الموضوع: ممكن حد يفبدنى فى التكييف

على فكرة نفس الموضوع حصل معايا والخرطوم ضرب وبعدين عبيت فريون وبعدين الفريون اتسرب وانا سايب المشكلة كده بدون حل قلت مع بداية الصيف لها حل ان شاء الله.بس انت غيرت الخرطوم اللى ضرب ولا ايه.

غيرته أيوة بس بعد ما شحن الفريون التكييف اشتغل كوس شهر و نص تقريبا و بعدين ابتدى يضعف لغاية ما وقف خالص و لما رحت أكشف مالقتش فيها فريون

المشاركة الأصلية كتبت بواسطة ahmedezzat78

اماكن التسريب ممكن ان تكون من احد الاماكن التاليه:

• سربنتينه المكثف (امام الردياتير) ودى احتمال ضعيف جدا الا اذا كانت العربيه اتخبطت من قدام قريب
• سبنتينه المبخر (فى الصالون تحت التابلوه) و ده احتمال شبه مستحيل ودى اخر حاجة نفكر فيها لان العربيه مش قديمة
• الخراطيم لو مشققه
• الاواكير (رباط الخرطوم مع الماصورة)

و بوجه عام اى تسريب بيتكشف عليه بسفنجه فيها ميه و صابون و بيبان على طول و طالما هوه مش عارف يكشف مكان التسريب يبقى شكله كده تعبان روح لواحد شاطر

لما تيجى تعمل خرطوم جديد هاته حاجه غاليه و بلاش تسترخص تتحمل ضعط عالى 20 بار و هوه غالبا بيتصنع حسب الطول و القطر المطلوب و حسب شكل النهايه المطلوبه (عدله او كوع 90 درجه)

طالما الدايره فضيت لازم تعمل فاكيوم و لازم تغير فلتر الفريون و اللى يقول غير كده يبقى مش فاهم تكيف لان الرطوبه بتسد الفلتر

اخر حاجه: فيه واحد شاطر قور خلف اسسو الطيران بس انا مش فاكر اسمه بس هوه سمعته ممتازه و بتاع تكيف بس مش كهربائى

ممكن تقوللى فين مكان فلتر التكييف فى النوبيرا