السلام عليكم
أنا عندى وقت فراغ بعد الظهر
و عايز أشتغل بعد الظهر و أزود دخلى
ياريت المساعدة
شكرا
عرض للطباعة
السلام عليكم
أنا عندى وقت فراغ بعد الظهر
و عايز أشتغل بعد الظهر و أزود دخلى
ياريت المساعدة
شكرا
متاابع
وانا كمان عايز اشتغل من البيت ( ع النت )
مهندس حاسبات بس لسه في الكلية
الموقع ده في وظايف من علي النت
مصر بلدنا
متابــــــع
الموقع ده من اكبر واقدم المواقع اللي شغاله في ال Outsourcing يعني انك تعمل شغل عن طريق انك تديه لحد في مكان تاني يعملهولك بسعر اقل زي مثلا الهند لان السعر فيها بيبقي قليل جدا
الموقع ممكن تسجل عليه كبائع (coder) او مشتري (buyer) وبيبقي النظام كالأتي
المشتري عنده مشروع فبيبتدي يعمل Project علي الموقع وممكن يحدد السعر بتاعه بس مش بيقول بكام لان كل مشروه بيتحط في فئه
1- مشاريع صغيره جدا تحت 100 دولار
2- مشاريع صغيره فوق ال 100 دولار
3- مشاريع متوسطه فوق ال 500 دولار
4- مشاريع كبيره فوق ال 5000 دولار
5- مشاريع كبيره جدا فوق ال 25000 دولار
المشتري ممكن يحط حد اقصي مينفعشي يذيد عنه يعني يقول مثلا المشروع في فئة ال 500 دولار بحد اقصي 1000 دولار وبالتالي لما تيجي تقدم لازم يكون السعر من 500 الي 1000
بالنسبه للبائع اللي هو احنا بقي بيبقي في حاجه اسمها Bid ودي بتبقي زي المناقصه يعني انت بتدخل تحط Bid ب 500 وانا بحط واحده ب 100 وواحد تاني ب 600 وفي الأخر المشتري بيشوف كل واحد قال ايه وعرض بكام وتاريخه ايه علي الموقع وعلي الأساس ده يختار
بمجرد ماالمشتري يختار حد الموقع بياخد الفلوس من المشتري وبيحطها في حاجه اسمها Escrow ودي بتبقي زي خزنه مؤقته عشان الموقع يضمن حقك واول ماتخلص شغل والمشتري يقبل الشغل يقول الموقع يحول الفلوس من ال Escrow لحسابك علي الموقع وبعديها انت تقدر تحول الفلوس دي عن طريق Western Union
الموقع بياخد 15% من كل مشروع ودي بتتخصم منك انتي يعني لو خدت مشروع ب 1000 هتاخد انت 850 والموقع ياخد 150 ولما ييجي يحول الفلوس في نصف او اخر الشهر زي ماانت تحدد بياخد 10 دولار + الفلوس اللي شركة التحويل بتاخدها
ممكن تحدد انت عايز الموقع يحول امتي ولما الفوس توصل لكام واول مايحولك بيبعت ليك ميل في رقم التحويل والمبلغ اللي اتحول وبالمعلومات دي وبطاقتك تقدر تروح اي فرع ل Western Union وتستلم فلوسك
اتمني اكون افدت
لو في اي حاجه مش واضحه قول
والله مش عارف اشكر حضرتك ازاى على التوضيح الرائع ده:vctry:
جزاك الله خيرا
متابع
..................
الموضوع ده لمهندسين الاتصالات بس ولا فى مجالات تانيه
ارجو التوضيح وشكرا جدا للاخ اللى فسر طريقة عمل الموقع
Elance | Outsource to freelance professionals, experts, and consultants - Get work done on Elance
نفس الفكرة بس فيه مجالات اكتر من البرمجة
الشغل مش مقتصر علي مهندسي الأتصالات
لو انت مبرمج او مصمم مواقع او ايقونات او عندك خبره في فوتوشوب او تقدر تجمع بيانات او تدخل بيانات او حاجات كتيييييييييييير في القائمه اللي في اللينك ده
Browse Work
انا كمان متابع
ياجماعة الخير انا كنت دخلت فى موضوع الداتا انترى دى زمان بس طلع كله نصب فى نصب محتاجين حد جرب ومازال يعمل بالشكل ده عشان يساعدنا ويكسب ثوابنا
حضرتك انا شغال في الموضوع ده بقالي 5 سنين ولسه شغال فيه لحد دلوقتي وده الحساب بتاعي كمان لو مش مصدق
لو محتاج اي حاجه قولي
Show Worker Bio Info
فعلا في حاجات كدة_ طب ممكن شرح وافي _ وبجد حاجة جميله جدا
طيب أنا بعمل تصاميم مواقع و واجهات PSD و عمتا هسألك كام سؤال كدة
أكيد هيفيدونى شخصيا وهيفيد ناس كتيرة تانيه
هل أنا هرفع التصميم الـPSD كلها فى الموقع و لما ييجى حد يدفع هيحمله ؟
ولا هيدفع على الموقع و أنا هبعتهله التصميم ؟
و أزاى أعرف أن فيه حاجة من تصاميمى حد أخدها ؟
و أزاى أحول الفلوس من الموقع لشركة ويستريونيون ؟ و هل لازم يبقى ليا حساب فى شركة ويسترينيون ولا دة زى الحوالات البريديه ؟
و الويستريونيون لازم التعامل معاه فوق سن 21 سنه ؟ لأنى لسه مكملتهمش :shyy:
السلام عليكم ورحمة اللله وبركاته
اولا نظام الشغل بيبقي زي المناقصه اللي هي شبه المزاد يعني اللي عايز يعمل موقع ليه مثلا بيعمل مشروع ويحدد الحاجات اللي هو عايزها ويقدر يدفع كام واخر ميعاد للتسليم واي حاجه ضرورويه محتاج تعرفها عشان تخلص الشغل
حضرتك بتدخل علي صفحة المشروع وتقول انك مثلا هتعمل المشورع في 10 ايام مقابل 100 دولار وطبعا تبين انك تقدر تخلص المشروع وانك فاهم وممكن تسال علي حاجات انت مش فاهمها ووممكن تحط لينكات او صور لشغل انت عمله قبل كده
في ناس طبعا غيرك هيقدمو ولو المشروع من نصيبك وعجبت الراجل هيقبل ال Bid بتاعتك ويبقي كده المشروع بتاعك ولما تخلص شغل والراجل يقبل الشغل الفلوس هتبقي في الحساب بتاعك
بالنسبه لكيبفية التحويل
1- حضرتك لما بتعمل حساب علي الموقع بتحدد امتي يحولك (في اول الشهر ولا نصفه ولا الاتنين)
2- بتحدد مبلغ معين لازم توصل له عشان يحولك يعني مثلا ميحولش الا لما تكون جمعت 500 دولار وتقدر تحدد مبلغ يسيبه في حسابك يعني مثلا لما يحول يسيب 100 دولار في حسابك علي الموقع
3- لما بيحول الفلوس بيبعنلك ايميل علي الايميل اللي حضرتك مسجل بيه علي الموقع وفيه بيقولك ايه المبلغ اللي هو حوله و Western Union اخد كام ورقم التحويل كام واسم المرسل وعنوانه وطبعا اسمك بيبقي في البيانات عشان كده في البيانات الشخصيه في الموقع حاول تخللي البيانات صحيحه
4- بتكتب البيانات دي وتروح لاي فرع ل Western Union وتديهم البطاقه وتستني شويه وبعديها يطلب منك رقم التحويل واسم المرسل اللي هما كانو في الميل وبعديها يديك فلوسك وتروح تحولهم من اي صرافه
مفيش اي حاجه انت بتعملها مع Western Union كل اللي بتستخدمه هو رقم التحويل اللي بيتبعتلك علي الايميل وبس
اما بالنسبه للسن فاهم حاجه يبقي معاك بطاقه او اثبات شخصيه وتكون حاطط بيانتك صح علي الموقع (اسمك - رقم تليفونك - البلد يعني مطحتش اي حاجه وخلاص عشان الموقع بيبعت علي الحاجات دي)
بص أحسن موقع لقيته حتى الآن
Freelancer.com | Online Jobs | Freelance Employment | Outsourcing Services | Programmers | Web Design | Freelancers
فيها كل المجالات والتعامل فيه سهل
وبالتوفيق إن شاء الله
حتي الأن احسن موقعين للشغل عليهم هما
vWorker.com: More capable, accountable and affordable. Guaranteed.
Outsource to Freelancers, IT Companies, Programmers, Web Designers from India, Russia, USA, and more
في قائمه تانيه باسماء المواقع بس مش معايا دلوقتي
تم رفع النسبة في موقع هاي تاتش
ظ‡ط§ظٹ طھط§طھط´ ظ„طھظƒظ†ظˆظ„ظˆط¬ظٹط§ ط§ظ„ظ…ط¹ظ„ظˆظ…ط§طھ - طھطµظ…ظٹظ… ظ…ظˆط§ظ‚ط¹ ظˆط§ط¯ط§ط±ط© طھظƒظ†ظˆظ„ظˆط¬ظٹط§ ط§ظ„ظ…ط¹ظ„ظˆظ…ط§طھ
انا لقتهم رفعوا النسبة النهاردة قلت ااقول للناس عشان الكل يستفيد
ممكن تشتغل data entry وهتاخد 1500 وده الموقع
Part Time Jobs | Data Entry Jobs | Earn Money Online Work From Home | Part Time Jobs For Students | Part Time Jobs For Housewives | EarnPartTimeJobs.com -
بس لازم يسجل من خلالك ثلاث اشخاص
فعلا الموقع دة كويس وسهل وبسيط data entry
Part Time Jobs | Data Entry Jobs | Earn Money Online Work From Home | Part Time Jobs For Students | Part Time Jobs For Housewives | EarnPartTimeJobs.com -
جرب دة كدة بيدى 10 دولار بمجرد التسجيل فية
Part Time Jobs | Data Entry Jobs | Earn Money Online Work From Home | Part Time Jobs For Students | Part Time Jobs For Housewives | EarnPartTimeJobs.com -
ما هو بيدى 10 دولار وبعدين لازم 300 يدخلو من اللينك بتاعك وانت بتاخد على كل واحد 1 سنت لحد ما تكمل 40 دولار ويبعتلك الفلوس وبعد كدة الشغل يوصلك
قولنا ايه الاخبار والامور ماشية ازاى
متابع
والله دة اللى انا فهمته ان بعد ما تسجل على طول بتاخد 10 دولار وشغلك بالنسبة ليهم انك تجيب حد يدخل من خلال اللينك بتاعك لحد ما تكمل ال 40 دولار وبعد كدة تبدأ تشتغل داتا انترى بجد....بس المشكلة ان على كل واحد بيدخل من خلالك بتاخد عليه 1 سنت يعنى انت محتاج 300 عشان يبقى معاك 30 دولار+ال10 اللى كانو معاك
ياريت أكون فهمت غلط وحد يصححلى الكلام دة
انا مش فاهم حاجه دقولتي الحكايه اني بسجل وبخلي ناس تاني تدخل بعدي باني احط مثلا اللينكات علي منتديات وحاجات كده يعني ولا ايه انا مش فاهم وداتا انتري لايه يعني ايه الداتا اللى انا هادخلها