المشاركة الأصلية كتبت بواسطة Ahmed0Nouh
قصدك الناس اللى معاها العربيات دى مبتاكلش عيش يا دوك , الدوست وصل البيوت ديلفرى دلوقتى :)
مبدئيا كلمه نضيفه اللى انا قولتها لا تعنى اطلاقا ان اى عربيه مفيهاش الخاصيه دى تبقى مش كويسه وانما كان مقصود منها الفئه الاعلى من العربيات بس بتعبير عامى شويه , والفئه السابعه قد تكون نضيفه او لا دى حاجه تختلف من شخص للتانى ومش مقياس انها عربيه نضيفه بشكل عام
الخاصيه بالفعل موجوده فى عربيات كتير من ماركات فخمه بنفس اسلوب السيراتو العربيه مش بتبطل لما المفتاح يبعد و بعد البحث لقيت ان السبب فى كدا من وجهه نظرهم ان لو حد تعرض لأن عربيته اتسرقت ونزل منها والمفتاح فى جيبه الحرامى يمشى بيها ويبقى الخطر بعد عنه بدل ما العربيه تبطل منه والحرامى يرجعله تانى علشان ياخد المفتاح وهى وجهه نظرهم بس انا شخصيا مش مقتنع بيها وشايفها غلط بالعكس لو اتسرقت والمفتاح معاى هتبطل تانى والحق انا اكون جريت بالمفتاح :superman:
مرسيدس من الشركات اللى عامله الخاصيه اللى انا جربتها وكانت فى ال E ان لو بعدت عن العربيه بتبطل ومعنديش فكره شركات ايه تانى اللى شغاله بنفس نظام مرسيدس
بس صحيح , الفئه السابعه فى مكان تحط فيه المفتاح علشان تدور العربيه , هو طلعه من المكان بتاعه بعد ما مشى ازاى ؟؟ , ومعلش سؤال تانى العربيه اللى كان راكبها موديل كام علشان اول سنه تنزل ال 740 هى السنه دى ولسه مفيش واحد فى مصر استلمها وال 740 اللى فاتت كانت موديل 94