استفسار بخصوص صيانة الفانتازيا 10.000 كيلو
اللام عليكم يا جماعة
انا جبت سكودا فانتازيا ف شهر 11 اللي فات تقريبا
و العربية كملت 10 الاف كيلو من كام يوم كدة
تحديدا 10450 كيلو
فكنت عايز اسأل على الصيانة
1 ... افضل مكان اعمل فيه الصيانة ( انا ساكن في المقطم ) ... ياريت عنوانهم
2 ... مواعيد العمل و ايام الاجازات
3 ... المبلغ اللي احضرو عشان ادفعو للصيانة
4 ... ايه الحاجات اللي المفروض تتغير في العربية بعد 10 الاف كيلو
5 ... هل كان لازم اروح صيانة قبل ال10 الاف .. يعني كان فيه صيانة 1000 او 5000 ولا عادي مفيش مشكلة
6 ... الورق و الحاجات المطلوبة عشان ادخل الصيانة
7 ... الرخصة مش بإسمي ... فهل لازم صاحب الرخصة ييجي ( والدي )
8 ... المدة اللي بيخلصو فيها صيانة العربية .... و هل الصيانة داخل فيها كل تفاصيل العربية
يعني من اول الموتور و الفرامل ... لغاية الكاسيت و التكييف ؟
سوري يا جماعة .... اسئلتي كتير ... بس معلش لسة معنديش خبرة