تحذير: اوعى تحط (امير او سوبر جلو)على دهان العربيه واوعى تحط زجاجة برفان على التابلوه
اول تحذير : اوعى ييجى منك امير او سوبر جلو على دوكو العربيه
من كام يوم كنت مركب سبويلر جلد للصنى
فك منه جزء
الجزء اللى بين اللزق والجلد بتاع السبويلر
قومت حاطط امير ولازقه
وقع منى نقطه على دهان العربيه
العربيه فابريكه بدهان المصنع
ومع ذلك الدهان باظ و عمل زى مايكون نقطة مياه كده ولونها رايح
فقولت انقلكو تجربتى وياريت تبئو حذرين من الموضوع ده جامد
ثانى تحذير : اوعى تحط زجاجة برفان على التابلوه
احد اصدقائى حط زجاجة برفان على التابلوه ونزلنا ورجعنا لقينا الزجاجه انفجرت والتابلوه شايط ولونه رايح
وحتى الان مش لاقي حل ليه
ويا ريت لو اى حد مر بتجربه مشابها يقوللنا للافاده
