نقص مياة التبريد

**ahmedfra** · 07-01-2008 10:15 AM

عندى مشكلة محيرانى شوية مياة القربة دائما تنقص و اذودها و رحت للميكانيكى و و ملقاش اى تسريب و قالى مفيش حاجة و برده المية بتنقص مش عارف بتروح فين هل ممكن تكون بتتبخر و خلاص علماً أنى بستعمل مياة خضراء جركن انتاج السعودية ابو 20 جنيه ارجو الرد و الإفادة

**محمد عز** · 07-01-2008 10:18 AM

يمكن المشكلة فى الايرتادتير نفسه يمكن بيسرب المياه

**ahmedfra** · 07-01-2008 10:35 AM

لأ مافيش تسريب للمياة فعلا و الميكانيكى ركب جهاز على قربة المياة بيعمل ضغط على الدورة كأن العربية شغالة و ملقاش تسريب خالص

**noni67** · 07-01-2008 11:50 AM

دور فى اربع طبب فى بلوك الموتور من الامام وزيهم فى الخلف اكيد واحده فيهم بها بارومة
واما يكون جوان وش السلندر عندك به شىء
لاحظ تساقط قطراة مياة من الشكمان بعد مشوار سخن لو فيه بخر من الشكمان يكون الجوان بايظ وعايز يتغير
اخير لاحظ وجود مياة اسفل الدواسة الامامية شمال من تحت التابلوه لو كان يبقى الهيتر مخروم وبيسرب مياه التبريد

**ahmedezzat78** · 07-01-2008 01:19 PM

المشاركة الأصلية كتبت بواسطة noni67

دور فى اربع طبب فى بلوك الموتور من الامام وزيهم فى الخلف اكيد واحده فيهم بها بارومة
واما يكون جوان وش السلندر عندك به شىء
لاحظ تساقط قطراة مياة من الشكمان بعد مشوار سخن لو فيه بخر من الشكمان يكون الجوان بايظ وعايز يتغير
اخير لاحظ وجود مياة اسفل الدواسة الامامية شمال من تحت التابلوه لو كان يبقى الهيتر مخروم وبيسرب مياه التبريد

فعلا هيه دى كل الاحتمالات

**ahmedfra** · 09-01-2008 07:47 PM

انا حتجنن انا دورت فى كل حاجة مش شايف تسريب بس المية بتنقص بردة

**magomago** · 09-01-2008 08:01 PM

المشاركة الأصلية كتبت بواسطة ahmedfra

انا حتجنن انا دورت فى كل حاجة مش شايف تسريب بس المية بتنقص بردة

يبقى مافيش غير ان غطاء قربة المياه نفسها هو اللى بينفس
جرب شغل العربيه وحط ودنك جنب غطاء القربه ممكن تسمع صوت تنفيس
بس قلنا ايه اللى لقيته

**Sherif Khalifa** · 09-01-2008 09:25 PM

فى اثار صدء حوالين الغطاء ؟

لو فى يبئة فى تسريب منة و ممكن تتئكد لما العربية تسخن و المراوح تشتغل افتك الكبوت مفروض تلائى بخار مضغوط طالع منة

لو كدة غيرة و هات واحد جديد الرفيع بتاع الاوبل

**Ahmed Safan** · 10-01-2008 02:58 PM

هو تغيير جوان وش السلندر دا موضوع كبير؟ و لو أتعمل بيكلف أد أيه ؟

**Mohamed A S** · 10-01-2008 02:59 PM

كان عندي مشكلة نقص المياه من القربة ومكنتش عارف ايه السبب .. بس محمد ممدوح كان بيقول أن ممكن أحد أسباب نقص المياه من القربة تكون طلمبة الميه .. دي عاوزة ميكانيكي يكشف عليها كويس.
لكن أن لاقيت سبب نقص مياه القربة عندي أن القربة نفسها مشروخة من تحت .. لما رحت للميكانيكي شال القربة خالص من مكانها وجد أن فيه شرخ فيها من تحت .. كان بيسبب تسريب بسيط، يعني ممكن ازودها كل 4 أو 5 أيام، وتقريباً فيه مكان بتبات فيه القربة ولو اتحطت غلط بتسبب في الشرخ دا .. يمكن يكون عندك نفس السبب .. حاول تشيل القربة كلها من مكانها وتشوفها من تحت اخبارها ايه .. وانت بتركبها خللي بالك لأن لها تبييته معينة.

الموضوع: نقص مياة التبريد

LinkBack

أدوات الموضوع

عرض

-

-

-

-

المواضيع المتشابهه

كيفيه تغير مياة التبريد وعمل غسيل للدوره للبولو وما يشابهها فى دورة التبريد

مياة التبريد فى النيو اكسنت

نقص مياة التبريد كل يوم و تحتاج للتزويد

منسوب مياة التبريد

مياة تحت الدواسة و نقص فى مية التبريد

الكلمات الدلالية لهذا الموضوع

المفضلات

المفضلات

ضوابط المشاركة