عالمنا الافتراضي اللي بنخلقه لنفسنا ونعيش فيه ونكون علاقات صداقة عبر صفحات افتراضية
ونسعى لتحويل العالم الافتراضي الى عالم حقيقي وصداقات حقيقية
ليه بنلجأ الى العالم الافتراضي مش مكفينا عالمنا الحقيقي ؟؟
هل فشلنا في تحقيق سعادة حقيقية مع اصدقاء حقيقين في العالم الحقيقي عشان كدة لجأنا الى العالم الافتراضي لتكوين صداقات افتراضية وسعادة افتراضية ؟؟؟
هل مجرد كلمات الثناء وكلمات الود والحب على الصفحات الافتراضية تسعدنا سعادة حقيقية ام سعادة افتراضية او وهمية ؟؟
ولما احنا سعداء اكتر بالعالم الافتراضي ليه بنسعى لتحويله لعالم حقيقي عن طريق المقابلات ؟؟
وهل بعد تحويل العلاقات الافتراضية الى علاقات حقيقية مازلت تشعر بنفس السعادة ؟؟
طب ليه سعيد مع عالمك الحقيقي اللي خلقته في البداية من عالم افتراضي ومكنتش سعيد بعالمك الحقيقي اللي نشأت فيه ؟؟
ولا انت اساسا مش سعيد بعالمك الافتراضي وبتوهم نفسك انك سعيد لحد ما بتصدق نفسك انك سعيد ؟؟
وهل لو في موقف حقيقي محتاج مساعدة حقيقية واقعية هتلاقي اصدقاء العالم الافتراضي واقفين جنبك بجد ولا مجرد كلمات مؤازرة على الصفحات الافتراضية؟؟؟
حد فاهم مني حاجة ؟؟؟؟؟؟؟؟؟
طيب اللي فاهم يشارك
واللي لسه مش فاهم يحاول يفهم من مشاركات باق الاعضاء
المفضلات