عرض للطباعة
السلام عليكم ورحمة الله وبركاته
كان عندي مشكلة من فترة وهي إن ساعات بحس فيه حاجة بتلق من تحت رجلي... مش عارف بتيجي امتى بس عمرها ما بتيجي وأنا بجري لكن بتيجي لما بمشي على سرعات قليلة (10 - 30). ربطت العفشة 5000 مرة وعرضت العربية لأكتر من ميكانيكي وعفشجي وخليته يكشف عليها من قدام ولسة المشكلة زي ماهي.
مع العلم إن فيه مساعد قدام ضارب عندي.
ساعدوني علشان زهقت الله يبارك فيكم
وطول ماده ضارباقتباس:
مع العلم إن فيه مساعد قدام ضارب عندي.
يبقى متتوقعش حكم صح على العفشه
ممم جزاك الله خيرا ياباشمهندس.
طيب أنا هغيره قريب واقولكم النتائج إن شاء الله.
معلش سؤال كمان... العفشجي بيقوللي إن السوست اللي ورا عندي ناشفة بيقوللي لو ما بتحملش عليها كتير غيرها أحسن لك (مع العلم إن العربية بتدبدب جامد في الشوارع المكسرة)
مش عارف أسمع كلامه ولا ايه؟ الواحد شرب كلام من الميكانيكية كتيييير...
انت قلت المرض و قلت العلاج المساعد ضارب غيره لان اساسا غلط انك تمشى عليه و هوا ضارب ممكن تكون الدبة منه و ممكن تكون من حاجة تانية بس خرجه هوا الاول من الموضوع و غيره و بعدين نشوف اللى بعده
بالنسبة لنشوفية السوست هي فيها مشاكل ولا دي ميزة؟
علشان لو كده أغير المساعد اللي قدام والسوست اللي ورا بالمرة
معندكش جوز سوست ناشفيناقتباس:
مش عارف أسمع كلامه ولا ايه؟ الواحد شرب كلام من الميكانيكية كتيييير
سيبك من كلامه
هو حد يطول سوست محمله وقويه
لو دبدبة جامدة فى المكسر ممكن تكوناقتباس:
المشاركة الأصلية كتبت بواسطة thedeveloper87
1-مساعدين
2-سوست
3-عجل
السوست ما تقدرش تحكم عليها الا لو قست مقاومتها على جهاز و طبعا ايد الميكانيكى و عينه مش الجهاز ده فيه ناس بتشد السوست بس لو مش مضايقاك سيبها او غيرها باستيراد لانها جديدة بتبقا غالية انا عندى اللى ورا ب 1000 جنيه و غيرت المساعدين و الكوتش راحت الدبدبة بنسبة 80 %
ممكن تكون علبة الدركسيون لو كانت بتلق مع المطبات والله أعلماقتباس:
المشاركة الأصلية كتبت بواسطة thedeveloper87
جزاك الله خيرا. الواحد مش عارف يقول لحضرتك ايه والله.اقتباس:
المشاركة الأصلية كتبت بواسطة samirayad
وربنا يكفينا شر الفتايين والكفتجية.
بالنسبة للجهاز ده ألاقيه فين؟اقتباس:
المشاركة الأصلية كتبت بواسطة agmgranturismo2006
وبالنسبة للمساعدين اللي ورا فهما المفروض جداد (بقالهم 8 شهور) بس حاسس إنهم خفوا شوية. والكاوتش فهو عدى عليه سنتين وشوية حتى الآن... بس كذا واحد بتاع كاوتش قاللي إن الكاوتشات اللي ورا كويسين (مش عارف برضه هما فتايين برضه ولا ايه)
الجهاز ده فى المعامل كان عندنا واحد فى كلية الهندسة و بدام المساعدين خفوا فى 8 شهور شكلهم كده مش اصلى انا باقولك كان عندى نفس حكايتك و طلع المساعدين و كل اللى هاترحله هايهز لك فى العربية و تنزل و تطلع معاه يقول تمام بس انا شايف ان المساعد يتحكم عليه بالركوب لو رجعت تعبان و الدنيا عمالة تتهبد بيك يبقا مساعد على طول و الكوتش لو المسعدين خفاف هايعمل حاجة اسمها عالى وواطى لما تحسس بايدك على عرض الكوتش فى كذا حتة تلاقى التاكل مش متناسق و ده بيعمل دبدة بردك و بتوع الكوتش اللى بيفهموا هما اللى بيحسوا بيها و العفشجية طبعااقتباس:
المشاركة الأصلية كتبت بواسطة thedeveloper87
ممكن تكشف على كاوتش الياياتاقتباس:
المشاركة الأصلية كتبت بواسطة thedeveloper87
شوف انت بس غير المساعد اللى ضارب ونصيحة منى هات مساعدين للجنبين ماتجيبش جنب وجنب عشان مايعملش عندك ميل فى العربية
وبعد كدة نشوف اية اللى حصل
بس خلى بالك انك لازم تغيرة لانة كمان مهم جدا فى الفرملة المفاجأة
وكمان مع المطبات الفجائية لو خدتها على سرعة ممكن يأثر فى الشاسية نفسة لاقدر الله
أنا لسة حاشيها من شهرين والعفشجي قاللي كويسة. وخليته يبص على بيض علبة الدركسيون برضه قاللي كويسة.اقتباس:
المشاركة الأصلية كتبت بواسطة khaled_al_nowaihy
الكلام اللي انت بتقوله سليم 100% . العفشجي بيقوللي إنهم كويسين جدا بس أنا حاسس إن هم مش كويسين. أي نعم بتعمل صوت الفسفسة بس مش عارف.اقتباس:
المشاركة الأصلية كتبت بواسطة agmgranturismo2006
إن شاء الله هشوف الكلام ده كله لما اروح للعفشجياقتباس:
المشاركة الأصلية كتبت بواسطة mrsailor
شكرا على ردك ياباشا
طب أنا حاليا في أزمة مالية طاحنة :dzey:، ينفع أجيب جنب واحد استيراد عقبال ما ربنا يفرجها ولا استنى شوية لحد ماجيب اتنين جداد وخلاص؟اقتباس:
المشاركة الأصلية كتبت بواسطة semsem kane
شغل عفشة عايز فلوس لان هاتفك الحاجة طلعت تعبانة هاترميها و تجيب غيرها و انت واقف لو ما فيش سيولة دلوقتى خفف استخدامك للعربية للضرورة القصوى و سوق على مهلك لحد ما ربنا يفرجها و ما تحلش مشاكل العفشة بانصاف الحلولاقتباس:
المشاركة الأصلية كتبت بواسطة thedeveloper87
ان شاء الله ربنا يعدى الازمة دية على خيراقتباس:
المشاركة الأصلية كتبت بواسطة thedeveloper87
وهات المساعدين جداد احسن ولو هاتجيبهم مستعمل هاتهم من عربية واحدة يعنى استعمال خارجين من عربية عشان يبقوا بنفس الكفاءة
لكن كدة حرام هتحس بناحية اعلى وناحية اوطى
غير المساعد الاول و بعدين شوف
طيب هل للمساعدين الخفاف تأثير في تقل الدريكسيون؟
المساعد فى الغالب ماسك فوق فى البطاحة و تحت راكب معاه الشمعدان اللى راكب معاه الطنبورة و العجلة و اللى راكب معاهم كمان بارات الدركسيون اللى بتلف العجل يمين و شمال لما المساعد يخف مش هاياخد الصدمات صح بالاضافة الى انه هايحمل على العجلة و بالتالى يحمل على بارات الدركسيون و يتقل الحركة من اليمين للشمال و تحسها قوى لو معاك عربية ما فيهاش بور و المساعدين جابو اخرهم لكن فى الباور الموضوع ده بيتدارا شويةاقتباس:
المشاركة الأصلية كتبت بواسطة tabeb
و الله اعلم
اقتباس:
المشاركة الأصلية كتبت بواسطة tabeb
مفيش علاقه بين المساعدين ودايرة التوجيه عامة
فكل عنصر وليه وظيفته الخاصه
اسباب صوت الدبه فى العربيه عن تجربتى الشخصيه بتكون لاحد الاسباب التاليه:
1- جلد الميزان وهاتلاقى كمان العربيه بتعوم
2- جلب المقصات وبردو العربيه هاتعوم
3- السوست المكسوره وهاتسمع صوت دبة بخبطه هاتوجع قلبك
4- المساعد الخفيف
5- اسكاترة الدركسيون ( وهاتحس الدبة فى الدركسيون )
6- صليبة الكوبلن
و الله جبت الخلاصةاقتباس:
المشاركة الأصلية كتبت بواسطة m000dy
___________________________________
يرجى مراعاة كتابة لفظ الجلاله بشكل صحيح
مشرف القسم
رحت للعفشجي النهاردة وغيرلي المساعد الضارب بمساعد كويس الحمدلله ، وخدت لفة حلوة وقلت اجري شوية وجربته والحمدلله تمام.
بس لما كنت عنده قال لي الاسكاترة مش كويسة. ايه الاسكاترة دي؟ علما بأن الحاجة اللي بتلق من تحت رجلي دي لسة زي ماهي.
آه حاجة كمان قال لي أنا ممكن اخد لك بوشها وممكن تجيب واحدة جديدة ، انهي الأفضل وهي غالية ولا رخيصة؟
الاسكاترا = علبة الدركسيون