عندى مشكلة فى الكيا سيراتو 2010 ومش لاقى حل... أرجو المساعدة

صادفتنى عدة مشاكل فى الكيا سيراتو 2010 الخليجى منها
1 - العفشة ناشفة جداً فى المطبات ولما سألت فى مركز الصيانة قالولى الكيا سيراتو برده كلها بتشتكى من الموضوع ده.
2 - الكلاكس أوقات بيعلق ... ولما سألت عامل فى أحد مراكز الصيانة قاللى حضرتك إستخدم الكلاكس لحد مايبوظ خالص وبعدين تعالى غيره لأن كل الكيا سيراتو برده كلها بتشتكى من الموضوع ده
3 - أهم مشكلة حدثت ومش لاقيلها حل إلى الآن وهى أنه فى بداية شرائى للسيارة وبعد عمل صيانة ال 1000 كم قمت بالسفر بالسيارة أكثر من مرة وكانت السيارة بتجمع معايا بسرعة ووصلت بيها لسرعة 215 كم ومؤخراً لاقيت العربية فجأة مابتجيبش أكتر من 160 كم إلى نصف شوط دواسة البنزين ومع الضغط على نصف الشوط التانى مافيش أى زيادة فى السرعة عن ال 160 كم وعدم زيادة ال rpm عن 5000 د/ دقيقة .إلى آخر دواسة البنزين مع التجميع البطئ والإستهلاك العالى للبنزين اللى ممكن يوصل إلى 18 لتر / 100 كم مع نهاية دواسة البنزين .. جربت كل حاجة فى محاولة لحل المشكلة... غيرت فلتر الهواء وفلتر البنزين مع إنه كان لسه جديد وحطيت بنزين 95 بدل ال 92 وبرده مافيش فايدة.
كشفت على العربية فى مركز الصيانة بجهاز كشف الأعطال وقالولى السيارة مافيهاش حاجة
بس لسه برده السيارة مابتجيبش أكتر من 160 كم / الساعة. وقالولى لو فى مشكلة فى دايرة الإنجيكشين كانت لمبة التحذير نورت.
العربية فيها مشكلة مش عارف أيه هيه.... أرجوا المساااااااااااااااااااعد ة
أنا

عربيتك مانيوال ولا اتوماتيك

تبترونيك توب لاين

وحضرتك كشفت عليها فى التوكيل ولا فى ورشه بره

السيارة خليجى بدون ضمان.. كشفت عليها فى مركز أمير وجوزيف اللى فى مكرم عبيد

أعمل مراجعه على دايرة الفرامل

وأطمن على كفاءة بلى العجل على جهاز ترصيص

1-بالنسبة لعفشة فعلا الكل بيقول كلام حضرتك هوا تصميمها كدة
2-بالنسبة للكلاكس و عن تجربة فى السيراتو اللى قبلك و السبكترا و البيكانتو اقدر اقول ان كلاكسات الكيا كلها ضعيفة و بتبوظ بسرعة
3-موضوع بقا ان العربية بتجمعش ممكن يكون اسبابه حاجات كتيير ممكن الدواسة نفسها معرفش هيا كهربا و لا سلم عادى و ممكن بولبة الهوا و ممكن برمجة الانجكشن حصل error و عايز جهاز فحص يشيك و يمسحه طالما ان الفلاتر و الفرامل و العجل كله سليم ده طبعا بعد ما تراجع عليهم لان اللى فهمته ان شكوتك كلها على السرعة العالية

و الله اعلم

اقتباس:

---

المشاركة الأصلية كتبت بواسطة kingrab

صادفتنى عدة مشاكل فى الكيا سيراتو 2010 الخليجى منها
1 - العفشة ناشفة جداً فى المطبات ولما سألت فى مركز الصيانة قالولى الكيا سيراتو برده كلها بتشتكى من الموضوع ده.
2 - الكلاكس أوقات بيعلق ... ولما سألت عامل فى أحد مراكز الصيانة قاللى حضرتك إستخدم الكلاكس لحد مايبوظ خالص وبعدين تعالى غيره لأن كل الكيا سيراتو برده كلها بتشتكى من الموضوع ده
3 - أهم مشكلة حدثت ومش لاقيلها حل إلى الآن وهى أنه فى بداية شرائى للسيارة وبعد عمل صيانة ال 1000 كم قمت بالسفر بالسيارة أكثر من مرة وكانت السيارة بتجمع معايا بسرعة ووصلت بيها لسرعة 215 كم ومؤخراً لاقيت العربية فجأة مابتجيبش أكتر من 160 كم إلى نصف شوط دواسة البنزين ومع الضغط على نصف الشوط التانى مافيش أى زيادة فى السرعة عن ال 160 كم وعدم زيادة ال rpm عن 5000 د/ دقيقة .إلى آخر دواسة البنزين مع التجميع البطئ والإستهلاك العالى للبنزين اللى ممكن يوصل إلى 18 لتر / 100 كم مع نهاية دواسة البنزين .. جربت كل حاجة فى محاولة لحل المشكلة... غيرت فلتر الهواء وفلتر البنزين مع إنه كان لسه جديد وحطيت بنزين 95 بدل ال 92 وبرده مافيش فايدة.
كشفت على العربية فى مركز الصيانة بجهاز كشف الأعطال وقالولى السيارة مافيهاش حاجة
بس لسه برده السيارة مابتجيبش أكتر من 160 كم / الساعة. وقالولى لو فى مشكلة فى دايرة الإنجيكشين كانت لمبة التحذير نورت.
العربية فيها مشكلة مش عارف أيه هيه.... أرجوا المساااااااااااااااااااعد ة
أنا

---

بقولك اية ماتحط الفتيس على الاسكانر وشوفة شغال تمام ولا لأ ويمن يكون محتاج تغير زيت
او علية errors

اقتباس:

---

المشاركة الأصلية كتبت بواسطة kingrab

السيارة خليجى بدون ضمان.. كشفت عليها فى مركز أمير وجوزيف اللى فى مكرم عبيد

---

عربيتك خليجى ايه اى بلد
وبعدين مركز امير وجوزيف قالك ايه

بالنسبه لمشكلة العفشة جرب النتروجين وخلى ضغط العجل 28 مش 30