-
جلب مقصات
السلام عليكم
معلش يا جماعة هتقل عليكم النهاردة وانا بظبط زوايا العربية الراجل قالى ان جلب المقصات تعبانة ولازم تغير المقص كلة لان كل الجلب فى السوق مضروبة سئلتة على نوع كويس قالى فى تركى ب 160ج وسئلت فى التوكيل قالى 700ج فهل ياترى اغير جلبة المقص برة عند اى حد ولا لازم اغير المقص كلة ولو هغير المقص اية احسن نوع وتمنة كام ولو هغير جلب بس اجبها نوعها اية وتمنها كام
نوع العربية (دايو نوبيرا 2006 عملة 25000كم)
وشكرا على المشاركه مقدما
-
?????????????????????????????????????????????????
-
بص يا ريس
النوبيرا عيبها المقصات كل شويه
رايي انك لو تنفع تغير الجلب يبقى احسن و هات الي في التوكيل
المقص يتغير برضه من التوكيل علشان يعيش معاك و لو باظ تاخد واحد مكانه
اما لو تعرف تنزل الحرفيين و تجيب مقص استيراد يبقى افضل
اما اماكن التجار و كده فاسال فيها المهندس احمد عزت و محمد ممدوح و هتلاقيهم على منتدى دايوو
-
و بعدين العربيه بتهيقلي في الضمان روح التوكيل و طلع عنيهم
-
منا سئلت يا باشا قالولى ناس من التوكيل وبرة التوكيل ان المقصات دى برة الضمان
-
بره التوكيل روح لحد بتاع عفشه مضمون و غير الجلب
انت معاك نوبيرا يبقى هتغير جلب المقصات كتير مش عارف ليه الصراحه
غيرهم و امرك لله هات الي في التوكيل و غيرهم بره و متخفش مهياش مشكاله معضله
النويرا عربيه جميله بس هيا الجلب و المقصات دي مشكله اوي
-
الصراحة انا مشفتش من العربية حاجة وحشة بس من ساعت المقصات دى وانا كرفت العربية
-
لا ياباشا دي عربيه حلوة متكرفش من العربيه دي عاديه خالص مش بتحصل الا في احسن العربيات
-
هات مقص جديد و بلاش تغير الجلب لان محدش بيعرف يسقط الجلب مضبوط و حتى لو ضبطها كويس بتتحرك مع المشى بعد فترة حتى لو لاقيت نوع جلب كويس حتلاقيك بعد فترة بتسمع نفس الدقدقة اللى من تحت ده
فغير مقص بالكامل و ريح بالك
-
معلش سؤال ممكن يكون اهبل بالنسبة ليكم
هى ايه الجلب والمقصات ... وتتغير المفروض كل اد ايه ؟
وازاى اعرف انهم عايزين يتغيروا ؟؟
معلش اخوكوا لسه بيتعلم أ ب عربيات ... والبركة فيكم بقى ان شاء الله
Content Relevant URLs by
vBSEO 3.6.0 PL2