تجربتى فى تغيير جوان وش السلندر وبعض المشكلات عند محمد عبده

بسم الله الرحمن الرحيم

الحمد لله أولا وأخيرا فى السراء والضراء...

بعد المعاناة اللى كنت بعانيها من مشكلة نقص المياه بإستمرار من القربة وبعد تغيير ريدياتير وطبة موتور استمر بعدهم الوضع بنقصان فى المياه، قولت اروح بقى لمحمد عبده اعمل كبس على دورة المياه واتصلت بيه فعلا وقولتله انا بكلمك من طرف اخونا ومستشارنا محمد ممدوح الراجل رحب بيا فعلا ورحتله يوم الخميس بالليل للأسف كان بيجرب عربية،، المهم عملى الكبس الحسنين وورونى بعينى المياه بتنقص منين وكان فيه رشح مياه من منطقتين اولا منطقة كوعة المياه بالترموستات جنب فلتر الهواء كدا وتانى واحدة كانت من جوان وش السلند لان المياه كان بتسرب برضوا من فوق الطبات بالضبط فى وش السلندر وبرضوا كان عندى مشكلة فى ماستر الدبرياج كان بيرشح زيت وكان الدبرياج بيعلق ساعات وكان فيه برضوا تسريب زيت فى الحوض حسن الكبير قال دا عاوز اويل سيل علبة دركسيون وواحد تانى بتاع بوبينة واتفقت انى اعدى عليه الجمعة بالليل علشان نشتغل..

بينى وبينكم كنت قلقان من حل وش الموتور جدا لاكن الاخوة هنا طمنونى منهم المستشار محمد ممدوح المهندس الكبير سمير عياد والحمد لله قولت الخيرة فيما اختاره الله وتوكلت على الله ورحت الجمعة بالليل لاقيت محمد عبده ورحب بيا جدا وقعدنا شوفنا هنجيب ايه وكان المطلوب كالتالى:

جوان وش سلندر..
ترومستات مياه...
كوعة مياه...
ماستر دبرياج...
أويل سيل علبة دركسيون...
أويل سيل بوبينة...
ماسورة مياه حوالى 5 سم خراط...
زيت باكم...
زيت باور...
بلية كاتينة كورى...

رحت جبتهم انا وحسن الكبير على الموتوسيكل عملوا كلهم حوالى 270ج.

وقعدت معاهم لحد متم حل وش الموتور وابص على الجوان متفحم وتمسكه فى ايدك يقشر دا غير ضعف الطبب كلها قومت جايب طقم طبات كمان علشان منخشش فى قصص تانى والحمد لله رحت استلمت العربية امبارح من محمد عبده بالليل وتم عمل اللازم...

بعد مركبت العربية حسيت بنعومة فى النقل والدبرياج عن الاول بكتير وحسيت ان العربية كمان مبتسخنش زى الاول بسرعة ولكن لسه تحت الاختبار معدل المياه زى مقال كمان محمد لازم تشيك على المياه وتبص عليها كل يوم لحد منشوف الدنيا ايه وإن شاء الله خير

ملحوظة كدا على السريع علشان الناس تبقى عارف محمد عبده دماغه ايه برضوا ودا انا استشفيته من الوقت اللى قعدته معاه.. الصراحة راجل محترم جدا وذوق فى التعامل ومن الاخر اللى اتعمل فى العربية دا كان بسبب بس المياه وهو مضربنيش على ايدى علشان اعمل الحاجات دى بس انا عقلتها طيب منا اعمل الموضوع مرة واحدة بدل مفتح تانى علشان اعمل حاجة هايفه وهو قالى المشاكل اللى موجودة واحد اتنين تلاتة وفى الاول وفى الاخر كله يرجعلك انت عاوز تعمل ايه والصح ايه وانا طبعا مبحبش اعمل حاجة فى عربيتى الا الصح فقررت انى اغير كل اللى سبق دا.. بخلاف طبعا انى عندى مشاكل فى العفشة من ساعة مجبت العربية وهو قالى فعلا العربية فيها كذا حاجة فى العفشة وبأمر الله هعملها قريب علشان ابقى كدا عملت الواجب مع العربية وزيادة علشان يوم مهتقصر معايا هعلقها من مراياتها :khd:...

وفى الاخر بشكر تانى اخونا محمد ممدوح على مشورته والاخ الكبير سمير عياد على تعبه معايا واسف طولت عليكم

ألف مبروك ياياسر باشا

الف مبروك

وعقبال العفشة

اقتباس:

---

المشاركة الأصلية كتبت بواسطة samirayad

ألف مبروك ياياسر باشا

---

الله يبارك فيك يا بشمهندس سمير الحمد لله على كل حال بس عاوز أسألك على حاجة كدا هل فيه تأثير بعد كدا من تغير الجوان دا على العربية مع العلم انى الحمد لله حاسس انها مبتسخنش زى الاول.

اقتباس:

---

المشاركة الأصلية كتبت بواسطة ahmed_su

الف مبروك

وعقبال العفشة

---

الله يبارك فيك يا استاذ احمد.. هو بس انا فى حيرة من أمرى فى موضوع العفشة شوية انى اعمله متأخر شوية لان الفحص بتاعى الشهر الجاى والأكصدامين عندى ضايعين ومش عارف اعمل فيهم ايه اروح ارشهم والحمهم ولا اجيب اتنين استيراد لاقيتهم بنفس لون العربية بالفوجات عاملين 800ج مش عارف اعمل ايه

اقتباس:

---

هل فيه تأثير بعد كدا من تغير الجوان دا على العربية مع العلم انى الحمد لله حاسس انها مبتسخنش زى الاول.

---

فيه تأثير طبعا

وحيكون للأفضل من كل أتجاه

اقتباس:

---

المشاركة الأصلية كتبت بواسطة samirayad

فيه تأثير طبعا

وحيكون للأفضل من كل أتجاه

---

خضتنى والله يا بشمهندس اول مشوفت فيه تأثير طبعا... ههههههههههههه

وياريتك تنصحنى فى موضوع العفشة والترخيص دا

طب ممكن اعرف مكان محمد عبده ده فين و رقمه بعد اذنكم

اقتباس:

---

المشاركة الأصلية كتبت بواسطة ahmed_mido1889

طب ممكن اعرف مكان محمد عبده ده فين و رقمه بعد اذنكم

---

انت ساكن فين ؟

اقتباس:

---

المشاركة الأصلية كتبت بواسطة popahly

انت ساكن فين ؟

---

دار السلام بس ما دام كل واحد بيشكر فيه مش مشكله لو في المريخ

اقتباس:

---

المشاركة الأصلية كتبت بواسطة ahmed_mido1889

دار السلام بس ما دام كل واحد بيشكر فيه مش مشكله لو في المريخ

---

اكيد طبعا عارف شارع فيصل .... تانى محطة على طول بعد متنزل الكوبرى شارع اسمه العشرين هتلاقى يافطة كبيرة مكتوب عليها اسم الشارع وهتلاقى العشوائيات اللى عمرك فى حياتك مشوفتها قبل كدا بظة من الشارع هتدخل الشارع بعد تقاطع الملكة فى بنزينة كالتكس هو بعدها هتلاقى تقاطع كدا هناك على ناصيته سوبر ماركت الصراحة مش فاكر اسمه ايه ممكن اما تكلم عبده هيقولك هو اسمه ايه المهم ودا رقمه 0114543448

اقتباس:

---

المشاركة الأصلية كتبت بواسطة popahly

وفى الاخر بشكر تانى اخونا محمد ممدوح على مشورته والاخ الكبير سمير عياد على تعبه معايا واسف طولت عليكم

---

لا شكر على واجب

MMamdouh

اقتباس:

---

المشاركة الأصلية كتبت بواسطة ahmed_mido1889

طب ممكن اعرف مكان محمد عبده ده فين و رقمه بعد اذنكم

---

http://www.nilemotors.net/Nile/29619-a.html

MMamdouh

الحمد لله انها اتظبطت

المشكلة انه بعيد عن بيتي اوي انا ساكن في حلمية الزيتون ونفسي اتعامل مع الراجل ده من كتر ماسمعت عن شطارته بالذات العربية عايزة شوية تظبيط

اقتباس:

---

المشاركة الأصلية كتبت بواسطة mmamdouh

لا شكر على واجب

mmamdouh

---

الله يباركلك

اقتباس:

---

المشاركة الأصلية كتبت بواسطة romeo_6887

الحمد لله انها اتظبطت

---

الحمد لله طبعا وربنا يكرم ان شاء الله

اقتباس:

---

المشاركة الأصلية كتبت بواسطة elakawy

المشكلة انه بعيد عن بيتي اوي انا ساكن في حلمية الزيتون ونفسي اتعامل مع الراجل ده من كتر ماسمعت عن شطارته بالذات العربية عايزة شوية تظبيط

---

مشكلة الصراحة مشوارك الله يكون فى العون وربنا يقرب البعيد

الف مبروك على التظبيط
بس عايز اعرف الحاجات دى اتكلفت مصنعية كام عشان تكمل الاستفادة

اقتباس:

---

وياريتك تنصحنى فى موضوع العفشة والترخيص دا

---

رخص عادى أولا

وبعد كده أكشف على العفشه عند أى عفشجى كويس

ولو فيه حاجه تعبانه فى العفشه أعملها

وممكن تبقى تربط كويس الأول وتجرب
يمكن يكون عندك حاجه محتاجه شوية تربيط

أصل أفلام العفشه كتير برضه

فخد الأمور واحده واحده

اقتباس:

---

المشاركة الأصلية كتبت بواسطة mahmoudysf

الف مبروك على التظبيط
بس عايز اعرف الحاجات دى اتكلفت مصنعية كام عشان تكمل الاستفادة

---

المصنعية زى منتوا عارفين زيادة عن اى حد طبعا هو كان طالب 250 فى الشغل دا لان اتعمل حاجات كتير فى العربية منها حل وش الموتور علشان تغير الجوان والطباب وماستر الدبرياج واويلسيهات البوبينة وعلبة الدركسيون وتيل الفرامل تظبيت وتركيب بلية كاتينة

اقتباس:

---

المشاركة الأصلية كتبت بواسطة samirayad

رخص عادى أولا

وبعد كده أكشف على العفشه عند أى عفشجى كويس

ولو فيه حاجه تعبانه فى العفشه أعملها

وممكن تبقى تربط كويس الأول وتجرب
يمكن يكون عندك حاجه محتاجه شوية تربيط

أصل أفلام العفشه كتير برضه

فخد الأمور واحده واحده

---

ان شاء الله يا بشمهندس وربنا يكرم ان شاء الله

الف مبرووك و عقبال الباقي

اقتباس:

---

المشاركة الأصلية كتبت بواسطة ahmedhilmy

الف مبرووك و عقبال الباقي

---

الله يبارك فيك يا بشمهندس احمد وفعلا يارب وعقبال الباقى علشان لسالى موال

اقتباس:

---

المشاركة الأصلية كتبت بواسطة MMamdouh

http://www.nilemotors.net/Nile/29619-a.html

MMamdouh

---

الف شكر:Ob_mak1[1]:
اصل انا كنت بحاول اشوف ميكانيكي بيفهم مش حافظ فلاقيت كل الناس بتشكر فيه قلت بقي هو ده علشان انا فاضلي 3000كم واغير كتينه والسيور

مبرووووك :satelite:

اقتباس:

---

المشاركة الأصلية كتبت بواسطة mohammad_alshamy

مبرووووك :satelite:

---

الله يبارك فيك يا استاذ محمد

مبروك عليك حل المشاكل بتاعة العربية و خصوصا انها بتبقى عاملة صداع فى راس الواحد انه يسوق العربية و بها لائحة من الاعطال

محمد عبده شخص مريح فى التعامل و خبرته بتريح الزبون بصراحة و كويس انك روحتله و انا مع انى ساكن جمبه فى الهرم بس مشواره بالنسبة بيبقى صعب لانى باضطر امشى فى ش فيصل اللعين و ش العشرين المزعج و بخلى زيارات عبده دايما للحاجات الجوهرية زى الموضوع بتاعك كدة اللى لن يقدر على حلها الناس العادية او ممكن يقدروا عليها بس بعض سلسلة من التجارب .

طبعا الناس الكويسة كتير برضه بس بتبقى عايز حظ علشان توصلهم بدون ما تمر على بعض الميكانيكة الجهابزة العلماء اللى بنحاول منخدش من وقتهم كتير او بمعنى اصح اللى بنتجنبهم

نصيحة لا تسافر بالسيارة هذه الايام و ضع السيارة تحت النظر لفترة اسبوع على الاقل خوفا من ظهور اشياء مترتبة على الصيانة و هذا فقط للاحتياط ليس اكثر

تحياتى

اقتباس:

---

المشاركة الأصلية كتبت بواسطة karimabulela

مبروك عليك حل المشاكل بتاعة العربية و خصوصا انها بتبقى عاملة صداع فى راس الواحد انه يسوق العربية و بها لائحة من الاعطال

محمد عبده شخص مريح فى التعامل و خبرته بتريح الزبون بصراحة و كويس انك روحتله و انا مع انى ساكن جمبه فى الهرم بس مشواره بالنسبة بيبقى صعب لانى باضطر امشى فى ش فيصل اللعين و ش العشرين المزعج و بخلى زيارات عبده دايما للحاجات الجوهرية زى الموضوع بتاعك كدة اللى لن يقدر على حلها الناس العادية او ممكن يقدروا عليها بس بعض سلسلة من التجارب .

طبعا الناس الكويسة كتير برضه بس بتبقى عايز حظ علشان توصلهم بدون ما تمر على بعض الميكانيكة الجهابزة العلماء اللى بنحاول منخدش من وقتهم كتير او بمعنى اصح اللى بنتجنبهم

نصيحة لا تسافر بالسيارة هذه الايام و ضع السيارة تحت النظر لفترة اسبوع على الاقل خوفا من ظهور اشياء مترتبة على الصيانة و هذا فقط للاحتياط ليس اكثر

تحياتى

---

شكرا ليك يا اخ كريم على النصيحة ويشرفنى اتعرف بيك خصوصا ان انا ساكن بين فيصل والهرم،،، هو فعلا كلامك صح ان شارع العشرين وفيصل لعنة وانا بحمد ربنا انى ساكن فى اول فيصل، انا حتى نسيت الريموت بتاع السنتر عند عبده من يوم السبت ولحد دلوقتى مش عاوز اروح اجيبه الا لما اكون رايح العشرين كدا كدا علشان انا عارف العشوائية اللى هناك فوق الوصف..
محمد عبده راجل كويس فى شغله وبدليل انى كنت مع ميكانيكى مع انه صديق وجارى فى المنطقة ولاكن مشكلته كان الكسل لانه وزنه زيادة فوق الوصف يا اخى انا كنت ببقى عنده كان بينام وانا قاعد مستنى العربية تبرد علشان نشتغل فيها وكان بيعطلنى كتير وانا كنت حاطت اننا برضوا صحاب فى الاعتبار لاكن ظهرلى مشاكل كتير بسبب تجاهله او كسله دا كنت اسأله العربية كدا محتاجه حاجة يقولى لا زى الفل وادينى شوفت مع عبده مشاكل الدنيا كانت فى العربية من رشح زيت لى نقص مياه دا غير العفشة اللى طلع فيها شغل زى الفل...
بالنسبة لسفر بالعربية انا الحمد لله مبسافرش بيها ومشاويرى قليلة جدا انا بس عاوز اطلع مشوار حلو علشان اشوف المياه ايه موضوعها بس.