السلام عليكم
كنت عايز أعرف حد عند علم كمبيوتر نقلات الفتيس بتاع الايزي ترونيك يجيلو بكام ؟؟ في اوبل استرا هاتشباك ايزي ترونيك وممكن يتعمل عن حد في أي مكان برة التوكيل ؟؟؟.
عرض للطباعة
السلام عليكم
كنت عايز أعرف حد عند علم كمبيوتر نقلات الفتيس بتاع الايزي ترونيك يجيلو بكام ؟؟ في اوبل استرا هاتشباك ايزي ترونيك وممكن يتعمل عن حد في أي مكان برة التوكيل ؟؟؟.
مفتكرش يا مصطفى بي انك تلاقي حد بره التوكيل بس عموما نشوف الؤاء الشباب
اه ال حصل يا مصطفي مال
الكمبيوتر بتاع العربية
خير يا مصطفى ايه الى حصل
إيه اللى حصل فيه يا مصطفى ؟؟؟
خير يا مصطفى ؟؟
ايه الى حصل ؟؟
ان شاء الله خير ...
عموما انت فاكر هانى العايدى الى اتقابلنا عنده فى الحرفيين ؟؟(لما كنت بجيب مروحه الاسترا ..)..
شوف ممكن تلاقى عنده ...
و يا ريت تطمنا ايه الى حصل ؟؟
طمنا يا باشا خير إن شاء الله
اخر مرة كنت موجود فى الحرفيين شفت شغل كتير قوى بتاع استرا 2008 عند محل اليسر بتاع الشيخ محمد فى اخر شارع المرسيدس على الشمال....لما سألته قالى انه المحل بتاعهم فى بورسعيد عنده حاجات استرا 2008 كتير هناك...روح واسأله يمكن يكون عنده...او عند هانى العايدى ممكن تلاقيه او عند هانى اوبل فى فيصل ممكن تلاقيه...والله يعينك على سعره
السلام عليكم
جزاكم الله خيراً
أصل أنا العربية أول امبارح فصلت نقلات خالص وكانت مش عايزة تتحرك بالفتيس خالص، وبعدها بساعة كدة حاولت أدوره راحت دارت ويدوبك مشيت بها من عند جنينة مول لغاية شارع الطيرن قدام منصور رابعه بالظبط وشكراً، فصلت تاني ومش عايزة تنقل خالص. ركنتها بالزاك.
تاني يوم واحد من منصور عدا معايا وفصل البطارية ورجعه تاني وقلي دي حاجة في دورة الفتيس ولما اتصلت بأوتو ماستر أسألهم هما كمان اللي دة شكلو كمبيوتر نقلات الفتيس، طب هاتها
رحت قطرها واتجهت ليهم. وكان فيه مهنديس الله يكرمو اسمو مهندس شريف صلاح، فهمني كل حاجة وكان على إتصال في كل حاجة بيعملها، كأني كنت في إجتماع معه. قلي إن الكمبيوتر دة سعر حوالي تسعة ألف جنيه و-٥٠٠، دة لواحد بس. :( ، طبعا أنا جلي إنهيار.
النهارده باءة كلمني وقلي حنغير الديسك والاسطوانة معه ، ليه عشان بيظين،
بعدها بساعتين، إتصل بي وقلي احنا ركبنا الديسك والاسطوانة والعربية اشتغلت ، لو تحب تجي تجربه بنفسك. طبعاً أنا كنت طاير من الفرحة.
طب والكمبيوتر ؟؟؟ قلي بعد مفكيت الفتيس ، رحت مركب الديسك والاسطوانة وجربت معه يمكن تمشي وفعلاً الحمد لله مشيت. بس لو حبيب تغير الكمبيوتر، احنا ممكن نجيب من منصور ونغير ليك كمبيوتر نقلات الفتيس.
طبعاً أنا شكراً جداً ليك، كدة لوز أوي، أنا حجربهة وحشوف الدنيا فيها إيه ولو وقفت تاني يبة نغير الكمبيوتر أبو ٩ ونص.
شكراً ليكو كلكم على دعواتكم لي. ومعلش صدعتكم.
المهم أي حد معها ايزي ترونيك ، قبل ما يقفل العربية، يمور الاول بلاش يوقف بالفرامل ويركن ويروح آفل ، يستحسن يمور وبعدين يقفل ، ودة عشان بيكون أحسن للفتيس وعمرو الافتراضي. أنا مش قأدر افتكر أنا كنت بعمل كدة على طول ولا لأ بس أنا حركز في النقطة دي إن شاء الله. والحمد لله على كل حاجة.
على فكرة هاني العايدي قال يستحسن في التوكيل و دة كان رد أحمد عاللاوي علي من بوك هاني.
على فكرة اللي خلاني أروح اوتو ماستر إن منصور رابعة قلي لازم تروح منصور الهرم عشان هما مش عندهم الامكانيات اللي يئدر يصلح حاجات في الفتيس والله أعلم كان المهندس بيتكلم بجد ولا عايزني أمشي.
الحمد لله يا مصطفى ...
هى عربيتك ماشيه كام كم ؟؟
و ان شاء الله مش هيحصل حاجه فيها تانى ...
انا الحمد لله مش بركن غير لما اجيب الفتيس على n و بعدين ابطلها ...
يا ترى الديسك و الاسطوانه اتكلفو كام ؟؟..
و هل باظو عمر افتراضى ولا ايه ؟؟
معلش اسالتى كتير ...
بس عشان اطمن و عشان فى ناس كتيييييييييير هتدخل تفتى و تعد تقول ده فتيس مش عارف ايه ...
انا استبعد انه يكون كمبيوتر فتيس او بمعني اصح بيبقي احتمال ضعيف لكن الراجح من خلال تجارب ملاك الكورولا في الmmt ان تكرار الأعطال دي بيبقي سببها مجموعة الدبرياج.
ايه دا معقوله بلاستك ولا ايه!!
دي اشتغالة جديدة بقي ولا ايه:khd:
ده لسة واحد معرفة صديقي كان مسافر هو وواحد صحبه هو معاه الفئة السابعة والتاني معاه سيراتو وكانوا مسافرين الصعيد في اليوم اللى كان فيه مطرة جامدة ده بتاع ال بي ام اصر او الح انه يسافر بالفئة السابعة فالمهم ان العربية دخلت في المية والمية دخلت الموتور والعربية بطلت.
في النهاية دفع 84000ج تصليح...يعني بي ام لو بتحافظ علي سيارة العميل زي رينو كانت حطتله بامبرز كمان مش كيس بلاستيك بس......للأسف فقدت ثقتي في البي ام.:N_no[1]:
اه صدقت يا شراكي هههه
مبروك يادرش وخالي بالك المرة الجاية
وربنا يستر مع الجميع
معقوله لدرجادي يا احمد بي
يعني لازم يسفرها ع فرنسا ولا ايه هههه
الحمد لله على سلامة العربية وان الموضوع طلع ديسك واسطوانة بس وغالبا عشان كانوا بايظين فا الكومبيوتر ماكنش شغال وان شاء الله تلاقى الدنيا تمام عندك.
بس فيه حاجة عايز اقولك عليها، طبعا انت عارف ان فيات فيها نفس الفتيس ده وانه مبنى على فتيس الفيات، واسمه فى فيات dualogic، المهم ان من تعليمات التشغيل بتاعة الفتيس انك لما تيجى تركن وتبطل العربية لازم تسيب الفتيس على الA وتبطل وبعد ما العربية تبطل تجيبه على الN.
مش عارف بقى النظام عندك ايه فى الايزى ترونيك
فعلا، هى العربية ماشية قد ايه؟ وايه ظروف القيادة؟؟؟ ليه الديسك والاسطوانة باظوا بسرعة كده؟؟ المفروض ان عمر الفتيس ده طوووويل
ويا خلود راجع كلامى بخصوص تعشيق الفتيس قبل تبطيل العربية
السبب الرئيسى فى بوظان الديسك والإسطوانة هو التعامل مع الفتيس على إنه أتوماتيك فى المواقف التالية :
1. الوقوف لفترة طويلة على تعشيق الغيار الأول (إشارة مرور مثلاً) فاكيد الديسك هايولع من كتر ما هو معشق فى الموتور . يبقى أحسن حاجة لازم تكون جايبها على ال n .
2. فى المطالع يتم إستخدام الدوس على دواسة البنزين لتثبيت العربية وده غلط بردة بيخلى الديسك يولع . الأفضل تجيب الفتيس على ال n وتشد الهاند بريك .
3. إيقاف تشغيل العربية والفتيس على ال n قبل ما تبطل يا إما تجيب الأولانى أو ال r وفى نفس الوقت تدوس فرامل .
يعنى يا جماعه لما اجى اركن العربيه ...
اجيبها على a او r ..
و بعدين ابطل ..
و اجيبها على N ؟؟
مهو انا لو جيبت على N و انا مبطل مش بتنقل ..
حتى لما ادورها ..
بلاقى الشاشه كاتبه A و بعدين N ...
يا ريت شرح مفصل للموضوع ده يا جماعه ..
شوف يا خالد، المفروض انك لما تيجى تبطل العربية بتسيب الفتيس على الAوبعدين تبطل وبعد ما تبطل تقلب على الN وتشيل المفتاح وتمشى ولما تيجى تدور العربية الكومبيوتر لوحده بيعرف ان الفتيس على الN وبالتالى ها يدور طبيعى، عشان هو عمره ما ها يدور والعربية واخدة نقلة
وده الكلام اللى موجود فى الكتالوج بتاع الفتيس الاوتو بتاع الفيات
PARKING THE CAR
To park safely, it is essential to engage 1st
gear or reverse (R) gear with your foot
on the brake pedal. If parking on a slope,
operate the brake pedal. It is also essential
to wait until the gear engaged disappears
from the reconfigurable multifunction
display before releasing the brake
pedal.
IMPORTANT NEVER leave your car
with the gearbox in neutral (N)
========================
When you are set to park then turn off the engine in the gear you are in i.e. 1st or rev. Do not put it in N. The vehicle has to be left in gear Once you have turned off the engine you can put it in N altho it will still be in gear as it should be.
Doing this will mean that when you start up you will already be in N. You must have your foot on the brake when you start up , starting up automatically puts the gearbox in N but if the lever is not in N you will get a beep warning.
طبعا مفرغ منه انك تدوس فرامل مع كل تغيير بين ال N or A or R
كده تمام يا damasry يا صحبى ..
بس الكلام ده مش فى المانيوال بتاع الاوبل !!!
عموما انا رايح الصيانه قريب (متأزم نفسيا من المشوار ده اصلا ) هبقى اسال هناك (مع انى عارف ان الاسطى بليه بيفهم احسن منهم ...)..