سيارتى لانسر موديل 2004 عاملة12000ك مع ان الكاوتش هو اللى نازل فيها ومع ذلك لم يتعبنى حتى الان ولكنى عايز اغيره ارجو النصيحة من الاخوة بافضل الانواع واقلها اسعارا وشكرا للجميع
عرض للطباعة
سيارتى لانسر موديل 2004 عاملة12000ك مع ان الكاوتش هو اللى نازل فيها ومع ذلك لم يتعبنى حتى الان ولكنى عايز اغيره ارجو النصيحة من الاخوة بافضل الانواع واقلها اسعارا وشكرا للجميع
فين الردود ياشباب
ليه عايز تغيره طالما هو كويس
والكاوتش ممكن يقعد لحد 60000ك وأكتر كمان
ولا انت تقصد انك عامل 120 الف كيلو ؟
اكيد0 12 الف
دا ال12 الف يدوب يركن
6 سنين
دا انا ياجدع 56 الف فى 17 شهر
آه انا فهمت غلط
انت تقصد 120 الف شفتها حالا من عنوان الموضوع
بس انا في رأيي احسن مكان تجيب منه كاوتش مضمون هو اشرفكو وليه فرعين في الحي السابع والمطرية
بريدجستون طبعا...كفاءة عاليه واسعاره كويسه
120 على نفس الكاوتش كتير قوي وهو مش هيبان عليه لكن لو فكيته وقطعته هتلاقي السلك اللي فيه دايب
اهم حاجه اوعى تجيب كوري لاني مركب هانكوك بعد ما نصحني بيه بتوع كاوتش كتير طلع زباله وصوته عالي جداً ومزعج وناشف وانا مستنيه يكمل 40 الف عشان اروح اجيب بريدجستون
الموقع ده هاتلاقي فيه افضل الانواع وكمان الاسعار
http://www.egytyres.com/
وانا رأي بيرلي P6 أو P7 بس غالي شوية أو البيردجستون أو تويو ، بس يكون الموديل بتاع النقشة جديد وموجود في الموقع الرسمي بتاعهم
ونصيحة ، ماتسترخصش ابدا في نوع الكاوتش ، لأن الامان أهم وشوف الخبر ده:
ContactCars | الخبراء : الإطارات الرخيصة تهدد سلامتك
هوفعلا عامل 120000كيلو وشكرا على النصائح الغالية ياشباب
يا نهااااااااااار ابيض 120 الف كيلوا بكاوتش ومغيرتوش
دة انا كنت بجيب بيرجستون يابانى مش اندونيسى و كنت بغيرة على 40 واحيانا ً 45 الف كيلوا بالكتير
يمكن علشان بسافر بالعربية كتير والكاوتش مهم جدا ً فالسفر
ماشاء الله
البريدجستون افضل كاوتش بس غالى
الكومهمو الكورى كويس برضه ومعقول
شكرا د/محمد بما انك من المنصورة وانا من اجا يعنى بلديات وبما انك شكرت فى الكومهو ارجو منك اذا كان عندك خلفية بسعره ومنين اجيبه من المنصورة لان البريد جيستون غالى والحالة اليمين دول مش ولابد وشكرا لحضرتك
انا والله جبت البريدجستون لما كان معايا الانسر
الفرده كانت ب 500 جنيه مقاس 14 جبت اتنين
وبعدها بشهر بعت العربيه وساعه البيع مش هتفرق
فى المنصوره فى شارع بورسعيد محل اسمه ميشلان انا جبت من عنده البريدجستون روح ليه واساله عن الكومهو وشوف الاسعار وربنا يكرمك ان شاء الله يا باشا
الف شكرا سعادة الباشا
Bridgstone,
There are two branches I know,
one in haram and the other in 3bour beside Cairo staduim
Good luck
cheers
البريدجستون طبعا من الماركات المحترمه جدا بس فى مقابل جوده الكاوتش السعر مرتفع
ممكن تجرب كومهو Ecsta SPT انا بستخدمه فى عربيتى , كاوتش محترم جدا جدا وممكن تشوف التقييمات بتاعته على النت وحتى الان ماشى عليه 12 ألف كيلو ومرتاح فى ادائه سواء فى المطره او الاسفلت
http://www.1010tires.com/images/tire...sta_SPT_lg.jpg
طبعا هو مش سايلنت بس لما شلت الكاوتش اليوكاهاما اللى كان نازل فى العربيه وركبت ده حسيت بفرق السما من الارض فى الصوت