ايه رائيكم يا جماعه كل واحد عنده خبره فى موديلات الفيكترا يكتب مميزات وعيوب جميع الموديلات بدايه من الفيكترا a الى اخر موديل فيكترا
عرض للطباعة
ايه رائيكم يا جماعه كل واحد عنده خبره فى موديلات الفيكترا يكتب مميزات وعيوب جميع الموديلات بدايه من الفيكترا a الى اخر موديل فيكترا
فكره حلوه ويا ريت نعملها
vectra B :P
انت بتتكلم فى موضوع كبير لان كل موديل عيزلة صفحات سواء للعفشة او التكنولوجيا والرفاهية والاداء والاعتمادية كل عربية ليها مقومات لازم تذكرها من رئى شخصى لازم كل واحد يكون عندة خبرة ويملك العربية يعمل الموضوع
انا بتكلم على الاساسيات وهنا تيجى عامل الحاسم فى الخبرة يعنى تبداء
1- العفشة مثلا التكنولوجيا سواء فى العفشة والفرامل abs مثلا كدة
2- المتور سنجل انجكشن 8 صباب ضعيف فى الطلعة لاكنة على السرعات ممتاز كدة مع الصور والتنظيم ولازم من حد خبرة عشان يتلافاء الاخطاء الفردية
احنا ممكن نكلم بى اختصار عن a و b كبدايه من حيث الثبات واستهلاك البنزين والتكنولوجيا فى الفيكترا b من بداية 96
حد يحط اساس للمقارنه زى صفحة مزايا و عيوب و انا اقول العبر عن الفيكترا ايه من الأكصدام للأكصدام
احاول و الله المستعان
بس ح يبقى موضوع جااامد جدا
لو عملنا مع بعض كدا كل واحد يعرف حاجه ميبخلش علينا
والله يا جماعة الاوبل بديل كويس كعربية المانى و فعلا يعتمد عليها بالذات فى ناحية الميكانيكا
بس هى بمقارنة الالمانى التانى تعتبر اقلهم من حيث الجودة
بس بجد عربية تحبها انا كان معايا كورسا و غيرتها بفيكترا و بجد مستريح بيها جدا رغم اكسسوارها غالى شوية بس قطع غيارها معقولة جدا و بجد العربية محترمة لو قارنتها بنفس رينج السعر اللى حواليها و تعتبر افضل حاجة فى رينج السعر بتاعها
ابدا انا بسم الله ...
هتكلم عن الفيكترا بي ون من 96 الي 99 الجي ال اس ؛؛
المواصفات
====
-السياره عائليه ذات طابع رياضي
-موتور 1600 سي سي كامه منفرده -8 صباب -نصف انجكشن زي مابيقولوا -الموتور بيخرج 75 هورس باور
....السياره مزوده بالاتي؛
-تكييف 4 سرعات
-باورستيرنج
-2 زجاج كهربا وال2 التانيين مانفله
-سنترال لوك
-وحده رفع مع السنتر
-امكانيه التحكم في ارتفاع النور الامامي 5 مستويات من الداخل
-امكانيه التحكم في شده اضاءه التابلوه
-كرسي السائق يمكن تحريكه في 6 اتجاهات مع التحكم في درجه انحناء الظهر
-مفتاح مشفر ايموبلايزر بريموت
-خاصيه (deadhock) تمنع فتح السياره من الداخل الا بمفتاحها
-خاصيه(anti-object lock)تمنع الزجاج من الصعود حين وجود عائق
-نور الصالون الداخلي بخاصيه(dead light)
-شاشه بيانات بالتابلوه بها ساعه وتاريخ ودرجه حراره الجووبيانات تشغيل الراديو او الكاسيت
-طبعا 5 سرعات اماميه وعداد ار بي ام
-مزوده بنظام ايه بي اس
-خزان الوقود كبير بياخد60 لتر
-مساحه تخزين في الشنطه خياليه
-الصالون واسع سواء امامي او خلفي
المزايا
===
-كل اللي فات بالاضافه الي ان الشكل برستيجه عالي قوي (باشواتي)
-قطع غيار متوفره جدا وعلي كل شكل ولون والاوريجنال منها عمره طويل جدا ومش غالي وفي كمان استعمال الخارج بسعر كويس .
العيوب
===
-وزن العربيه تقيل علي عزم موتورها ولذلك طلعتها بطيئه (من 0 الي 100 بعد عمر طويل )بس اول ماتاخد سرعتها بتجري جامد
-التكييف مش بكفائه الياباني بس حلو معقول
-المرايات الثابته علطول بتتكسر في الزحمه
-ظهر العربيه عالي بيعوق في الرؤيه اثناء المارشداير او يمكن لاني قصير مش عارف
-تكنولوجيا التصنيع المستخدمه في العربيه معقده لذلك اعطالها بالرغم من انها نادره الا انها بتبقي غامضه
++طبعا العيوب دي من وجهه نظري الشخصيه اللي ممكن تتفقوا او تختلفوا معايا فيها بس في المحصله العربيه ممتازه ويكفي اني سافرت بيها من دمياط لمطروح حوالي 535 كيلو بدون توقف والاداء ماشاء الله ممتاز .
تقبلوا موفور الاحترام وعاوزين الشباب تقول اللي عندها ...
هى صحيح الاول والتاى تقيل بس مش للدرجة , انا جربت قبل كدة من صفر لمية وانا اللى بقيس يعنى مش دقيقة اوى ممكن تفرق فى اجزاء من الثانية (يعنى العربية تجمع فة وقت اقل من كدة) وكانت من 10 الى 11 ثانية
تكييف العربية لو مظبوط تلاااجة وبتجربة تكييف الكورولا 2007 مش شايف فروق بين الاتنين او الفروق بسيط اوى (يمكن عيب العربية بس انها بتلم حرارة بغباوة)
المرايات ممكن تركب بتاعة ال 2000 بتقفل كمان مراياتها مش بارزة لبرة اوى وواطية يعنى مش هتتكسر بسهولة الا لو جنب العربية مخبوط
احلى كلام
عرفت حاجات كتير مكنتش اعرفها عن الموديل ده
نسيت كمان تلاجة التابلوة
وانذار النور والمفتاح
العربية لو نسيت نور الصالون او الكاسيت بتقفلهم اوتوماتيك للمحافظة على البطارية (مش متأكد من انوار العربية)
كاسيت مشفر
العربية فيها نظام تأمين علشان الاطفال لو قعدت تفتح وتقفل العربية سوار من اللوك او من الريموت والعربية مطفية بتفصل السنتر ويرجع يشتغل اوتو لما تدور العربية
ضهر الكنبة بيتفتح لزيادة مساحة التخزين
مسند يد خلفى
زجاج الكهربا اوتوماتيك (البابين)
اضاءة فى ابواب العربية من تحت لتنبية السيارات القادمة فى حالة الباب مفتوح كمان بيكشفلك الاروض اللى هتنزل فيها لو الحتة ضلمة ( طين , مية )
كده مطلوب منى اتكلم عن الأيه
بس اللى هاتكلم عنه بكافة التفاصيل و ادقها فيكترا ايه 95 - 2000 مانيوال و الباقى يكملوا ايه رأيكم
يا جماعة أحب أقولكم أن العربية الفيكترا بى ون السى دى cd
جميع اللى أنتو قولتوه فى الجى ال اس مع زيادة الاتى
الموتور 2000 سى سى تقريبا 121 حصان
الفيتيس أوتوماتيك مع نظام قيادة رياضى
أبانوس فى التابلوة
4 زجاج كهربا
4 طنابير سكاكين بتدى قوى جبارة للفرامل
نور استوب خلفى على الزجاج الخلفى
طبعا حزام الامان بيتشد على السواق مع السرعات العالية
كل العربية بتشتغل مع السنتر ( 4 أبواب -باب التنك - الشنطة )
التابلوة جلد (مش عارف الجى ال اس كله بلاستيك ولا فى وفى )
لو فى حاجة أنا ناسيها ياجماعة ياريت تزودوها
بس كده الموضوع مفهوش عدل ولا ديمقراطية في الحوار وانا زعلان لازم تكلموا برده عن الاوبل كورسا وبالاخص الكورسا السيدان 1600 والله يوفقكم فكرة جميلة جدا وانا مقيض هذه الفكرة:vctry:
اللى يعرف عن اى اوبل يحط بيانها
تمام والله يا نجد باشا أنا معاك فى الكلام دة
الاوبل مش أقل الالمانى بس الوكيل اللى مبوظ سمعتها فى مصر
لكن برة بتبقى حاجة تانية وممكن تبص على الفيكترا b مع بى أم الفئة التالتة موديل 97 وشوف مين اللى شكلها أحسن والتقفيل ممتاز للاتنين والموتور كويس والثبات ممتاز بس البى أم تتفوق فى الموتور بس لكن غير كدة الاوبل شكلها أحسن ميت مرة والله
المرايات الكهرباء فى 2000 سى سى اتوماتيك سوااء فيكترا a او b انا اصدى على الزجاجة بتاعة المرايا مش الضم
شكرا ياباشاا