المهندس خالد فاروق عمل معايا أحلى واجب النهاردة
السلام عليكم
النهاردة كنت بعمل صيانة العشرة الاف في أبو رواش
كنت حاجز الساعة 11:30 ووصلت الساعة 11:45
الاجراءات المعتادة واستلام السيارة عن طريق مهندس شاب بشوش اسمه محمد حسين
وكان قاللي هتتكلف في حدود 500 جنيه وهتقعد للساعة 4:30
الغريب ان العربية فضلت برة لغاية 2:30 ما نزلتش علشان كان فيه ضغط جامد
على الساعة 4:00 كدة طلعت أسأل على كام حاجة عند قطع الغيار فلقيت المهندس خالد
سلمت عليه ودار بينا الحوار التالي :
-ازيك يا م. خالد
-أهلاً وسهلاً ؟؟
-م. عمرو ....نايل موتورز
-أهلاً بيك (بترحاب بالغ جداً )....جاي تعمل ايه -عربيتك فيها حاجة ؟؟؟
-صيانة العشرة نيو سيراتو - الحمد لله ما فيهاش حاجة ......ألف شكر بجد على موضوع م.أحمد اسماعيل
-انت عربيتك خلصت ؟؟
-خلاص ...قربت تطلع
قاللي : لو كنت جيتلي بدري شوية كنت خليتك تدخل معاهم وتتفرج على الصيانة من أولها لاخرها :majd(4)::majd(4):
-يلا حصل خير
-لو فيه أي ملحوظة على العربية وانت بتستلم قوللي
-ماشي ...ربنا يخليك
-وقبل ما تدفع قول ل م.محمد يجيب الفاتورة بتاعتك علشان هعمل لك خصم كويس
-ألف شكر يا م.خالد ......مع السلامة :10D5C8~1107::10D5C8~1107:
وقت الدفع قلت ل م.محمد قام دخل للمهندس خالد وطلع مبتسم وبيقوللي م.خالد عمل لك خصم 180 جنيه
ايه ........180 جنيه ؟؟؟؟؟ (ما كنتش مصدق الصراحة)
وانا بادفع ...بيقوللي 315 جندي ........يا نهار أبيض دة بجد !!!!
الفاتورة فيها تمن الزيت والفلتر والفوم بس
دفعتهم ومشيت الساعة 5 تقريباً وهم كانوا ماشيين برضه حتى دورت على م.خالد ما لقيتوش
وكالعادة برضه العربية بتفوق بعد الصيانة جامد جداً (السحب والتكييف وكدة )
شكراً يا م.خالد على ذوقك العالي
ربنا يكتر من أمثالك
والى الأمام نايل موتورز