بياخدوها فى يوم يعملوها فى نص يوم
ده غير حاجات كتير
انا جربت فى شقتى ال2 وبصراحه المقاول بينفع بجد جاب 6 صنايعيه يشتغلو مع بعض تخيل انت بقى بقو بيخبطو فى بعض وهما شغالين من الزحمه ههههههههه
بس كنت مضطر ساعتها

بس ميمنعش ان فيه مقاولين حراميه ونصابين

**أبو صلاح** · 15-03-2010 04:40 PM

بص ياباشا
انا مع لارأي اللي بيقول فيلا افضل
وهتلاقي ناس كتير كده على سبيل المثال ممكن تدخل قرية بسيطة في الارياف وكلها بيوت متواضعة وهوب تلاقي قصر مش فيلا جوه القرية دي
مثلا صاحبها مش معاه فلوس يسكن في شقة في منطقة راقية ؟ لا طبعا معاه
بس الاحساس بالخصوصية حاجة تانية

خصوصا لو الصور عالي وكويس وفيها جنينة كبيرة
كانك عايش في دولة لوحدك