انا بصراحة بعد ماشوفت التوكيل غالى فى الصيانة قلت اغير انا الفلاتر البسيطة دى انا هاحاول اشرح مع الصور وربنا يوفق
اول حاجة دى التنك بعد مانشيل الكنبة
ودا الفلتر متركب ومحكوم جامد بالحلقة السوداء ودى بتتلف بس هى بتبقى طبعا مربوطة جامد قوى فعشان افكها جبت مفك عادة وحطيته على سن الحلقة وخبطت عليه بأيدى عشان تبتدى تلف وفعلا لفيت سنة بسيطة وانا كملت بقى بأيدى عادى وانت بتفك فى جوان بين الحلقة السودا والفلتر عشان يحكم الغلق ويمنع خروج البنزين
قبل ماتلف تدوس على الزرار الاخضر وتشد الخرطوم للخلف هو طبعا هيخرج شوية بنزين بسيطة بس مش اشكال وتفك الفيشة مفهاش صعوبة
نيجى بقى اول مانفك الحلقة السودا هنطلع الفلتر وهو مرتبط وماسك بالطرمبة عن طريق حاجتين المسمارين الطوال اللى فى الفلتر والخرطومين اللى بيتوصلو بالطرمبة والفيش الكهرباء (2)فيشة من الداخل بجانب سلك ارضى نهايتة الفبره السودا اللى فى الصورة الجاية
المسمارين الطوال دول بيركب فيهم 2 سوستة وبيدخلو فى اماكنهم فى الطرمبة وبيتقفل عليهم بورديتن حديد والخرطومين بردو نفس الكلام فى اماكنهم وهما عبارة عن كلبسات ضغط
واهم حاجة وانت بتركب الخراطيم هتلاقى على طرفهم اويل سيل تتاكد انهم مموجودين عشان دول مهمين طبعا وتركب ال فيش فى امكانهم اللى فى الصورة دى بس وتدخل الطرمبة بالفلتر كلهم فى التنك وتركب الجوان الاسود اللى بين الحلقة والفلتر وتبتدى تلف وتربط كويس وتعمل نفس الحركة بتاعة المفك انك تحطه على سن الحلقة وتخبط بايدك على المفك عشام تلف لاخر حاجة
اه وماننساش السلك الارضى اللى بيتركب بالفبرة السودا
اتمنى انى اكون قدرت اوصل الموضوع بطريقة صح
المفضلات