الموضوع: أستفسار بخصوص رشه الدواخل

المشاركة الأصلية كتبت بواسطة mohamedezat

بص انا شوفت كذا مره عربيات وهى نصيين وبتتلحم ......... معايا كده

هاقولك مثال : عربيه bmw535 موديل 1991
العربيه دى انا كنت هاشتريها فى سنه 2006 وسعرها كان على ما اذكر 85000ج والعربيه بعد ما كشفت عليها لقيتها فابريقه دواخل حوض وشنطه وقوائم وكله
بس صممت انه يتم الكشف على العربيه فىالتوكيل وانا فاكر ساعتها انى رحت التوكيل بتاع ابو الفتوح فى العمرانيه وبعد الكشف خرج الباشمهندس ومعاه التقرير
وقال ان العربيه ماتور وعفشه ودواخل زى الفل بس العربيه دى نصين وملحومين
واللحام كان من عند القوايم ومرشوشين وفعلا ماكانوش باينين
والبائع الله اعلم كان على علم ولا لا بس واضح انه كان مصدوم

وشوفت قبل كده عربيه اكسيل وهما بيلحموا النص الخلفى ومعايا صورها هارفعها باذن الله لو حبيتوا

منور يا باشمهندس محمد عزت و الله رد مفيد جدا و أكيد الكل هيستفيد منه و يا ريت لو معاك الصور ترفعلنا ملخص ليه و يبقى جزاك الله كل خيــــــر

أنا أعرف ناس ممكن تشتري عربية: 1-موتورها مفوت 2- عفشة ضايعة 3-فرامل عايزة شغل 4- صاج متدغدغ من برة
بس يفرح قوي لما يقول لك أنه اشترى عربية مش راشة دواخل

في حين أن لو قدامه عربية 100% من كل حاجة إلا موضوع رش الدواخل تلاقيه يبعد عنها

عاملة كده زي اللي بيشتري موبايل و يقول لك (مفتوح)

رأيي: اللي بيشتري مستعمل، بيشتري "حالة" العربية وقت الشراء. مش "تاريخها المرضي"

انا رشيت دواخل عربيتى
لتغير اللون كانت احمر وانا كنت عايزها تبقى نبيتى ميتالك وكانت دى اول رشة ليها وبصراحة حاسس بندم

المشاركة الأصلية كتبت بواسطة mohamedezat

بص انا شوفت كذا مره عربيات وهى نصيين وبتتلحم ......... معايا كده

هاقولك مثال : عربيه bmw535 موديل 1991
العربيه دى انا كنت هاشتريها فى سنه 2006 وسعرها كان على ما اذكر 85000ج والعربيه بعد ما كشفت عليها لقيتها فابريقه دواخل حوض وشنطه وقوائم وكله
بس صممت انه يتم الكشف على العربيه فىالتوكيل وانا فاكر ساعتها انى رحت التوكيل بتاع ابو الفتوح فى العمرانيه وبعد الكشف خرج الباشمهندس ومعاه التقرير
وقال ان العربيه ماتور وعفشه ودواخل زى الفل بس العربيه دى نصين وملحومين
واللحام كان من عند القوايم ومرشوشين وفعلا ماكانوش باينين
والبائع الله اعلم كان على علم ولا لا بس واضح انه كان مصدوم

وشوفت قبل كده عربيه اكسيل وهما بيلحموا النص الخلفى ومعايا صورها هارفعها باذن الله لو حبيتوا

كلاامك صح 100% وانا هوضحها شوية لية بنبعد عن العربية الى رشة دواخل علشان مثلا لو العربية دى عملت حادثة وغصب عنة مثلا نص العربية باظ او سقف فا بيشترى واحد استيراد وبيتقطع القديم والجديد بيتلحم مكان القديم بس فية مشكلة مكان اللحام بيبقى باااااااين قوى فا بيعمل اية بيروح مديها معجووووون ومسويه بلحديد وبعد كدة يرش الدوكو طبعا انت تيجى تتفرج تشوفها سليما جدااااا لاكن هيا متقطعة طب بردو انا لسة مقلتش اية الى وحش فيها لو كانت متقطعه عمر ما سمكرى هيعرف يعمل العربية زى المصنع طبعاااا عمرها ما هتبقى مظبوطة وكمان احنا سعااااات بنشوف عربيات تحس انها ماشية بجنبها وطبعا دة بيسبب عدم توازن على السرعااات العالية وسهولة انقلابها لاقدر الله
..
..

المشاركة الأصلية كتبت بواسطة romeo_6887

رشه دواخل يعني حوض الموتور مرشوش نتيجه لحادثه جامده او صدي او تغيير لون و ده بسميه استهبال رسمي نظمي

فعلا الموضوع طلع يخوف زى ماقال كمان الدكتور محمود صلاح برضة و فعلا دا أستهبال رسمى نظمى لأن فوزى مينفعش يبقى فهمى
و الموضوع أكيد هيفيد برضة ناس كتير زيى مكانوش عارفين أية السبب يعنى وأكيد تجنب رشه الدواخل هيكون أمان و أضمن بكتيـــــــــــــر و الفرق وضح بعد توضيح اسباب الرش