السلام عليكم جميعا - مشكلتى انى بحس بتنتيش و تقطيع عند بداية النقله عندما تكون العربية سخنة و لا يحدث عندما تكون باردة ....هل هذا يدل على ان البوبينه بايظة ؟ و هل البوبينة الجديدة افضل ام الأستيراد و افضل مكان اشتريها منه و الثمن لو تكرمتم
عرض للطباعة
السلام عليكم جميعا - مشكلتى انى بحس بتنتيش و تقطيع عند بداية النقله عندما تكون العربية سخنة و لا يحدث عندما تكون باردة ....هل هذا يدل على ان البوبينه بايظة ؟ و هل البوبينة الجديدة افضل ام الأستيراد و افضل مكان اشتريها منه و الثمن لو تكرمتم
الجديده بس تكون اصلى gm ومكتوب على جسمها بالبارز DAC وتكون نسخه من اللى عندك فى كل حاجه وخلى بالك فى مضروب نفس الشكل بس بيبان من التقفيل
جزاكم الله على الرد طبعا ... بس كدة يبقى العيب فعلا عيب بوبينه؟
او سلوك البوجيهات
MMamdouh
شكرا للنصيحة اولا طبعا يا باشا... و منتظر الرد من باقى الأعضاء و أعراض المشكلةهى :
1- تقطيع فى اول الغيارات على السرعات المنخفضة و بعدها يروح التقطيع لما العربية تاخد سرعتها
2- و هى العربية باردة لايوجد تقطيع .. يظهر لما العربية تاخد حرارتها العاديه
3- بعد العربية ما بتوصل للحرارة العادية و انا فى السلانسية بحس ان العربية بتغلط فى العد
4- فى دخان اسود خفيف مع الكبس
مع العلم ان العربية بتدور على طول و ما بتتأخرش سواء كانت باردة او سخنة
و لسه منظف الأيديل كنترول و عامل ايديل ليرن
العربية لانوس 99 عامله 108000 كم
و لكم جزيل الشكر
ممدوح بية .. مبروك تانى على التقدير من الموقع و انت تستاهل كل خير انت و المهندس سمير عياد .. انا عن نفسى استفدت منكم الكتير و الكتير و جزاكم الله عنا كل خير
هل لوالعيب سلوك البوجيهات دة ما يبانش غير و العربية ساخنة برضو ؟ و لا يبان و العربية باردة ايضا ؟ و شكرا
الموبينه ب580 جنيه عند عيسي اللي كان ماسك توكيل لانوس
الله يخلليك
هو احتمال وارد مش اكيد... فى كل المرات اللى سلوك البوجيهات عملت معايا مشاكل كانت العربية سخنةاقتباس:
هل لوالعيب سلوك البوجيهات دة ما يبانش غير و العربية ساخنة برضو ؟ و لا يبان و العربية باردة ايضا ؟ و شكرا
بس لو بصينا للموضوع بشكل منطقى... افرض جبت بوبينة ب 450 جنية و طلعت المشكلة من السلوك؟؟ تبقى كلفت نفسك على الفاضى
و لو طلعت المشكلة من البوبينة مش السلك حيبقى برضة من الافضل انك تركب البوبينة الجديدة بسلوك جديدة بالتالى الموضوع مش خسارة مادية
MMamdouh
ممكن تأجر بوبينا لمدة يوم من أى ميكانيكى لحصر العيب
هل بسبب البوبينا ولا الكابلات
غير سلوك البوجيهات و لو تقدر غير البوجيهات نفسها بالمره
العربيه اتعدلت يبقي خير و بركه و الحمد لله
متعدلتش يبقي كده الموبينه لا قدر الله
روح لاى ميكانيكى وهو هيختبر الموبينة ويشوف بتطلع شرار والا لا لو سليمة يبقا حاجة من اتنين اما سلوك البوجيهات او بوجيه مش مظبوط وعاوز يتغير وربنا معاك وابقا طمنا
دي موبينة انا كانت عندي نفس المشكلة .....الصبح اتلاقي العربية ماشية زي الفل وبتجري ومجرد ما تسخن وتمشي في زحمة تلاقي العربية بتنتش
والتنتيش بيزيد لما تقرص على العربية ...
شكرا ليكم يا اخوان جميعا ... فعلا ناس محترمين جدا .. يوم الجمعة ان شاء الله هروح لميكانيكى و اختبر الشرارة و اشوف و ان شاء الله تطلع بسيطة .. بس على الأقل كدة قدرنا نحصر العيب فى البوبينة او السلوك و البوجيهات .. و هبقى اطمنكو ان شاء الله
العيب ده موبينه مش اسلاك بوجيهات والموبينه الاصلى من 450 الى 500 انا جبتها ب 480 جنيه
واختبارها بدون ميكانيكى
طبعا والعربيه سخنه
كالآتى
هتلف ايدك بعازل كهرباء ( فوطه ناشفه مثلا )
هتفك سلوك البوجيهات من ناحية الموبينه واحد واحد وترجعه مكانه وتشوف قوة الشراره ( يعنى بتلقط من مسافه قد ايه )
وتقارن هل المسافه واحده لكل الاطراف
اكيد هتلاقى طرف فاصل او ضعيف عن الباقيين
لو كده يبقى الموبينه فيها ربع طاير او اكتر
جرب كده وقولنا على النتيجه