السلام عليكم ورحمة الله وبركاته
أنا كانت العربية عندى فيها رجرجةورعشة غيبة أثناء الدوران وساعات على السلانسيه
المهم روحت كشفت عليها عند الميكانيكى قالى دى قواعد موتور ولازم تتغير كلها مع بعضها
المهم جريت وروحت جبت القواعد من صلاح الدين عندناوبعد مالفيت على الألمانى وقلبت عليهم الدنياوعملوا تقريبا 450 جنيه
الميكانيكى أول ماشافهم قالى دول شكلهم مش تمام شكلهم شغل تحت السلم روحت رجعتهم وجبت غيرهم ورجعت ركبت لاقيت كله بقى تمام
وبعدها بشهر نفس الموضوع رجع تانى فى العربية رجعت للميكانيكى لاقيته بيقولى قواعد الموتوردى مش تمام مزمدة العربية وهى اللى عاملة الرجة دى عندك قولت ماشى
خدتهم ونزلت صلاح الدين تانى وبعدين روحت لبتاع الإستعمال وريتوا القواعد قعد يضحك ويشرحلى إنهم معمولين تحت السلم ووران اللى عندو وفعلا طلع فى فرق بين اللى إشتريتهم وبين اللى عندو
فعلا لقيت فى فرقمش فى الشكل ولا فى فتحات الربط لكن فى التقفيل بتاعها كلها ملمسة فى بعضها ودة اللى مخلى العربية مزمدة وأخدتهم إستعمال من عندوا برضه ب 400 جنيه وركبتهم والميكانيكى قالى دول تمام والمفاجأة إن العربية من ساعتها ولغاية دلوقتى والموضوع دة عدى عليه 3 شهور زى الفل
ماقاليتش حاجة خالص
وطبعاً روحت بعدها عملت مصيبة مع محل قطع الغيار اللى إشتريتهم منه رغم إنه معرفة قعد يحلف ويقولى إنهم تمام وإن الميكانيكى هو اللى مش تمام
أنا قولت أحكى القصة عشان الناس هنا تاخد بالها
وحسبى الله ونعم الوكيل فى الللى بيحصل فينا فى البلد دى
أخوكم فى الله هانى
المفضلات