ارجو المساعدة من الاخوة الاعضاء

**ehabelhadad** · 20-05-2007 02:21 AM

السلام عليكم.
يا جماعة لو سمحتم اي حد يدلني على مكان اجيب منه لانسر 2001/2002 مستعمله وتكون عداد قليل وحالة كويسة. الموضوع ده ضرورى جدا جدا جداز
ولكم جزيل الشكر.

**محمد المشد** · 20-05-2007 02:26 AM

طبعاً ممكن من سوق مدينة نصر او من المعارض الموجودة بجوار السوق بس مش عارف لية مستعملة ماتجيب اى نوع جديد احسن والجديد جديد !

**ehabelhadad** · 20-05-2007 02:44 AM

والله ده على اد اللى معايا. وانا عايزاخليني في الياباني
على فكرة انا متابع الوسيط وكونتاكت ونايل موتورز بس لسه مافيش نصيب.

**محمد المشد** · 20-05-2007 10:17 AM

انا طبعا عارف ان كل واحد بيجيب على اد اللى معاة بس اقصد يعنى انها سوف تكون فى حدود ستون او خمسون الف لو حالتها جيدة اذن فالجديد مش هيفرق عشرة كمان دة قصدى ولكن ربنا يوفقك للخير وتجد ضالتك وحاول انك تتابع الاهرام الجمعة والاخبار السبت والجمهورية مش عارف امتى

**Abdallah** · 20-05-2007 02:17 PM

العربية دى اسمها لانسر مكواة او الشكل الهندسى وهيا فعلا من احسن موديلات اللانسر مع ان شكلها مكانش محبوب اول ما نزلت بس هيا واخدة نفس تابلوه وموتور البوما وسعرها يتراوح ما بين 55 الى 65 حسب الحالة, وحضرتك ممكن توصى بعض المعارض وهما يجيبولك وفى موقع اسمه www.car100100.com موجود فيه عربيات للبيع.

**ehabelhadad** · 20-05-2007 03:42 PM

بالضبط كده. ناس كتير شكرتلى فيها علشان دده بدور عليها.
وبعدين اعتقد ان الانسر مستعمله (استعمال نضيف) احسن ما اشتري فيرنا او لانوس جديد في نفس السعر
ولا ايييييييييييييييييييييييي يييييييييييييييه

**sokasoon** · 20-05-2007 03:47 PM

كورى جديد ولا يابانى مستعمل

[marq=down:f3029abeeb]

كورى طبعا

[/marq:f3029abeeb]

**sh_masry** · 20-05-2007 03:55 PM

وبعدين اعتقد ان الانسر مستعمله (استعمال نضيف) احسن ما اشتري فيرنا او لانوس جديد في نفس السعر
ولا ايييييييييييييييييييييييي يييييييييييييييه

هانرجع نقول الزيرو زيرو برده مهما ان كان ., و ياريت تراجع الردود فى اللينك ده
http://www.nilemotors.net/Forum/viewtopic.php?t=1074

a7'ook
Sherif

**ehabelhadad** · 21-05-2007 10:34 AM

yes u all right
بس ان بدور على1% اللى يكون فيه الياباني المستعمل احسن من الكورى الجديد (هي الفيرنا تجميع مصري ولا كوري)

**sh_masry** · 21-05-2007 10:40 AM

هي الفيرنا تجميع مصري ولا كوري

الفيرنا كورى و لكن تجميع مصرى....... انت بتتكلم على عربيه بقالها 7 سنين ماشيه و ماتعرفش فيها ايه ..... يبقى احسن من الزيرو ازاى ؟؟؟ و بعدين اليابانى زى الكورى .... فيه فرق طبعا فى العمر الأفتراضى بس مش 7 سنين ....... يعنى لو الكورى هايعيش معاك 5 سنين من غبر مايفتح بقه ... اليابانى هايعيش 8 من غير مايفتح بقه .... و ال 8 دول راح منهم 7 لغيرك يعنى كمان سنه و توريك الويل .......... يبقى الكورى اجدع و يقعد 5 سنين من غير وللا كلمه !!!!!!

a7'ook
Sherif