دايما بنستفاد منك يا استاذ محمد
بس هل الموتور بيفصل فعلا ولا برده بيشتغل
انت تقصد امتى بالضبط بيفصل؟؟
فى الفيديو الموتور شغال عادى بدون مشاكل... لو الاجهاد تجاوز نقطة اقصى تحمل للصباب القرص بتاعة حيتكسر و ينفصل عن الساق و ساعتها الاضرار حتبقى كتير
http://farm3.static.flickr.com/2279/...5ff5440178.jpg
MMamdouh
الصراحة يا استاذ محمد المفروض حضرتك تدى دروس فى العربيات والله
طيب في سؤال هنا لو سمحت، سمعت إن السيارات الحديثة فيها حاجة اسمها REV LIMITER عشان الموتور لا يتلف عند محاولة رفع عدد لفات الموتور عن المسموح
في سيارات Performance بيلغو فيها الجهاز ده كنوع من التعديل للحصول على عزم دوران أعلى
ايه التعديل اللي بيعملوه عشان الموتور مايتحرقش زي الصورة؟
أشكرك..
التعديلات بتبقى فى الاساس تقوية للسوستة بتاعت الصباب عشان ميحصلش الfloating اللى شوفناه فى الفيدوهات و الشواكيش (ان وجدت) بتبقى forged عشان تبقى اوى و تتحمل الاجهاد و غالبا الصبابات نفسها بتتغير بصبابات اقوى عشان نفس السبب
النقطة اللى اتكلمت فيها دى كان بيسال فيها ناس كتير زيك كدة و كنا دايما بنسال سؤال مهم قبل ما نجاوب... ليه عايز تزود لفات الموتور عن الحد المسموح بيه؟؟؟... لو بصيت على dyno chart لاى مكنة حتلاقى غالبا القدرة الحصانية القصوى للمكنة بتظهر فى نقطة قبل اللفات القصوى للمكنة بشوية صغيرين و بعد النقطة دى القدرة بتبداء تقل...
اذا لو تجاوزت حاجز اللفات القصوى كل اللى حيحصل انك حتستمر تفقد قدرة من المكنة مع مرور الوقت و حيبقى من الافضل انك تنقل نقلة زيادة و تقلل اللفات بتاعت الموتور عن انك تستمر فى زيادتها
الحالة الوحيدة اللى حيبقى فيها الموضوع دة مجدى هو انك تكون عدلت الموتور بشكل كبير و القدرة القصوى للمكنة اتغير مكانها و بقت اقرب كتير لنقطة الrev limiter او حتى بعد منة بالتالى لازم تسمح للمكنة انها تلف لفات زيادة عن الطبيعى للاستفادة من القدرة بعد التعديل... و دة قرار منطقى لان تقوية الصبابات و السوست و الشواكيش عملية مكلفة شويتين و لازم يكون فيه سبب قوى لصرف المبالغ دى ولا حتبقى فلوس اترمت على الارض لانها لم تضيف شىء لاداء العربية
MMamdouh
هو مش المفروض الريد زون دى ضمن لفات الموتور
ولا ليه خطر ؟
والله معلومات ممتاز يا محمد باشا, طب مفيش اى اضرار تانيه غير فى الصبابات, ياعنى باقى اجزاء المحرك ممكن تستحمل عدد اللفات الزياده ده؟!
بص انا معرفش اية تانى ممكن يتضرر لو تجاوزت الريد زون لا غالبا الصبابات و الشواكيش اول حاجة بتتوفى لما بيحصل الحوار دة بالتالى المكنة بتتوقف عن العمل... لو انت عامل تعديل و تقوية للكلام دة عشان المكنة تتحمل اللفات دى انا معنديش خلفية ايه تانى ممكن يبوظ... القصة مرتبطة بالقصور الذاتى للاجزاء الميكانيكية المتحركة و كاعتقاد شخصى ممكن معدل سريان الزيت و مياه التبريد تبداء تبقى مشكلة اضافية
MMamdouh
مشكورين على الردود والافادة