أنا سوف أبيع سيارتى اللانسر 2007 المانيوال ومحتار أشترى أوتوماتيك صنى ولا أوبترا. أنا مقتنع بالصنى لكن الأوبترا فالبيع أسهل. كما أشار بعض الزملاء إلى مشكلة عدم توافر قطع غيار الصنى أرجو الإفادة.
عرض للطباعة
أنا سوف أبيع سيارتى اللانسر 2007 المانيوال ومحتار أشترى أوتوماتيك صنى ولا أوبترا. أنا مقتنع بالصنى لكن الأوبترا فالبيع أسهل. كما أشار بعض الزملاء إلى مشكلة عدم توافر قطع غيار الصنى أرجو الإفادة.
الأوبترا فيها حاجات أحسن من الصنى و الصنى أفضل فى حاجات تانيه و الأختيار لك .
الأوبترا أفضل فى الأتى :
1- شكل و ديزاين جديد أما الصنى فالشكل قديم و التابلوه قديم أيضا.
2- الوسع الداخلى و راحة و ووسع الأوبترا أفضل .
3-الموتور أهدى و أقل ضوضاء على السرعات الغاليه .
4-التقفيل الكورى أفضل 100 مره من المصرى
5-التوكيل ممتاز و خدمة ما بعد البيع أفضل
6- قطع الغيار متوفره من
الصنى أفضل فى الأتى :
1- الصاج أقوى
2- مقاس الجنوط أكبر
3-السياره جميع مكوناتها يابانى ماعدا الصالون موبيكا و الماسير المصريه فى الموتور
أنت أكيد من معلومة عدم توافر قطع الغيار دى ولا إيه ، أصل كنت ناويت خلاص أشترى صنى بعد مقارنات بين الأوبترا و الصنى و الماتريكس ... بس فالآخر أنا أولت اليابانى أحسن و لو كان تجميع مصرى لأن شركة نيسان أكيد مش عبيطة و هتضحى بسمعتها لو كان التجميع المصرى سيء و هيقلل من مبيعتهم.
كمان ايه موضوع ان بيع الأوبترا أسهل ... معنى كده ان بيع الصنى هيبأى صعب ... و ان كنت أعتقد ان حالة الأوبترا مقارنة بالنيسان بعد خمس سنين مثلا هتكون سيئة
وان كنت مع الأخ عثمان فى مميزات الأوبترا عن الصنى من حيث جمال الشكل الخارجى و التابلوه بس من وجهة نظرى انك لو هتشترى عربية يبأى الشكل و جماله يأتى بعد قوة العربية و ماركتها و تصنيعها و هكذا
مين قال ان الصنى ملهاش قطع غيار متوافره العربيه منتشره جامد دلوقتى وقطع غيارها موجوده بوفره فى كل حته
العربيتين زى بعض ومتقدر تقرر مين احسن من التانيه لان فى ناس حتقولك الصنى اجمد عشان يابانى وناس حتقولك اوبترا عشان شكل احدث فقط على فكره الاوبترا مفهاش اى امكانيات زياده عن الصنى
الصنى فيها ميزه هيه المهمه فى وجهه نظلرى ان صاجها اقوى من الاوبترا والبرهان على كده انزل الشارع شوف الوبترا شكلها بيبقى عامل ازاى فلو حتجيب اوبترا لازم تحطها فى عنيك
فى النهايه شوف انته حتستريح لاى عربيه