ان شاء الله سوف اشتري اكسنت احتمال النهارده ومواصفاتها كالتالي
موديل 2000 ( تكيف + سنتر ) 1300cc فبريكه دواخل رشه نظافه
زجاج فاميه مش علي الرخصه
طالب 37000 جنيه
السوال هل 37000 كتير عليها بس اكيد فيها كلام
هل الزجاج فاميه في مشكله في المرور
طب لو فاميه اعمل ايه
هل في لزق زجاج فاميه ممكن اشيلو
وهل م 2000 فيها عيوب
هل تركيب باور امر صعب وبكام وهل بيسبب مشكله بعد التركيب
الرجو المساعده من اهل الخبره
fانا كان معايا اكسنت موديل 98 1300 cc وركبتلها بور وزى الفل مفيش اى مشكلة انت بتجيبة استيراد من عربية 1500 وزى مابتخلعة زى مابيتركب مفهوش اى تعديل وماتقلقش خالص
شكرا علي ردك يا غالي بس باقي الاسئله هل ليك عليها اجابه
الفاميه في اول كمين هايتشال لو انت ماتعرفش حد في المرور هايتشال ده لو فاميه تقيل لو خفيف اعتقد لا ثانيا 35000 ده اخرها 37000 كتير دي موديل 2000 و 1300 سي سي ولو ينفع تاخدها التوكيل يكشفوا عليها وصاحب العربية يروح معاك يبقي تمام دي وجهة نظري
خالص تحياتي ليك هو التوكيل فين بالظبط
شوف مبلغ 35000 مناسب وممكن تنزل شوية (1000-500) انت و شطارتك بالنسبة للتوكيل هو فى ابو رواش ودية ارقام مراكز قطع الغيار ممكن تسالهم على الكشف ومكانة فين بالظبط
فرع عماد الدين 25748025-25748026-25748027
فرع ش دمشق مصر الجديدة 24507418
تحياتي ليك ولك كل الشكر
كثير اوي 37 الف على 2000 و 1300 سعرها العادل 33-34 الف
و ملوش لازمة تركيب الباور العربية مش ثقيلة اوي يعني لانك هتجيب كل حاجة استيراد و هتغير علبة دركسيون و مفيش احسن من الحاجة الاصلية