انا طالب جامعة و طبعا يهمني في العربية انها تكون مريحة في البنزين و قليلة الاعطال
ياريت تنصحوني اجيب فيكترا97 ولا كورولا 97
مع العلم اني معايا 50 الف و عارف ان الكورولا ممتازة
ياريت اعرف رايكم
عرض للطباعة
انا طالب جامعة و طبعا يهمني في العربية انها تكون مريحة في البنزين و قليلة الاعطال
ياريت تنصحوني اجيب فيكترا97 ولا كورولا 97
مع العلم اني معايا 50 الف و عارف ان الكورولا ممتازة
ياريت اعرف رايكم
الفيكترا أحسن وكفاية انها المانى
الكورولا حلوة بس مع الانسر مش الفيكترا
وعموما الشباب هيردو عليك أكيد
لو عاوز عربية موفرة في البنزين و قليلة الأعطال و خصوصا لو كانت أعطال سخيفة و تناسب ظروفك كطالب.يبقي من غير تفكير كرولا يباني( تقفيل يباني ).الفيكترا حلوة طبعا.لكن الكلام ده مش متوفر في الفكترا (تقفيل محلي )..وعن تجربة.لأني ركبت كرولا 99 و فيكترا 97
اى اوبل لو حالتها نص نص ..
يبقى اعتبرها توك توك لانها هتكرهك فى الاوبل و الى عملو الاوبل ...
لو نضيفه ...
يبقى مش هتركب طول حياتك غير اوبل ..
الا اذا ربنا كرمك و هتطلع من الفئه السعريه ..
هتنط على بى ام او مرسيدس ..
ادامك حاجه نضيفه ؟؟
يبقى تكشف عليها كويس ...
و تطمن ..
تكيفها يكون شغاااااااال لو مش شغال خليه يشغله ..(الجمله دى اتعلمتها من تامر ...زميلنا فى العصابه هنا ...)...
بس انا انصحك بالكورولا...
لانها ابسط من الفيكترا ...
و اى حد يشتغل فيها ...
و قطع غيارها ارخص من الفيكترا شويه (طبعا الفيكترا معمره اكتر ...)..
بس
بالنسبه لطالب الكورولا هتريحك اكتر ..
الا اذا كنت محتاج ثبات خيالى بقى و صاج ملوش حل ...و غوووووووول سرعات ..
اهلا بيك ياباشا ..دانت من ريحه الحبايب انا كنت راكب سوبارو ليون زي اللي معاك :Ob_mak1[1]:
باختصار شديد ..الياباني عملي وموفر في البنزين واقتصادي في قطع الغيار -انما الالماني اقوي واحسن للي بيدور علي متعه القياده ونظرا لظروفك اللي انت ذكرتها هتبقي الكروللا احسن بالنسبالك ولكن شرط الحاله وربنا يوفقك وبعد كده تركب الماني .
هات كرولا احسن
الكرولا طبعا احسن بالنسبة لك لأنك اكيد مش غاوى مشاكل واعطال كتير ولا مصاريف كتير...
الكرولا تكييف ممتاز حرارة ثابتة تحمل اداء عالى فى الحرارة الشديدة ...قطع غيار اسهل فى التركيب والتعامل....اقتصادية اكتر فى البنزين...
الفيكترا قوة عالية جدا..ثبات خيالى بجد....صاج غبى بجد من قوته...امان عالى قوى...
زى ماقالك باقى الزملاء...بالنسبة لك اعتقد الكرولا هتكون احسن طبعا...
وطبعا الاهم ان الحالة بتاعت العربية تكون ممتازة سواء كورولا او فيكترا
انا بختلف مع الجميع لو حالة الفكترا افضل هتعيش معاك سنين من غير مشاكل للاسباب الاتية اولا معروف ان اليابانى مبيعش ذى الالمانى طبعا عربية موديل 97 يعنى شغالة بقلها 13 سنة تفتكر يعملوة اة فى العربية سواء اليابانى او الالمانى طبعا استخدام 13 سنة كويس لكن فى كلاء الحالات هتصرف عليها الا انك تجيب حالة شاذة اوبل هتعيش معاك 3 او 4 سنين متفكرش تعمل غير الصيانة لو ماشى محترم
النهاية الحالة الانضف خدها لانها هتكون فى مصلحتك
بما انك طالب يبقى هات كورولا استهلاك بنزبن أحسن و قطع غيار غالبا أرخص و سوقها فى البيع حلو.
كلام خاالد كلام سليم