الموضوع: عالمنا الافتراضي

دكتور بحري كلامك شيق وممتع ومرتب
في انتظارك لاكمال الحديث

المشاركة الأصلية كتبت بواسطة نور القمر

سعيدة بمرورك بموضوعي يا ماهر
ياترى هو فعلا اشباع ولا مٌسكن بياخد وقته لفترة وينتهي مفعولة !
هل فعلا اللي بيسمعني على النت بيفهمني ويهتم !
يعني لو بحكي مشكلة لشخص في الحقيقة مجرد نظرة لملامحي هايقدر يحدد اد ايه متضايقة او مكتئبة او المشكلة تافهة بالنسبة لي
بس عارف بردو من رأيي ان اصدقاء العالم الافتراضي افضل لان اللي بيشاركني همومي قبل فرحي مش مضطر يشاركني انما بيشاركني لانه عايز يشارك
لكن في الواقع ممكن في كتير من الاوقات مشاركته ليا في نوع من الجمايل او التزين الاجتماعي
انا حاسة ان افكاري ملخبطة

ممكن اتفق معاكى فى انه مسكن يا نور..... لكن حتى المسكن قد تكون له فائدة عظيمة فى وقته...... هديكى مثل بتدريب نفسى هيوضح اهمية العالم الافتراضى..... لما تكونى مضايقة او حزينة او غضبانة او جواكى اى مشاعر سلبية مسببة الم كبير جواكى..... ازاى الواحد فى الحالة دى ممكن يخرج من دائرة هذه المشاعر المؤلمة لو لا يوجد لديه من يتكلم معه؟ ببساطة شديدة الحل هو فى الحوار مع النفس..... اى ان يسكب الانسان مشاعره السلبية كلها على الورق بادق التفاصيل و بصراحة شديدة و بكل طرق التعبير الممكنة..... و بعد ان ينتهى يضع فى ذهنه انه اخرج كل المشاعر السلبية التى تؤلمه فى هذه الورقة..... ثم يقوم بحرقها!!!! هذا ما يقوله علم النفس و عن تجربه هو تدريب فعلا مفيد جدا و فعال فى التخلص من المشاعر السلبية التى تسبب مشاكل كبيرة مع تراكمها داخل نفس الانسان بمرور الوقت...... و نظرا لان العالم الافتراضى يحقق ميزة مشابهة من امكانية التواصل مع شخصيات اخرى قد لا اعرفها و لا تعرفنى واقعيا لكنى اجد فى تعاطفها معى و مشاركتها لما احس احيانا فائدة نفسية كبيرة..... ده حتى لو تاخدى بالك من اول جملة بنقولها دايما فى ردودنا على حد عامل موضوع و هو منفعل..... كلنا بنحاول الاول نهدى خاطره و نهديه و بعدين بنناقش معاه الموضوع بعقلانية.....

المشاركة الأصلية كتبت بواسطة mahora

ممكن اتفق معاكى فى انه مسكن يا نور..... لكن حتى المسكن قد تكون له فائدة عظيمة فى وقته...... هديكى مثل بتدريب نفسى هيوضح اهمية العالم الافتراضى..... لما تكونى مضايقة او حزينة او غضبانة او جواكى اى مشاعر سلبية مسببة الم كبير جواكى..... ازاى الواحد فى الحالة دى ممكن يخرج من دائرة هذه المشاعر المؤلمة لو لا يوجد لديه من يتكلم معه؟ ببساطة شديدة الحل هو فى الحوار مع النفس..... اى ان يسكب الانسان مشاعره السلبية كلها على الورق بادق التفاصيل و بصراحة شديدة و بكل طرق التعبير الممكنة..... و بعد ان ينتهى يضع فى ذهنه انه اخرج كل المشاعر السلبية التى تؤلمه فى هذه الورقة..... ثم يقوم بحرقها!!!! هذا ما يقوله علم النفس و عن تجربه هو تدريب فعلا مفيد جدا و فعال فى التخلص من المشاعر السلبية التى تسبب مشاكل كبيرة مع تراكمها داخل نفس الانسان بمرور الوقت...... و نظرا لان العالم الافتراضى يحقق ميزة مشابهة من امكانية التواصل مع شخصيات اخرى قد لا اعرفها و لا تعرفنى واقعيا لكنى اجد فى تعاطفها معى و مشاركتها لما احس احيانا فائدة نفسية كبيرة..... ده حتى لو تاخدى بالك من اول جملة بنقولها دايما فى ردودنا على حد عامل موضوع و هو منفعل..... كلنا بنحاول الاول نهدى خاطره و نهديه و بعدين بنناقش معاه الموضوع بعقلانية.....

كلامك منطقي جدا
الواحد لما يفضفض بهمومه بيرتاح خصوصا لو لقى تعاطف من الاخرين معاه اولا وبعد كدة تيجي مرحلة النصح
اكثر ما يميزنا كاعضاء نايل موتورز ان في بينا روح ود وأُُلفة جميلة بتخلينا نتعاطف مع بعض بالرغم اننا في الغالب معرفتنا مقتصرة على صفحات المنتدى

المشاركة الأصلية كتبت بواسطة MMamdouh

الانسان كائن اجتماعى بطبعة بالتالى بيسعى الى التواصل مع الاخرين... و طالما فيه وسيلة جديدة للتواصل... ليه لا؟؟؟



الموضوع مش فشل.. زالموضوع وسيلة جديدة... معظمنا ميقدرش يتواصل مع الاخرين و هو فى بيتة او فى شغلة او مسافر برة مدينتة اذا لم يتواجد العالم الافتراضى دة... احنا مع بعض كل يوم بالرغم من اننا "مش مع بعض"



سعادة حقيقية لو هى نابعة من القلب..ز ياما الواحد بيسمع كلام حلو فى العالم الحقيقيى لكن النية و اللى فى القلب بيبقى غير اللى بيقولة اللسان... القاعدة تسرى على العالم احقيقى و الافتراضى على حد سواء و بترجع فى الاخر للنية و مدى صدق الكلام



لان العالم الافتراضى مش كامل زى العالم الحقيقى... ينقصة التواصل الحسى بين الناس



حسب الشخصية اللى تطورت العلاقة معاها من العالم الافتراضى للعالم الحسى... بس فى الغالب الواحد مبيسعاش للخطوة دى الا اذا كان حاسس بدرجة كبيرة ان الخطوة دى صح و حتكسبك شخص كويس فعلا



محدش قال انى مكنتش سعيد... انا بقيت "اكثر سعادة"



انا سعيد و مش بوهم نفسى باى سعيد... لو مش سعيد حبعد و اروح لعالم اكون فيه بجد سعيد.



مش كلهم طبعا... و عن تجربة شخصية الاصدقاء من العالم الافتراضى فيه منهم ناس اجدع الف مرة من اصدقاء كنت اعرفهم من عالم الواقع من سنين و يوم ما وقفوا جنبى كانت اول مرة نتعرف على بعض فى عالم الواقع



ياريت بعد اذنك متكتبيش مواضيع زى دى تانى لان الموضوعات بتاعتك شيقة و انا رجلى بدات تاخد على المنتدى الاجتماعى و دى حاجة مش لطيفة خالص

MMamdouh

لو نوعية المواضيع دي هي الي هجر رجلك للاجتماعي يبقه وراك وراك لحد ماتاخد شهادة تكريم كأفضل شخصية اجتماعية :10D5C8~1107:

المشاركة الأصلية كتبت بواسطة MMamdouh

احنا مع بعض كل يوم بالرغم من اننا "مش مع بعض"

عجبتني الجملة دي
فعلا في نايل موتورز بالذات الاعضاء كأنهم مع بعض فعلا مع انهم مش بعض
تلاقينا بقينا فاهمين بعض وعارفين افكار بعض ومتوقعين ردود افعال بعض في المواقف المختلفة
مع اننا في الواقع منعرفش حتى شكل بعض بس كل واحد راسم للتاني ملامح معينة في خياله غالبا بنكتشف انها غلط لما بنشوف صور المقابلات مثلا او في المقابلات
منور الموضوع حقيقي يا ممدوح
وياريت بلاش تحرم الاجتماعي من طلتك