معلوماتى مش كثير عن النوع ده لكن هقول اللى اعرفه عنها
دى هوندا سيفيك CR-X ومعروفة في أمريكا بأسم del sol من سنه 92 الى 97 لكن اللى موجود هنا تقريباً كله موديل 92 أو 93 في الغالب بتكون مانيوال تكييف باور زجاج كهرباء فيها ايرباج للسواق و بتكون مقاعدين أمامى وليها سقف بيتفتح كهرباء وبيدخل في الشنطة بس مش بيكون مكشوف كامل زى السيارات الثانية ومشتركة في المواتير مع السيفيك العادية وبعض أجزاء في العفشه، هتلقيها 1.6 في الغالب مابين 110 حصان الى 130 حصان وبيتسقط لها ماتور SiR برضه وبتتميز بشكل جميل و بالسرعة عشان صغيرة و وزنها خفيف لكن ثباتها حلو عيبها طبعاً انها مقاعدين فقط وضيقة شوية وأحياناً مع الأستعمال بيكون في مشاكل في السقف سواء بيعلق أو بيسرب ميه بالاضافة لى اى عربية مكشوفة أنك هتصدع وأنت فاتح السقف من كتر الكلاكسات والدوشه اللى حواليك وصوت الهواء بالنسبة لقطع الغيار قليلة شوية وهتحتاج تلف عليها الأسعار أعتقد هتكون مابين 50 الى 55 ألف من الأخر هيه عاوزة واحد غاوى يشتريها
http://www9.0zz0.com/2010/03/16/14/529225496.jpg