لظروف خاصة

**sharl** · 15-03-2010 10:01 PM

تحية لاعضاء المنتدى الكرام
لظروف خاصة انا عارض عربيتى للبيع طبعا انا زعلان جدااااااااااااااااااااااا ا بس الظروف اقوى منى
العربية 1600 مانيوال عاملة 9000 كم مرخصة لغاية 2012 الصراحة يا جماعة انا عايز فيها 63000 اللون اسود طبعا انتوا عارفين ازاز كهربا قدام بس و الكاسيت اوديو مش ام بى ثرى
ارجو منكم المساعدة لو حد يعرف حد عايز يشترى و ربنا يسهل و ممكن احطلكوا صور العربية لو حد عايز يشوفها بس انتوا اكيد حافظنيها و شكرا ليكم مقدما

تم النقل لقسم البيع والشراء

مشرف الساحه

**Mostafa Hessen** · 15-03-2010 10:18 PM

ربنا يسهل ليك بيعها

بس لو امكن سيب رقم موبايل

**goofy301** · 16-03-2010 02:53 PM

المشاركة الأصلية كتبت بواسطة refoo

هي العربيه نوعها أيه أصلا!!!!!!

ههههممممم.... فعلاً سؤال وجيه برده..

**sharl** · 16-03-2010 03:25 PM

فعلا معاكم حق انا اسف العربية بريليانس اف ار فى موديل 2009
وانا مقيم فى الاسكندرية لو فى عرض جاد يا جماعة ممكن اقابل اللى عايز يشترى سواء فى القاهرة او الاسكندرية ياريت يكون اللى عايز يشترى من هنا ده حيسهللى كتير
رقم موبايلى 0126809296

**sharl** · 19-03-2010 11:15 PM

تحية لاعضاء المنتدى الكرام
الصراحة يا جماعة انا مش عارف اقول ايه حتستغربوا لما تعرفوا اعلى سعر للعربية فى المعارض و الصالات كام و الناس بيقوللولى بيع عشان كده كويس خالص الاول انا روحت لحوالى 12 صالة تقريبا 7 منهم من غير ما يشوفوها قاللولى صينى احنا مش شغالين فيها و الباقى اللى وافق يبص يشوفها قاللولى دى لو اسبرنزا تتباع هوا عشان ليها عيلة بنت ابو الفتوح يعنى عربيتك انت بنت مين
يعنى سمعت كلام غريب من الناس الصراحة انا احبطت لما عرفت ان حاجة زى الدايو و الشاهين و اللادا و الفيرنا على سبيل المثال لا الحصر تتباع و انا واقف فى الصالة مش محتاجة لف الصراحة انا زهقت و اتخنقت و حسيت انى بدور على عيل تايه المهم اعلى سعر 57000 !!!!!!!!!!!!!!!!!!!!!!!!!!!!!!!!!!!!!!!!!!!!!!! و شكرا عشان معنديش كلام تانى

**sharl** · 20-03-2010 11:46 AM

يا جماعة حد يرد عليا يقوللى رأيه ايه لو كده كويس عليها حتكل على ربنا و ابيع يعنى عايز رأيكم بصراحة تفيدونى و انا مستنى ردودكم

**زكريا عيسى** · 21-03-2010 09:30 PM

برجاء التواصل على الايميل zakryaeeisa@yahoo.com وربنا يقدم اللى فيه الخير وربنا يكفينا شر شراء الزنقه ( لاضرر ولا ضرار )

**mada121977** · 21-03-2010 11:33 PM

المشاركة الأصلية كتبت بواسطة sharl

تحية لاعضاء المنتدى الكرام
الصراحة يا جماعة انا مش عارف اقول ايه حتستغربوا لما تعرفوا اعلى سعر للعربية فى المعارض و الصالات كام و الناس بيقوللولى بيع عشان كده كويس خالص الاول انا روحت لحوالى 12 صالة تقريبا 7 منهم من غير ما يشوفوها قاللولى صينى احنا مش شغالين فيها و الباقى اللى وافق يبص يشوفها قاللولى دى لو اسبرنزا تتباع هوا عشان ليها عيلة بنت ابو الفتوح يعنى عربيتك انت بنت مين
يعنى سمعت كلام غريب من الناس الصراحة انا احبطت لما عرفت ان حاجة زى الدايو و الشاهين و اللادا و الفيرنا على سبيل المثال لا الحصر تتباع و انا واقف فى الصالة مش محتاجة لف الصراحة انا زهقت و اتخنقت و حسيت انى بدور على عيل تايه المهم اعلى سعر 57000 !!!!!!!!!!!!!!!!!!!!!!!!!!!!!!!!!!!!!!!!!!!!!!! و شكرا عشان معنديش كلام تانى

غلطتك انك لفيت بالعربيه على المعارض ... لان كل المعارض دى بيبقوا عارفين بعض ومظبطين بعض فى الزباين .. يعنى انت اول ماتروح لحد من النصابين دول هتلاقيه بيقولك سعر فى النازل ويمسك عنده وبعدين يكلم كذا واحد من اللى تبعه يقولهم على مواصفات عربيتك ونمرتها كمان علشان لما تروح لاى حد فيهم يقولك نفس السعر اللى قالك عليه الاولانى ويمكن اقل كمان .. انت عارف قبل ماكنت تنزل تلف على النصابين دول كنت انزل اعمل انك بتشترى وتسألأ على مواصفات وسعر عربيتك كنت هاتسمع سعر تانى خالص وهتلاقى اللى يقولك اصل العربيه تبع توكيل بى ام يابيه وماسكه سعرها مش زى بقيه الصينى التعبان
الله ينتقم من النصابين والحراميه اللى ماليين البلد دى .. وربنا يعينك وان شاء الله تجيبلك السعر اللى انت عاوزه ويرزقك اللى احسن منها .. ومن الافضل انك تعمال اعلان على النت وتعمل اعلان فى الوسيط واصبر شويه وان شاء الله تتباع بالسعر اللى انت عاوزه