-
فيات بونتو اس اكس 75
يا جماعة باركولى انا ربنا وفقنى واشتريت امبارح بونتو 75 إس إكس مو 95 ، والعربية الحمدلله جميلة وعاجبانى جدا ، ورغم انى اصلا من عشاق الفيات لآن عندى كمان تمبرا ، إلا ان انا محتاج اعرف اراء مالكى البونتو عامة ( والمماثلة لسيارتى الجديدة خاصة ) فى العربية وادائها ومدى الإعتماد عليها سواء فى المشاوير الطويلة أو القصيرة ولما يبركب فيها عدد 4 افراد مثلا بيبقى مستوى ادائها ايه وبرضه اخبار التكييف بتاعها ايه خصوصا فى شهر 7 ، 8 والمشاكل الصعبة اللى قابلت مالكيها وإزاى إتغلبوا عليها ، وطبعا قطع الغيار متوفرة فين بأسعار مناسبة لآن فيه أماكن كتيرة ممكن تشترى منها ( عزبة شلبى - الوكالة - محمد يوسف - الكيلانى - ... ) المهم ياريت السادة الأعضاء المشاركين بأرائهم يكون كلامهم هايضيف معلومة جديدة للقارئ يعنى مش مجرد كلام زى انا سمعت وانا قالوا لى ، وانا افضل ان اللى يشارك فى الموضوع يكون من مالكى العربية فقط سواء الحاليين او السابقين عشان الفايدة تعم على الجميع ويكون الوقت اللى الواحد هايقضيه فى قراءة الموضوع ما يشعرش انه ضيع وقته على الفاضى او ماحسش انه استفاد حاجة . ومستنى ردودكم وتعليقاتكم انشاءلله
-
انا معايا نفس العربية احب اقولك خبرتى معاها
اولا ضيف عندك محل الموجىفى الحرفيين و دا بيبع جديد بس ودى نمرته اسعاره اقل من الكيلانى ورقمه 26974394 كلمه واساله على الحاجه اللى انتى عايزها وفى كمان خالد الباز فى عزبة شلبى ودا عنده استيراد 0123942013
-هايلة فى استهلاك البنزين
-مشاوير طويلة او قصيرة شغاله بس بشرط الحالة الجيدة
-طبعا مع اربع اشخاص او 5 فيها بتبقى واطية جدا ناس كتير نصحونى اركب عاليات وناس قالت لى بتبوظ العفشة ياربت لو حد جرب يقولنا
وانا فى خدمتك لو عايز اى سؤال تانى
-
أشكرك جدا يا مادا على ردك لآنى كنت فقدت الأمل ان حد يرد عليا خاصة ان الموضوع انا فتحته من اسبوعين وما كانش فيه رد من اى حد ، لكن انطباعى عن العربية خلال الأسبوعين اللى فاتوا انها عربية جميلة وناعمة ومناسبة جدا لأسرة صغيرة خصوصا إذا كان معظم تحركاتهم داخل البلد يعنى مش سفر ، أما عن موضوع تعلية العربية فأنا فعلا حسيت انها واطية شوية ورحت ركبت أربع مساعدين إستيراد عند واحد عفشجى جمبى وركبت علايات امامية وخلفية والموضوع كله إتكلف 420 جنيه ، انا عارف ان المساعدين الإستيراد كان ممكن اجيبهم اقل من كده ( الراجل حسبهم 350 بالتركيب والباقى للعلايات وتربيط باقى العفشة ) لكن انا قلت ان هو جنبى فده هايكون احسن علشان لو حصل لهم حاجة اقدر ارجع له بسهولة خصوصا انه مدينى ضمان 6 اشهر ، كمان غيرت سير الكاتينة 70 جنيه وسير الدينامو تقريبا 50 مش فاكر بالضبط ، وماسورة الشكمان 80 ، لكن فاضل عندى سوستة الشكمان عاوزة تتغير وانا لسة ماسألتش عليها بتتباع فين وبكام ، ياريت لو عندك فكرة تقول لى ، وياريت باقى ملاك البونتو ينضموا لينا عشان نستفيد من خبرة بعض فى كل المواضيع اللى تخص العربية
Content Relevant URLs by
vBSEO 3.6.0 PL2