واحد صحبىى حكالى عن تجربه شد مابين الفيرنا والسيراتو وقالى ان الفيرنا قطعوا على الطريق
فانا مش عارف هل الكلام ده صح ولا لا ؟ وهل حد ليه تجربه فى الموضوع ده مع فيرنا ويقولنا ايه الموضوع ؟
عرض للطباعة
واحد صحبىى حكالى عن تجربه شد مابين الفيرنا والسيراتو وقالى ان الفيرنا قطعوا على الطريق
فانا مش عارف هل الكلام ده صح ولا لا ؟ وهل حد ليه تجربه فى الموضوع ده مع فيرنا ويقولنا ايه الموضوع ؟
اكيد طبعا الفيرنا هتقطعوا....1600 واخف من السيراتو بكتير ورشيقه عنها...فهتطلع
ههههههههههههه تاني الموضوع دة ؟؟؟
دة كدا يبقي الموضوع رقم 100 ومعانا فائز - ههههههههههههههههههههههههه
يا سيدي - مين طلع من مين مش مهم وميعبش العربية ولا السواق عشان احنا مش حناخد حاجة في الاخر - بالعكس دا احنا حنخسر جزء من عمر العربية الافتراضي
عموما خلي الاولاد تلعب وتنبسط بس يا ريت من غير ضرر للناس اللي في الشارع وربنا يستر طريقنا
ما اصل الفرنا دي موتور بس !!!!!!! صاج لا وعفشة لا وصالون ضيق وتوكيل مش قوي مع احترامي لماليكيها يطلع من سيراتو ولا يطلع من بي ام الله يسهله بس ياترى خد نشان في الاخر !!!!!!!! وكل واحد حاسس ان عربيته مفيش احسن منها ..... والفيرنا معروفة انها جراية وتسارعها وتجميعها عالي نظرا لعدم ثقل العربية والمكونات اللي فيها معظمها فيبر على بلاستيك
ممكن كل شىء
بس لو السيراتو سواقها كويس شويه ممكن يطلع من الفيرنا "الى سواقها مش كويس بالطبع"
والعكس صحيح
طول ما بم بم بيقدم جوايز يبقي كال شيئ جايز - بس الفيرنا تطلع من السيراتو بردو - الفيرنا فعلا بتجري بطريقة غبية
بتفكرني بالعربيات اللعبة اللي كنت تشدها لورا وتسيبها تطلع زي الصاروخ - هههههههههه
ومن غير زهل يا فيرناوية - انا قصدي طبعا انها سريعة مش قصدي انها لعبة
لو سمحمتم محدش يجيب سيرة الفيرنا بسوء
انا باطلع بيها من اى عربية كورى عادى جدا وفى الاخر باسيبه بمزاجى
مع انى مش سواقة قوى يعنى
ههههههههههههههههههه موضوع عسل
انا مش عارف اية فايدة المواضيع دي بجد
عربيات كلها 1600
فرق طفيف
و السواق كمان بيفرق
+ ان اصلاً الطرق مش بتسمح للشد و الكلام دا ...
بوص يا سيدى عشان يبئى الموضوع واضح وعلمى
فيرنا 104 حصان على وزن 950 كيلوجرام
يعنى كنسبه = 110 حصان / طن
انما السيراتو 124 حصان على 1275 كجم
يعنى =97 حصان /طن
دى اول نقطه فى صالح الفيرنا فى الشد
تانى حاجه
اقصى عزم للفيرنا عند 2750 rpmودى ميزه رهيبه فى التسارع تحت سرعة ال 100 وعيب كبير فىق ال100
انما اقصى عزم للسيراتو عند 4200rpm ودى ميزه فى التسارع فوق ال100 وعيب خطير فى التسارع تحت 100
تالت نقطه مساحة الاحتكاك
كاوتش الفيرنا 14/175 ودى ميزه جامده فى التسارع لكن عيب فى الثبات
انما السيراتو جنوطها كبيره سواء ال15 او 16 او 17 وعرضهم كبير
كل العوامل دى تخلى الفيرنا تاكل السيراتو فى الشد (نحت سرعة 100 بس)
وطبعا الشد مش كل حاجه
و الله كلام زى الفل ... أكيد طبعا و انت مغمض لو حطيت سواق فى العربية الفيرنا و نفس السواق فى السيراتو الفيرنا هتعدى لأنها أخف بكتير ... بس اللى هيجرى بيها مش هيحس بنفس الأمان اللى هيحسه فى السيراتو لأن السيراتو ثابتة جدا جدا مقارنة بالفيرنا ... إنما الفيرنا هتبقى زى اللانوس كل ما تجرى بيها أكتر كل ما تبقى مقلق منها أكتر
لو هنقارن الفيرنا باللانوس أكيد الفيرنا أقوى بس حضرتك متحاولش تقنعنى إن الفيرنا بالبودى الخفيف بتاعها ده هتكون ثابتة على سرعة 160 زى السيراتو .... قد تكون أكثر ثبات من عربيات تانية بس مش هتختلف عن اللانوس ولا هتكون أثبت من الأفيو أو السيراتو أو الالنترا أو الكروز
لا انا قصدى ان الانوس اثبت من الفيرنا....
على فكره ياجماعه انتوا بتحسبوا الوزن وقوه الموتور فقط..وناسيين فرق الصناعه....موتور السيراتو اكيد احدث من موتور الفيرنا...يعنى لو موتور السيراتو ركب على الفيرنا هتلاقى الفيرنا اسرع من موتورها الاصلى...العمليه مش موضوع 1600 وخلاص....ال 1600 بتاع الادا غير 1600 الميجان