السلام عليكم : انا ان شاء الله واخد اجازه الاسبوع اللي جي و هاخد مراتي و ابني و اروح بورسعيد بالعربيه لاني عمري م رحتها قبل كده بس عندي 3 مشاكل
اولا : انا ساكن في التجمع الاول و مش عارف الطريق خالص لبورسعيد ( يعني اعرف ان في نزله من الدائري علي طريق الاسماعيليه بس النزله ديه فين و بعدين بقيت الطريق ازاي برده مش عارف
ثانيا : اي الفندق او القريه اللي ممكن ازل فيها و تكون بنطل علي القناه او البحر بس يكون سعرها كويس و بتتعامل باالفيزا مش كاش (اخر الشهر بقي و عيد ام و انتوا فاهمين :)
ثالت حاجه : ايه الاماكن الحلوه اللي هناك ممكن اروحها و تبقي حلوه مع العلم ان ابني عنده 10 شهور و جباااار و ممكن يفضحنا
انا مسافر ان شاء الله بعد عيد الام عالطول فيا ريت البورسعيديه الجدعان و الناس اللي راحت كتير تفيدني
و شكرا