السلام عليكم ....
عم واحد صاحبي من اعز اصدقائي توفاه الله ... الجنازة كانت في الزقازيق و طبعا كان لازم اروح علشان اصلا والد صحبي ده عزيز عليا ....
المهم قلت اروح اعد نص ساعة و ارجع علشان واجب العزاء .....
وانا رايح مشيت كويس معدتش ال 140 و لعربية زي الفل , روحت و وصلت بالسلامة و اعدت و وانا راجع رجعمعايا واحد من الزقازيق فكان حافظ الطريق .... المهم قاللي ان الحتة اللي مابين الكارتتين علي الصحراوي اكيد مافيهاش رادار فانا قلت بقي مبدهاش ....لازم اشوف اخر العربية ايه....
جبت الاول و قرصت سنة , كان قدامي فيرنا ,لما سمع القرصة سخن ,انا بيني و بين نفسي قلت ان العربية مش هاتسد مع الفيرنل لان الفيرنا تقريبا في نفس قوة الموتور بس هيا اخف كتير , و الطريق طوالي فمش هتفرق في التوازن و الفيرنا هتقزح ....
خليته قدامي ب 100 متر تقريبا و قولت يالا بقي نشوف ....... المهم لحد 190 الفيرنا كانت علي نفس المسافة و معرفتش تفلق مني .... العربية جابت 190 علي الرابع و علي rpm اقل من 6 و التوازن و الثبات ماشاء الله ... ولا مطبات هوا هزتني ولا ملفات ضايقتني و كان لسة فيها اكتر كتير بس اول ماحطيت خامس لقيت العربيات قدامي كترت فقلت ان شاء الله في فرصة تانية ابقي اشوف اخرها ....
كان معايا كمان صاحبي اللي خطيبته معاها 113 ... ف وانا بجري لقيته بيقولي ان في ال 113 لما بيجري و يجي يدوس فرامل بيحس ب تعويمة في الدريكسيون ... قولتله نشوف ... دغط علي الفرامل بقوة متوسطة مش للاخر بس لحد ماحسيت بال abs ... العربية هدت جامد جدا و من غير اي تعويم و الحمد لله ...
طبعا في الحظة دي بتاع الفرنا بدأ يبعد .... قمت مسقط من الرابع للتاني ... جمهت و بعد كدة لقيت البوابات بانت من بعيد فهديت
بجد يا اخوانا ... الحمد لله الحمد لله الحمد لله علي انه انعم عليا و هداني اني اشتري العربية دي .... ما شاء الله و ربنا يحرسنا من العين
المفضلات