سلام الله عليكم
ما موضوع صوت الصفير اللي بيظهر ده بعد ما غيرت تيل الفرامل
بيظهر لما أضغط فرامل أو أمشي بسرعة منخفضة
بس صوت مزعج جدا
ما الحل؟
وجزاكم الله كل الخير
عرض للطباعة
سلام الله عليكم
ما موضوع صوت الصفير اللي بيظهر ده بعد ما غيرت تيل الفرامل
بيظهر لما أضغط فرامل أو أمشي بسرعة منخفضة
بس صوت مزعج جدا
ما الحل؟
وجزاكم الله كل الخير
فى اول التغيير بيبقا فيه شوية صفر كده على بال ما التيل يطبع بس فى حدود المعقول و بيبقا فى السرعات المنخفضة
لو زيادة يبقا الاحتمالات التالية:
1-التيل مش اصلى و خامته وحشة
2-اللى ركب ما ركبش عدل فيه حديدة بتحك فى الطنبورة عشان تقولك ان التيل خلص ممكن ما ظبطهاش
3-الطنبورة فيها تاكل و بتحك فى التيل باماكن مختلفة و ديه ممكن تحسها بايدك لو مشيتها على الطنبورة
و الله اعلم
الموضوع دة فعلا حصلي بعد ما غيرت التيل لسيارتي (متسوبيشي لانسر بومه) ، ورجعت بعد يومين للميكانيكي وفك التيل وصنفره وبرضه الصوت فضل شغال ومرحش الا بعد حوالي 3 اسابيع وحاليا بقى الصوت بيظهر بس على فترات متباعده وتقريبا بقى منعدم
فأصبر عليه شويه عشان فعلا يطبع بس لو استمر وبنفس القوه يبقى يا نوع تيل سيئ يا اما الطنابير عايزة تتخرط
لما بيدخل تراب في بين التيل والطنابير بتعمل كده برضه فشوف ممكن تكون بتمشي في أماكن فيها تراب كتير
تمام الله ينور عليكم يا رجالة
جزاكم الله كل خير
يبقى أصبر عليه شوية وبعدين نشوف فيه اية
بس ممكن حد يشرحلي ألية عمل الطنابير مع التيل؟
وجزاكم الله كل الخير
نوع التيل سىء وليس هناك احتمالات اخرى انا حصلت معايا وغيرت بنوع تانى راح الصوت - ده بيرجع للمادة المصنوع منها التيل نفسه ،
نوع التيل مش كويس وعلي فكره حصل معايا وكان الحل اني اغير التيل ده خالص علشان الميكانيكي قالي انه ممكن يبوظ الطنابير ويعمل فيها ريجه