علمها معايا الحاج تكييف !!
عملها معايا الحاج تكييف بس على مين
انا كنت الاسبوع اللى فات روحت للكهربائى هنا فى اسيوط علشان السرعة الرابعة بتاعة المروحة بتاعة التكييف مش شغالة
و العيب الحمد لله انة رفع الكوتشة السودا اللى فوق موتور المساحات و ركب الفيشة كويس و الحمد لله رب العالمين السرعة الرابعة اشتغلت و بقيت زى الفل
امبارح الله ما اجعلة خير جيت اشغل التكييف و برفع سرعة المروحة لنمرة 4 فى الاول و بعدين بنزلها ل 3 و بعدين ل 2 و بعيش بقة لان الوقت كان 10 مساءا
المهم سمعت صوت تخبيط و حاجات بتتكسر
طبعا انا دمى نشف و اتعكننت فى الحال
رحت فاتح الكبود و قولت يا واد اشوف الغطاء الاسود اللى تحتية المروحة بتاعة التكييف
و فعلا رفعته لقيت الفبراية اللى مغطياة مش راكبة كويس
رحت شايلها و مريح دماغى
و جربت التكييف و لقيتة شغال و حمده ربنا على كدة بس تدفق الهوا مش زى الاول ؟؟؟
بعد كدة بعد ما رجعت بالعربية اخر الليل و دماغى و الف سيف اركب الفبراية و الدنيا كحل . قولت فى سرى هركبك يعنى هركبك و فعلا و الحمد لله تم تركيبها و التكييف الهوا زاد فية و بقى كويس
و اهو هشوف اخرتها معاك يا حاج تكييف
و شكرا