من فضلكم تسعير A5 2006 Automatic أول فئة
السلام عليكم جميعا
أرجو من اعضاء المنتدي مساعدتي بخصوص شراء Octavia A5
معروض عليا عربية A5 Automatic 2006 أولى فئة بالمواصفات الاتية:
- عاملة 52000 كم عداد.
-نهاية الترخيص كمان 2 أسبوع.
-جميع الصيانات بالتوكيل بالفواتير.
- كمبرسر التكيف متغير في التوكيل من 3 شهور (صاحب العربية بيقولي في مشكلة في a5 2006) [أنا بعت على الthread الخاص بأسئلة skoda ومنتظر الرد].
-الإطارات متغيرة من 5000 كم.
-صيانة el-50000 معمولة في التوكيل.
ملاحظاتي على العربية :
- وش الفانوس اللي ورا يمين في حتة مكسورة (1x1 cm) .
-في خرابيش في باب السواق بتاعت العيال اللي ماشية بمفكhttp://www.nilemotors.net/Nile/image...gry%5B1%5D.gif.
-لمبة الairbag منوارة على طول (أنا سألت على النقطة دي وقال لي إنه لاحظ الموضوع ده بعد مااتغسلت في البنزينة الجمعة اللي فاتت).
-الفرش الأصلي بتاعهـا (لازم اجبلها فرش لو ربنا أراد واشترتها).
-الدواسات شكلها مش الأصلية بتاعتها (عمله زي اللي بيتبعوه في الإشارات :biggrin2:).
-صوت الموتور والتكيف شغال كويس والعربية فبريكا بره وجوه.
إن شاء الله أنا ناوي أطلع بيها على التوكيل في غمرة عشان أعمل تقرير كامل عليها بس محتاج أعرف سعرها في السوق بالحالة ده يعمل اد إيه.
أتمنى سرعة الرد لأني محتاج اخد قرار بسرعة ولو حد يعرف سعر الكشف عليها بالكامل في التوكيل بكام.
شكرا لكل أعضاء المنتدى الجميل اللي بجد فرق معايا كتير في رحلة البحث عن سيارة (يا رب أكون قربت أوصل بقى :B4_611:).
