هل تركن سيارتك بسهولة ؟؟؟

**amruzo** · 15-03-2010 10:45 PM

المشاركة الأصلية كتبت بواسطة super_star_h

انا واخد المكان اللى تحت بيتى عافيه ووضع يد
اللى يجى حد غريب عشان يركن بتبقى ليلته سودا

وحضرتك شايف ان ده اسلوب حلو

**m_bakr** · 15-03-2010 10:55 PM

المشاركة الأصلية كتبت بواسطة ehab_10

تعال جرب منطقة وادى حوف - حلوان الاماكن كثيرة و الحمد لله

تمام التمام، أنا من وادى حوف ومش بالاقى أى مشكلة فى الركنة، المشكلة أن لما باروح مشوار وسط البلد بلاقى مشكلة كبيرة

**AMIRELGOHARY** · 15-03-2010 11:01 PM

انا عندى مشكلة عند الشغل مش عند البيت. وكمان لما بروح عند حماتى بيطلع بوزى لحد ما اركن.
كمان انا تقريبا لا يمكن اركن صف تانى حتى لو فى مشوار فى وسط البلد اما الاقى ركنه او افضل فى العربية واخلى اللى معايا ينزلو يخلصو اللى ورانا "نو كلابوش"

**tigernet** · 15-03-2010 11:13 PM

انا بركن فى جراج العمارة و ليا المكان بتاعى

**O.M.S** · 15-03-2010 11:31 PM

اسهل حاجة بالنسبالي موضوع الركن .....ليه ؟
عشان مش بروح بالعربية في اماكن زحمة زي وسط البلد
انا نزلت وسط البلد بالعربية تلات مرات كان هيجلي شلل في رجلي الشمال(العربية مانيوال)
بعد كده بقيت اخدها من قاصيرها. اشوف اقرب حتة مش زحمة لوسط البلد واركن فيها واكمل مواصلات

**Super_Star_h** · 16-03-2010 02:27 AM

المشاركة الأصلية كتبت بواسطة أحمد كمال

و حضرتك شايف ان دي حاجة حلوة؟؟؟؟؟

مبدئيا ممكن اعرف بتبقى ليلته سودا ازاي؟

ثانيا .... تحب اما حضرتك تروح مكان تاني تركن ما تلاقيش مكان عشان كل الناس واخدة الاماكن عافية و وضع يد و الغريب - زيك - اللي يركن عندهم بيخلوا ليلته سودا برضه؟

ثالثا : اقرا الحديث ده

و بما ان الشارع ملكية عامة ..... حضرتك تعتبر مغتصب الملكية العامة اللي هي حق للجميع ...

عجبتنى اوى حق الجميع دى !!
وايه فى بلدك يا سيد بقى حق للجميع ؟؟
ما علينا
لما تكون الملكيه العامه كلها خاصه
اكيد انا كمان هخصخص الملكيه العامه اللى تحت بيتنا
بمعنى اوضح
اما يكون الشارع كله بيركن تحت بيته
وحتى لو مافيش عربيه تحت بيت حد وانا اجى اركن
كأنى فعلت فحشاء
واما بقى حد يجى منهم يركن تحت بيتى ( بتبقى ليلته سودا ) ده حقى
والا هروح اركن عربيتى فى اخر الدنيا واجى بيتنا مشى
اعرف ردى ده بناءآ على ايه بعدين ابقى رد
اتبع اسلوب اشترى وبعدين بيع
ثالثآ : قال تعالى
" يا ايها الذين آمنو اجتنبو كثيراً من الظن ان بعض الظن اثم "
وبما انك تسرعت فى الرد عليا من غير ما تفهم انا اقصد ايه ... حضرتك تعتبر اسأت الظن بيا
وصباحك فل يا عسل ;)