الموضوع: ناء لكل مالكي الساجا اتومتيك

المشاركة الأصلية كتبت بواسطة khpopo

يمكن ياعمر عشان لسه مجاتش لكن هاتتغير تابع مع م/امر وهو بيهتم بكل حاجه وان شاء الله خير :ob_mak1[1]:
ربنا يوفق

بالفعل اخى العزيز انا كنت فاهم غلط انا كنت فاهم ان موضوع الحشوة دى موضوع نهائى لكن تبين انها بشكل مؤقت لمده اسبوع او اتنين لان بالفعل العلب لسة ما جتش وده اللى حصل النهاردة و انا كنت فى التوكيل

بسم الله الرحمن الرحيم
طبعا انا فى الاول احب اوجة شكرى لكل من المهندس امر و كذلك الانسة داليا على تعاونهم و حسن استقبالهم ليا اليوم بالتوكيل فرع ابو رواش
ثانيا اشكر ايمن بشدة بجد لانى لاقيته بيكلمنى على الموبيل عشان يطمن انا عملت اية و طبعا فيما يلى ما حدث بالفعل

1- اولا مشكلة استهلاك البنزين امرها سهل هانحسبها مع بعض و نشوف و طبعا بعت معايا مهندس من الصيانة و فولنا العربية حتى زور التنك و عملنى مشوار 50 كيلو بالتمام و رجعنا لنفس المحطة و رجعنا فولنا تانى و كان عدد الليترات اللى اضفناها تانى 4.34 لتر بالظبط و انا كنت واقف و شايف ( و طبعا كده العربية بتعمل 220 كيلو متر وده معدل كويس لانها اتوماتيك و الاتوماتيك استهلاكة اعلى من المانيوال و بكده مافيش مشكلة بالدليل العملى و العلمى

1- انا روحت التوكيل النهاردة و مش كنت حاجز لانى مستلم العربية من التوكيل امبارح و النهاردة روحت لان كان فى بعض المشاكل واجهتنى و هى استهلاك البنزين تقل فى الدركسيون و التزييقة و عيب فى شنطة العربية ساعات مش بتقفل 2- لما روحت التوكيل و كانت الساعه 12و نص و قابلت المهندس امر و قالى انه شاف السؤال بتاعى النهاردة او المشكلة و انه كان هايتصل بيا لولا ان الموبيل بتاعى اللى انا حاطة غلط و لاقى التليفون مقفول و سالنى اية المشكلة و قولت لة على كل حاجة و كان ردة كالتالى :
2- بالنسبة للتزيق اتضح انه صوت من الكنبة بضوا وده مش مشكلة طالما ان الحل سهل و بالفعل انا حليت الموضوع 3- موضوع علبة الدريكسيون و ده الاهم المهندس امر قال انة عارف بالفعل ان العلبة عندى فيها مشكلة و لكن حصل سوء فهم منى على كلام المهندس محمد عبد الهادى بالفعل انا مطلوب ليا علبة دركسيون و ده موجود فى ملف العربية و لكن عشان العربية ماتقوفش مده على ما العلب بتاعت الدركسيون تيجى عمل لها حشوة عشان اقدر امشى بالعربية و طبعا هايتم تغيرها اول لما تيجى العلبة فى خلال 10 ايام و طبعا المهندس امر ماسبش العربية و كان واقف معايا طول المده اللى انا فيها فى التوكيل و ادانى رقم المهندس عبد الباسط عشان العلبة و الرجل بكل ذوق وضح ليا ان العلبة فى خلال اسبع الى 10 ايام هاتكون جت و انى اتابع معاه اول هو هايتصل بيا اول لما تيجى العلبة
4- اما موضوع الشنطة اتضح ان الدواسات كان رافعه الشداد بتاع الشنطة
وده كل اللى حصل بكل امانة فى التوكيل برضوا الانسة داليا برضوا كانت واقفة معايا طول ما انا هناك و الناس بجد محترمة جدا
اما ايمن فبصراحة الراجل اتصل بيا بعد ما دور على الموبيل بتاعى عشان يطمن و هوا ماكنش عارف انى رايح التوكيل النهاردة و لكن فضل معايا على الموبيل اكتر من نص ساعه و احنا بنتكلم و كان قبلها مكلم المهندس امر عشان المشكلة بتاعتى و المهندس امر قالة انى واقف معاه و انى موجود بالتوكيل
و تقريبا سبت التوكيل حوالى الساعه 3 الا ربع و الامور تمام على وعد ان العلبة اول لماتيجى هاروح اغيرها

كانت بتعلق فى القف يعنى كنت لما اجى اقفلها مش تقفل كويس و اتضح ان الدواسات مخلية الشداد معلق و لما بعدت الدواسات شوية المشكلة اختف تمام
و ازيك استاذ عمرو انت فاكرنى و لا لا انا عمرو صاحب الساجا اللى كانت معاكوا فى العين السخنة