الموضوع: هل انت مقتنع بالتعليم الخاص

اناغير مقتنع بنظام التعليم في مصر اذا كان ابتدائي الي الجامعه لانه بيعتمد علي الحفظ طول السنه وبعد الامتحان الواحد ينسي اللي خده طول السنة
انا نفسي يبقي التعليم علي حسب دماغ كل واحد العاوز يدرس هندسه يبقي اختبار في اسسيات الرياضه ويخش كليه هندسه والعاوز طب برده تجارة برده يبقي بمزاجه مش بمزاج التنسيق
يجيب البدايه من المرحله الاساسيه القامين علي نظام التعليم في مصر يشوفوا دماغ كل طالب ويحولو يشجعوا
المفروض يبقي معامل وورش في المدرسه عشان الطالبه يبدعو فيها
طبعا الكلام ده حلم

التعليم الخاص مش كله كويس
الجامعات الخاصه زى الاكاديميه عندها امكانيات فوق الممتازه والدكاتره اللى بتدرس طبعا مفيش كلام عليهم المشكلع عندهم فى نوعيه الطلبه
يعنى لو قارنت هندسه اسكندريه(اللى انا فيها) بالاكاديميه حتحس بفرق غريب فى الامكانيات
مدرجان نضيفه ومعامل مجهزه على اعلى مستوى وحاجه اخر نضافه
انما فى هندسه اسكندريه الطبه محشوره فى المدرجات وتلاقى السيكشن كله شغال على تجربه واحده فى المعمل عشان مفيش غير جهاز واحد شغال وحاجه اخر مسخره
انا مش مقتنع بمجانيه التعليم الجامعى مجانيه التعليم مفروض تبقى فى الابتدائى والاعدادى والثانوى
لان التعليم الجامعى مكلف جدا
مثلا انا بدفع فى الكليه 160 جنيه فى السنه وتقولى عايز التعليم يطور ابقى قابلنى
ةمحدش يقولى ان الناس غلابه لان المصريين عندهم كيف يصرفوا على حاجات استهلاكيه وابسط مثال الموبايلات ده البواب اللى عندنا ماسك نوكيا n73

أولا :- شكرا لصاحب الموضوع
ثانيا :- أحب أوضح إن رأيي اللى هقوله هو نتيجة تجربه شخصيه لأنى بدرس حاليا فى المودرن أكاديمى سنه تالته تجاره إنجليزى قسم محاسبه

الجامعات الخاصه الهدف الأول لها هو الكسب المادى ثم بعد ذلك تخريج طلبه قادرون على المنافسه فى أسواق العمل إذا أرادوا ذلك !!.... اللى عايز شهاده و خلاص مفيش مشاكل يدخل الأكاديميه و ميحضرش و ينزل على الامتحانات على طول و هينجح طبعا مش بتقدير بس هينجح ... أما بقى اللى عايز يبنى نفسه بجد عشان يلاقى شغل محترم بمرتب محترم ففرصته هايله عندنا فى الجامعه لوجود باقه من أفضل كوادر التعليم الجامعى فى مصر أنا عندى السنه دى تلات مواد الدكاتره اللى بيشرحوهم لينا منتدبين من جامعة عين شمس قسم تجاره انجليزى يعنى الجامعه جايبه أحسن دكاتره يبقى فاضل إن الطالب عايز يفهم و ينجح و لا عايز ينجح بس و محدش يصدق ان الخريج الحكومى أفضل من الخريج من جامعه خاصه و العكس أيضا ليس صحيح و الدليل واحد متخرج من عندنا محاسبه انجليزى بتقدير جيد جدا عمل انترفيو فى شركه محترمه و كان اللى متقدم معاه متخرج من تجاره انجلش القاهره و بعد الانترفيو الطالب اللى متخرج من عندنا هوه اللى خد الوظيفه بمرتب محترم جدا و العكس أيضا غير صحيح لأن فى طلبه متخرجين من عندنا ميعرفوش حاجه عن أى حاجه و بيترفضوا فى أى انترفيو

الخلاصه :- الجامعات الخاصه تعطى الطالب اللى هوه عايزه , عايز شهاده و خلاص ماشى , عايز تتعلم صح عشان تشتغل شغلانه محترمه هتلاقى كل الوسائل اللى تخليك توصل لكده

آسف إن كلامى إقتصر بس على المودرن أكاديمى .. بس ده عشان أكون صادق فى شرح الموضوع عن تجربه

مقتنع بيه جداااااا! انا طالب في الاكاديميه العربيه للعلوم و التكنولوجيا، كليه الحاسبات و تكنولوجيا المعلومات. و بعد مقارانات كتير مع كليات تانيه اكتشفت انها تستحق كل مليم بيدفع فيها....كل حاجه احسن بمراااااااااااحل عن الجامعات الحكوميه، من اول نظام التعليم و المناهج و ال facilities بتاعة الكليه لحد الناس الشغاله في الكليه بما فيهم الدكاتره و المعيدين و حتي الموظفين العاديين.

و بجد بحمد ربنا كل يوم ان اهلي امكانياتهم تسمحلهم انهم يدخلوني كليه خاصه من كتر الحكايات العجيييييبه اللي بسمعها من صحابي اللي في كليات حكوميه.

بما اني برضه من طلاب جامعه خاصه

اولا كل مناهجنا متاخده من عين شمس في اللي يخص الحاسبات :(
و حتي الدكاتره عندنا 2 دكاتره استاذ دكتور مش دكتور بس
اللي يخص الطيران مناهج من جامعه في بريطانيا علي ما اذكر مكتوب اسمها علي الكتب بس اسمها طوييييل اوي :(

واحد اسمو عبد القوي شكري و التاني اسمه حسن حسن رمضان للي يعرفوهم في عين شمس
امممم المنهج شخصيا شايفه حلو ( ما عدا الرياضه :d )

الموظفين عندنا بصراحه احسن موظفين شفتهم في مصر :(
اي حاجه بيجوا يساعدوك علطول و يقولولك تعمل ايه و كل حاجه :)

المفروض اننا بنروح عين شمس ناخد محاضرات هناك

كل ما بروح بحمد ربنا و بشكره 100 مره علي اني دخلتها

تخيلوا دفعتنا 50 واحد بس هههههههههههههههههه
و ندخل عين شمس نلاقي اد ايه :)

المشاركة الأصلية كتبت بواسطة PRO-DRIVE

تخيلوا دفعتنا 50 واحد بس هههههههههههههههههه

احنا دفعتنا كانوا تقريبا 30 واحد في ترم اول....دلوقتي في ترم تالت تقريبا وصلوا ل 20 :D و في سكاشن بنحضرها بنبقي 3 او 4....فبنعرف نطلع روح المعيد في الشرح صح :D :D

أنا رأيى الشخصى ان التعليم الجامعى الخاص يجب أن يكون فيه من المرونة ما يمنح الفرصة للطلاب المتفوقين أن يتم تخفيض أو الغاء المصاريف الدراسية لهم (بمعنى آخر أن توفر كل جامعة خاصة عدداً من المنح الدراسية المجانية للمتفوقين) لأنه حرام ان طالب متفوق و لكن ليس لديه القدرة على دفع مصاريف الدراسة الطائلة للجامعات الخاصة يدخل الجامعة الحكومية التى تعانى من فقر شديد فى الامكانيات و زحام شديد فى السكاشن و المدرجات بينما زميل له غير متفوق و لكن يمتلك القدرة المادية يجد كل الامكانيات التعليمية متوافرة له بل و لا يستغلها الاستغلال الأمثل و انما قد لا يهتم الا بالحصول على الشهادة فقط ... و أعتقد مثل هذه المنح لن تضر الجامعات الخاصة بل على العكس فإنها تمنحها الفرصة لتكوين كادر من المعيدين و الأساتذة من أبناء الجامعة المتفوقين علمياً بدلاً من انتدابهم من الجامعات الأخرى ...

على فكرة ... التعليم الجامعى فى دولة مثل ألمانيا مجانى تماماً فى جميع مراحله بما فيها الدراسات العليا و للطلاب الألمان و الأجانب رغم ارتفاع مستوى المعيشة فى ألمانيا و تتولى الشركات و المصانع الانفاق على الجامعات و الأبحاث و يتم تخصيص ميزانيات ضخمة لذلك لأنهم يؤمنون أن الاستثمار فى التعليم هو أفضل استثمار يمكن أن تقوم به دولة على الاطلاق بينما هنا فى مصر تبحث الدولة كيفية التخلص من "عبء" التعليم!!!

على فكرة ... التعليم الجامعى فى دولة مثل ألمانيا مجانى تماماً فى جميع مراحله بما فيها الدراسات العليا و للطلاب الألمان و الأجانب رغم ارتفاع مستوى المعيشة فى ألمانيا و تتولى الشركات و المصانع الانفاق على الجامعات و الأبحاث و يتم تخصيص ميزانيات ضخمة لذلك لأنهم يؤمنون أن الاستثمار فى التعليم هو أفضل استثمار يمكن أن تقوم به دولة على الاطلاق بينما هنا فى مصر تبحث الدولة كيفية التخلص من "عبء" التعليم!!!

تويوتا و هوندا و نيسان

السعوديه عامله معاهم اتفاقيه انها عامله اكاديميه لتخريج عمال و مهندسين بتدريس من ال3 شركات دول :)

و الاكاديميه موجوده حاليا :)
و بتخرج الطلبه و المتفوقين منهم بيرواحوا اليابان هو زي اكاديميه صناعيه

لكن بأشراف من الشركات دي و بتمويل في المحركات منهم و كل شيئ :)