حد يعرف جيم كويس يا جماعة

**amrbakly** · 15-03-2010 02:15 PM

انا عايز اروح جيم معقول ميكونش جولدز جيم يعني ولا عبدة بوند بتاع الحديد

بس عايز حاجة في النطاق القريب من وسط البلد

حاجة تبقي كويسة و فلوسها معقولة شوية بالتأكيد مكيفة و فيها جاكوزي و يكون فيها حد بيفهم يعملي برنامج غذائي و يحددلي اجهزة و كدة لأني مش عايز اعمل بودي جارد يعني

في ناس قالوا سامية علوبة كويسة بس انا معرفش متوسط السعر هناك كام

فياريت لو حد عندة معلومة يفيدني

**أبو صلاح** · 15-03-2010 02:21 PM

المشاركة الأصلية كتبت بواسطة amrbakly

في ناس قالوا سامية علوبة كويسة بس انا معرفش متوسط السعر هناك كام

لا بعد اذنك انت اللي تفيدني وتقولي مين ده ؟

**kareemhisham** · 15-03-2010 02:40 PM

طبعا سامية علوبة ممتاز مفيش كلام .. فيه كل الاحضرتك عايزه و اكتر ..

من مدربين ممتازين لدكتور تغذية لبرامج المدربين بيعملوها عشان توصل للعايزة ..

بس طبعا .. اتدفع تاخد .. you pay you get

الشهر للتحت ال١٦ ب٢٥٠ و بيبقى ليهم ايام و مواعيد معينة

و للفوق ال١٦ سنة .. الشهر ب٦٥٠ جنيه !! .. رقم قوي :) .. بس طبعا بتيجي في اي يوم و اي وقت و ليك spa و جاكوزي و جلسة مع دكتور التغذية ببلاش ..

و في السنة .. للفوق ال١٦ سنة .. لو طالب في مدرسة او جامعة بتبقى ب٢٧٠٠ جنيه و ليك برده الدكتور و الspa و الجاكوزي .. و ليك ٣ شهور فريز

و لو مش طالب .. السنة بتبقى بمبلغ و قدره .. مش فاكره بظبط بصراحة .. و مش عايز افتكره هههههههههه

بالنسبة لموضوع البروجرام الي المدرب هيعملهولاك .. اول مرة هيبقى ببلاش و بعد كدة ب٧٥ جنيه .. و المفروض انه بيتغير كل شهر .. طبعا بيقيس نسبة الدهون و العظام و العضلات و الميه .. و بعدين على اساس عايز توصل لايه .. بيحدد البرنامج

عرفت كل دة منين ؟ .. انا بروح سامية علوبة ..

لو عايز تسأل على حاجة تانية انا موجود .. و لو الاسعار مش عاجباك .. قولي عايز حاجة بكام و ان شاء الله هقدر اساعدك ..

بس للامانة .. انا رحت كذا جيم .. مشفتش واحد في نظافة سامية علوبة

**amrbakly** · 15-03-2010 03:15 PM

كريم متشكر علي المعلومات

بس كدة بقي غالي قوي

يعني عايز اقولك انا اقدر اجيب جولدز جيم بنفس السعر تقريبا

لا واضح اني لازم اشوف حاجة غير سامية علوبة لأن كدة بعيد الصراحة

يعني لو حاجة في حدود 300 مثلا في الشهر و مش فارق معايا السبا

كفاية جاكوزي و بس و مش حيهمني غير في الأول علشان يفك بس العضل المتخشب لأني بقالي يجي 10 سنين ملعبتش اي نوع من انواع الرياضة

**SeiffoZ** · 15-03-2010 03:17 PM

المشاركة الأصلية كتبت بواسطة kareemhisham

طبعا سامية علوبة ممتاز مفيش كلام .. فيه كل الاحضرتك عايزه و اكتر ..

من مدربين ممتازين لدكتور تغذية لبرامج المدربين بيعملوها عشان توصل للعايزة ..

بس طبعا .. اتدفع تاخد .. you pay you get

الشهر للتحت ال١٦ ب٢٥٠ و بيبقى ليهم ايام و مواعيد معينة

و للفوق ال١٦ سنة .. الشهر ب٦٥٠ جنيه !! .. رقم قوي :) .. بس طبعا بتيجي في اي يوم و اي وقت و ليك spa و جاكوزي و جلسة مع دكتور التغذية ببلاش ..

و في السنة .. للفوق ال١٦ سنة .. لو طالب في مدرسة او جامعة بتبقى ب٢٧٠٠ جنيه و ليك برده الدكتور و الspa و الجاكوزي .. و ليك ٣ شهور فريز

و لو مش طالب .. السنة بتبقى بمبلغ و قدره .. مش فاكره بظبط بصراحة .. و مش عايز افتكره هههههههههه

بالنسبة لموضوع البروجرام الي المدرب هيعملهولاك .. اول مرة هيبقى ببلاش و بعد كدة ب٧٥ جنيه .. و المفروض انه بيتغير كل شهر .. طبعا بيقيس نسبة الدهون و العظام و العضلات و الميه .. و بعدين على اساس عايز توصل لايه .. بيحدد البرنامج

عرفت كل دة منين ؟ .. انا بروح سامية علوبة

..

لو عايز تسأل على حاجة تانية انا موجود .. و لو الاسعار مش عاجباك .. قولي عايز حاجة بكام و ان شاء الله هقدر اساعدك ..

بس للامانة .. انا رحت كذا جيم .. مشفتش واحد في نظافة سامية علوبة

إيه الارقام دى

...

ده أنا فى جيم ب100 وبقول غالى هههههههههههههههى

**kareemhisham** · 15-03-2010 03:18 PM

طب قولي ممكن تروح الجيم فين ؟ ..

يعني وسط البلد بس التنفع ؟ .. ولا ممكن فين تاني ؟

**MRBEBO** · 15-03-2010 03:23 PM

وانا كمان يا جماعة نفسي اعرف جيم كويس لغاية حتى 400 في الشهر بس يبقى محترم

انا رحت صالة صادق جيم في حمامات القبة وبصراحة الصالة بقيت مهجورة وزبالة والاجهزة حالتها متاخرة جدا

انا عاوز صالة يكون فيها اجهزة تخسيس زي المشايات والاوربت تراك بس تبقى مفتوحة

لان سئلت عند عصمت صادق ال 10 دقايق 3 تيام في الاسبوع على المشاية ب 50 جنيه + اشتراك 100 جنيه مش فاهم ال 10 دقايق دول يعملوا ايه ... الظاهر كده خايفين على الاجهزة

**A7MED_PHARMA** · 15-03-2010 03:43 PM

طيب إيه رأيكم
...
أنا إشتريت بار وأوزان ..واتنين دامبل
وفصلت عن الحداد ...طرابيزة بنش عالي وواطي
...والطرمبة بلعبها بالبار..

وده كله ماكلفش عليا أكتر من 800 جنيه

..
بس الكلام ده أيام ماكنت فاضي ألعب
دلوقتي طبعا ..ولا الهوا ..الوقت مفيييييش

**kareemhisham** · 15-03-2010 04:04 PM

المشاركة الأصلية كتبت بواسطة mrbebo

وانا كمان يا جماعة نفسي اعرف جيم كويس لغاية حتى 400 في الشهر بس يبقى محترم

انا رحت صالة صادق جيم في حمامات القبة وبصراحة الصالة بقيت مهجورة وزبالة والاجهزة حالتها متاخرة جدا

انا عاوز صالة يكون فيها اجهزة تخسيس زي المشايات والاوربت تراك بس تبقى مفتوحة

لان سئلت عند عصمت صادق ال 10 دقايق 3 تيام في الاسبوع على المشاية ب 50 جنيه + اشتراك 100 جنيه مش فاهم ال 10 دقايق دول يعملوا ايه ... الظاهر كده خايفين على الاجهزة

نفس السؤال .. حضرتك ممكن تروح الجيم فين ؟؟

وسط البلد و المهندسين صعبة .. لان الجيمات الفيها بتبقى غالية اوي ..

نوعية الجيمات الحضرتك عايزها بتبقى موجودة في مدينة نصر و مصر الجديدة بكثرة و بتبقى ممتازة

و فيه في المعادي بس المعادي بعيدة

-

الموضوع: حد يعرف جيم كويس يا جماعة

LinkBack

أدوات الموضوع

عرض

-

-

-

-

-

المواضيع المتشابهه

يا جماعة محدش يعرف طريق عفشجى كويس ومحترم

عايز عفشجي كويس في الهرم يا جماعة !

حد فكر يركب زجاج كهرباء لل128 او يعرف حد كويس او يعرف نوع مكن كويس يركبلها

احسن نوع تيل فى السوق يكون كويس يا جماعة

يا جماعة محتاج ميكانيكى كويس للبونتو -- ضرووورى

الكلمات الدلالية لهذا الموضوع

المفضلات

المفضلات

ضوابط المشاركة