حاجة تحزن جدا: إلغاء إعدام العشرة الذين اغتصبوا سيدة كفر الشيخ

قضت محكمة النقض في جلستها اليوم "الثلاثاء" برئاسة المستشار صلاح عطية بنقض الحكم الصادر عن محكمة جنايات كفر الشيخ، والقاضي بمعاقبة عشرة أشخاص بالإعدام شنقاً والسجن المشدد لمدة 15 عاما لمتهم آخر.

وكان المتهمون قد تمت إدانتهم باختطاف سيدة من منزلها واغتصابها عنوة والاعتداء عليها.

وقررت المحكمة إعادة المحاكمة أمام دائرة أخرى من دوائر محكمة جنايات كفر الشيخ غير التي أصدرت حكمها بإعدام المتهمين.

وكانت قضت محكمة جنايات كفر الشيخ بمعاقبة عشرة متهمين بالإعدام شنقاً؛ منهم 8 متهمين حضورياً ومتهمين غيابياً والحبس 15 عاماً؛ وذلك لقيامهم باختطاف سيدة من منزلها عنوة واغتصابها.

وتعود وقائع القضية إلى عام 2006 عندما قام المتهمون باختطاف ربة منزل من بيتها بالقوة من قرية "الحمراوى" بكفر الشيخ، واقتادوها إلى منطقة مهجورة وتناوبوا اغتصابها حتى فقدت الوعي.

وقررت المحكمة تنفيذ حكم الإعدام في كل من "رامي علي معوض"، و"حمادة محمد الدسوقي"، و"إبراهيم محمد إبراهيم"، و"محمد جمعة يوسف"، و"محمد جابر طه"، و"علي عطية بيلي"، و"فوزي أحمد عبد الرحمن"، و"فاروق عزت إبراهيم"، و"حسن الدقراني" هارب، و"أحمد طه السيد" هارب أيضاً، كذلك قررت حبس الحدث "السيد عطالله صلاح" لمدة 15 عاماً.

وكانت محكمة جنايات كفرالشيخ قد سبق أن أصدرت قرارها بإحالة أوراق المتهمين إلى فضيلة المفتي، والذي صدّق على الحكم.

عن وكالة أنباء الشرق الأوسط (بتصرّف)

على حد علمي، أي حكم إعدام بيتقبل النقض فيه علشان لما بعد النقض يتحكم بالإعدام مرة تانية ، يبقى محدش ظلمهم وأخدوا فرصتين...

اقتباس:

---

المشاركة الأصلية كتبت بواسطة josephedward

على حد علمي، أي حكم إعدام بيتقبل النقض فيه علشان لما بعد النقض يتحكم بالإعدام مرة تانية ، يبقى محدش ظلمهم وأخدوا فرصتين...

---

يعني ممكن ياخدوا اعدام تاني ولا الحكم ده بيتلغي خالص.

اقتباس:

---

المشاركة الأصلية كتبت بواسطة josephedward

على حد علمي، أي حكم إعدام بيتقبل النقض فيه علشان لما بعد النقض يتحكم بالإعدام مرة تانية ، يبقى محدش ظلمهم وأخدوا فرصتين...

---

اي حكم اعدام بيطعن فيه لدى محكمة النقض تلقائيا ... والنقض اما يقبل او يرفض
لو رفض يبقى الحكم نافذ ونهائي وينفذ
لو قبل يبقى يتم اعادة المحاكمة امام دائرة اخرى .....زي الحالة دي وحالة هشام طلعت
وده بيبقى لأن المحاكمة الاولى اخطأت في تطبيق القانون ... وعشان كدة بيقال ان محكمة النقض هي محكمة قوانين وليس وقائع ..... يعني المحكمة مش بتنظر للوقائع لكن بتنظر هل القاضي طبق القانون صح ولا لأ
وممكن في اعادة المحاكمة يتحكم بالاعدام تاني .... ويبقى نهائى .وممكن يتحكم بعقوبة اخرى او البراءة

ياخساره يامصر هوا ده القانون كله ثغرات

اقتباس:

---

المشاركة الأصلية كتبت بواسطة party_0000

ياخساره يامصر هوا ده القانون كله ثغرات

---

الله اعلم ... مش يمكن حد فيهم مظلوم ....
مش يمكن الامن ملفق ادلة لبعضهم .... وده مش مستبعد
ده اعدام ..... يعني ارواح ناس
انت عارف ان حصل ان المباحث اجبرت واحد على الاعتراف بجريمة لم يرتكبها ولفقت ادلة ضده علشان القضية تتقفل وتم اعدامه ..... وبعد سنتين اتمسك المجرم الحقيقي واعترف من ضمن اعترافاته بالجريمة القديمة ...... وطلع الراجل اللي اتشنق من سنتين ..... طلع مظلوم
طب ده دمه في رقبة مين ؟؟؟؟؟
القضية دي كانت في اسكندرية واتمنع نشرها .... اسأل حد من قرايبك يكون في الشرطة او القضاء وهو يقولك

اقتباس:

---

المشاركة الأصلية كتبت بواسطة aif

اي حكم اعدام بيطعن فيه لدى محكمة النقض تلقائيا ...

---

كلام مظبوط تماما بس الطعن بالنقض لازم يحركه احد اطراف الدعوي الجنائيه اللي هما المتهمين او النيابه

ربنا يشفى غليل الضحية و اهلها و كل واحد اتظلم و حس بعجز و بطئ العدالة ...
و يارب الحكم اللى جاى يكون رادع لمثل هذه المخلوقات

اقتباس:

---

المشاركة الأصلية كتبت بواسطة aif

اي حكم اعدام بيطعن فيه لدى محكمة النقض تلقائيا ... والنقض اما يقبل او يرفض
لو رفض يبقى الحكم نافذ ونهائي وينفذ
لو قبل يبقى يتم اعادة المحاكمة امام دائرة اخرى .....زي الحالة دي وحالة هشام طلعت
وده بيبقى لأن المحاكمة الاولى اخطأت في تطبيق القانون ... وعشان كدة بيقال ان محكمة النقض هي محكمة قوانين وليس وقائع ..... يعني المحكمة مش بتنظر للوقائع لكن بتنظر هل القاضي طبق القانون صح ولا لأ
وممكن في اعادة المحاكمة يتحكم بالاعدام تاني .... ويبقى نهائى .وممكن يتحكم بعقوبة اخرى او البراءة

---

كلام الحاج احمد مظبوط

بس فية ملحوظة بسيطة
لو اتحكم عليهم تانى مرة بالاعدام ليهم الحق فى انهم يطعنوا بالنقض تانى يعنى مش نهائى
بس لو النقض اتقبل فى تانى مرة محكمة النقض بنفسها بتتصدى للدعوة اكنها محكمة اول درجة وحكمها هنا بيكون نهائى

اقتباس:

---

المشاركة الأصلية كتبت بواسطة aif

الله اعلم ... مش يمكن حد فيهم مظلوم ....
مش يمكن الامن ملفق ادلة لبعضهم .... وده مش مستبعد
ده اعدام ..... يعني ارواح ناس
انت عارف ان حصل ان المباحث اجبرت واحد على الاعتراف بجريمة لم يرتكبها ولفقت ادلة ضده علشان القضية تتقفل وتم اعدامه ..... وبعد سنتين اتمسك المجرم الحقيقي واعترف من ضمن اعترافاته بالجريمة القديمة ...... وطلع الراجل اللي اتشنق من سنتين ..... طلع مظلوم
طب ده دمه في رقبة مين ؟؟؟؟؟
القضية دي كانت في اسكندرية واتمنع نشرها .... اسأل حد من قرايبك يكون في الشرطة او القضاء وهو يقولك

---

كلام الجرايد بيكون فية شىء من التوابل يعنى 10 اغتصبوا واحدة !!!!!!!!!!!!!!!!!!!!
الجرايد عايزة تكتب عنوان يجذب القارىء

وفعلا ممكن تكون تحريات المباحث ضايعة
انا شفت قضية البنت قالت ان 3 اغتصبوها ولما راحت الطب الشرعى لقوها عذراء !!!!!!!!!!!

انا اقصد من المثال ان احنا مانعرفش اية المكتوب فى تقرير الطب الشرعى واية اقوالها

اقتباس:

---

المشاركة الأصلية كتبت بواسطة mr_sameh

كلام مظبوط تماما بس الطعن بالنقض لازم يحركه احد اطراف الدعوي الجنائيه اللي هما المتهمين او النيابه

---

معلوماتي ان في حالة الاعدام بيتم الطعن في الحكم امام النقض عن طريق النيابة اذا لم يطعن المتهم .... يعني بيطعن بالنقض في جميع الاحوال
....
في السعودية لازم الملك بشخصه يصدق ع الحكم قبل تنفيذه ..... الملك فيصل الله يرحمه هو اللي عمل القانون ده بعد اعدام واحد في جدة وكان عمال يصرخ انا مظلوم انا مظلوم ويقال ( والله اعلم ) انه لما اعدموه الدم اللي نزل من رقبته عمل كلمة مظلوم ع الارض وهو ما جعل السلطات تفتح التحقيق من جديد ...... وظهرت براءته بعد ذلك .... والمكان ده اتسمى حارة المظلوم في منطقة باب مكة في مدينة جدة

عموما انا شايفة ان الحبس 10 15 20 سنة اصعب من الشنق
وفي كل الاحوال عقابه عند ربنا كبير إلا من تاب

مسخرة بجد .. دي بقا ميزة انك تكون مجرم مش ضحية !! .. و لاحول و لا قوة الا بالله

اقتباس:

---

المشاركة الأصلية كتبت بواسطة elassar2010

كلام الجرايد بيكون فية شىء من التوابل يعنى 10 اغتصبوا واحدة !!!!!!!!!!!!!!!!!!!!
الجرايد عايزة تكتب عنوان يجذب القارىء

---

كلامك صحيح تماما ..... والحياة علمتني ما احكمش على حاجة من غير ما اعرف تفاصيلها .... واسمع من كافة الاطراف
الاعلم بتاعنا يعتبر اسوأ ما في هذا البلد ....هو والشرطة ..... العصا والبوق

اقتباس:

---

المشاركة الأصلية كتبت بواسطة josephedward

على حد علمي، أي حكم إعدام بيتقبل النقض فيه علشان لما بعد النقض يتحكم بالإعدام مرة تانية ، يبقى محدش ظلمهم وأخدوا فرصتين...

---

كلام غير صحيح بدليل ان قاتل موظفة بنك مصر النقض أيدت الحكم بإعدامه .... قاضي النقض ده اعلى مستوى قاضي في مصر و عمره ما هينقض و القضية قدامه متستفة صح

اقتباس:

---

المشاركة الأصلية كتبت بواسطة ابو الوليد المصرى

يعني ممكن ياخدوا اعدام تاني ولا الحكم ده بيتلغي خالص.

---

النقض زي rollback بلغة ال IT .... يعني الحكم الأول كأن لم يكن و تعاد المحاكمة يعني رجع القضية للصفر تاني ...... و ممكن يتاخد حكم تاني اقسى او اخف

اقتباس:

---

المشاركة الأصلية كتبت بواسطة aif

وممكن في اعادة المحاكمة يتحكم بالاعدام تاني .... ويبقى نهائى .وممكن يتحكم بعقوبة اخرى او البراءة

---

لو الحكم اتنقض و اتعادت المحاكمة و اتحكم تاني اعدام من حق المتهم ينقض تاني..... لحد ما النقض تأيد حكم المحكمة (أول درجة أو استئناف) مش نهائي و لا ينفذ

اقتباس:

---

المشاركة الأصلية كتبت بواسطة aif

الله اعلم ... مش يمكن حد فيهم مظلوم ....
مش يمكن الامن ملفق ادلة لبعضهم .... وده مش مستبعد
ده اعدام ..... يعني ارواح ناس
انت عارف ان حصل ان المباحث اجبرت واحد على الاعتراف بجريمة لم يرتكبها ولفقت ادلة ضده علشان القضية تتقفل وتم اعدامه ..... وبعد سنتين اتمسك المجرم الحقيقي واعترف من ضمن اعترافاته بالجريمة القديمة ...... وطلع الراجل اللي اتشنق من سنتين ..... طلع مظلوم
طب ده دمه في رقبة مين ؟؟؟؟؟
القضية دي كانت في اسكندرية واتمنع نشرها .... اسأل حد من قرايبك يكون في الشرطة او القضاء وهو يقولك

---

حبيبة و زوجها القطري ..... اتضربت و اتعذبت و اتعرضت للاغتصاب عشان تعترف انها قتلت جوزها ..... و بعد اربع سنين سجن يتقبض بالصدفة على مسجلين خطر معاهم حاجة من ممتلكات القتيل و ظابط تاني عنده ضمير يفتكر و تتعاد المحاكمة و يتسجن الظابط الأولاني ........

تفتكروا اما واحدة تعترف اعتراف ممكن يوديها المشنقة بس عشان ترتاح من اللي بيجرالها يبقى كان بيجرالها ايه؟؟؟؟؟؟؟؟

اقتباس:

---

المشاركة الأصلية كتبت بواسطة mr_sameh

كلام مظبوط تماما بس الطعن بالنقض لازم يحركه احد اطراف الدعوي الجنائيه اللي هما المتهمين او النيابه

---

في حالة الإعدام لو المتهم ما نقضش النيابة بتنقض بالنيابة عنه .......

اقتباس:

---

المشاركة الأصلية كتبت بواسطة aif

كلامك صحيح تماما ..... والحياة علمتني ما احكمش على حاجة من غير ما اعرف تفاصيلها .... واسمع من كافة الاطراف
الاعلم بتاعنا يعتبر اسوأ ما في هذا البلد ....هو والشرطة ..... العصا والبوق

---

+1

على فكرة والله
الشرطة مبقاش همها انها تجيب الجانى لأ دة اى واحد ويلبس القضية وبعدين يروح النيابة ويعيش حياتة وموضوع تقفيل المحاضر مش من خيااال
خصوصاااا قضايا الراى لعام
ولو فاكرين قضية احمد برادة لما مجهول ضربة بالسكينة فى ضهرة وهو طالع السلم بتاع عمارتة
جابو واد متشرد من الشارع ولبسوة القضية والواد اعترف فى القسم
وراح النيابة والنيابة ذات نفسهاااا هيااا اللى افرجت عن الواد وطالبت المباحث بالقبض على الجانى وليس تلفيق التهم للناس وكانت فضيحة بجلاجل
واكتشفو ان الواد واختة عايشين بطولهم فى الشارع وطبعااا هددو الواد باغتصاب اختة فالواد اعترف
وشكرااا جزيلاااا لوزارة الداخلية

لا حول و لا قوه الا بالله

معقولة كده العشرة ياخدوا اعدام وبعدين العشرة يطلعوا براءة !!!!!!!

اقتباس:

---

المشاركة الأصلية كتبت بواسطة sherif222

معقولة كده العشرة ياخدوا اعدام وبعدين العشرة يطلعوا براءة !!!!!!!

---

دي مش براءة دي اعادة محاكمة يعني محكمة النقض لغت اول حكم و طلبت المحاكمة تتعاد

انا بصراحة لما قريت عن الواقعه وشفت الفيديو كنت مبسوط وفرحان قوي ودلوقتي محروق قوي

علي حد علمي ان العشره دول خدوها من بيتها تحت تهديد السلاح وهيا نفساء وتناوبو عليها كلهم او بعضهم - الله اعلم

بس اقل مايقال انهم لازم يتعدمو بصراحه عشان يبقو عبره لمن لا يعتبر

على فكرة الست دى جوزها اتقبض علية فى نفس اسبوع الواقعة دى بمخدرات
يعنى ممكن كان علية فلوس للناس دى وهى اتهمتهم او اى حاجة تانية
لان جوزها تاجر مخدرات اكيد هى مش خضرة الشريفة
والله اعلم

اقتباس:

---

المشاركة الأصلية كتبت بواسطة elassar2010

على فكرة الست دى جوزها اتقبض علية فى نفس اسبوع الواقعة دى بمخدرات
يعنى ممكن كان علية فلوس للناس دى وهى اتهمتهم او اى حاجة تانية
لان جوزها تاجر مخدرات اكيد هى مش خضرة الشريفة
والله اعلم

---

اتهمتهم ازاي يعني هو مش كان فيه شهود حضروا الواقعة.:dontudear:

اقتباس:

---

المشاركة الأصلية كتبت بواسطة ابو الوليد المصرى

اتهمتهم ازاي يعني هو مش كان فيه شهود حضروا الواقعة.:dontudear:

---

ما هو دة الى انا اقصدة الخبر مش بيبين حاجة خالص
لو كان فية حد شاف الواقعة اكيد ال10 دول هيهجموا او يضربوة علشان مايشهدش عليهم صح ولا غلط
الى انا فاكرة ان الخبر كان بيقول انهم خادوها فى ارض زراعية الفجر يعنى هيكون صعب تواجد شهود
وزى ماقلت الله اعلم الى الى مكتوب فى الورق واية الى بين السطور