بص أنا هقولك على حاجة, أنا زمان أول منزلت ال Gen 2 في 2006 سمعت عنها كلام غريب, إن العربية كلها عيوب من أولها لاخرها وإن العربية بتتقلب و و و......
بس بصراحة أنا العربية فضلت عجبني, لحد ماجيت قلت أنا عايز أجيب عربية 1600 وحطتها من ضمن الإختيارات.
أنا عايز اقولك إني مش شهر 11 في القسم هنا مابعملش حاجة أكتر من إني عمل أقرأ في المواضيع, يمكن قرأت أكتر من نص المواضيع اللي في قسم بروتن, واقدر اقولك إن نص المشاكل ديه لو ظهرت بتبقى مشاكل فردية.
المشاركة الأصلية كتبت بواسطة manchestr
جايبها زيرو و عندهم مشاكل
1- سحب عالى جدااا فى البنزين
في أول 1000 كم بس, وشوف الموضوع ده هيفيدك أكتر http://www.nilemotors.net/Nile/121028-2.html
2-العربيه بتحدف شمال
فخلال الكم شهر الانا قرأت فيهم دول, مالقيتش حد جاب العربية وجه عمل موضوع عالنقطة ده بصراحة (على عكس النيو سيراتو مثلا كان فيه كلام كتير بيتقال في حتت الحدفة ديه).
3-عيوب تقفيل زراير الدريكسيون بتعلق
فعلا بتحصل بس مش بتبوظ تماما, بتتنظف من التراب وبتشتغل عادي.
4-الزجاج بيعلق
5-صوت تزيق فى العفشه
6-صوت تزيق فى الفرامل
7-الايرباج فى الحوادث مش بيطلع
حالات فردية, وموضوع الايرباج اللي مطلعش ده عشان الراجل ماكانش لابس الحزام, وواحد تاني عشان العربية اتقلبت والايرباج مابيفتحش في الحالتين.
8-قطع غيار نااااااار...
أعتقد نفس الرانج بتاع أي عربية 1600 محترمة, طبعا أنا بأتكلم عالأصلي.
9-توكيل سيىء السمعه
هو فعلا سيء السمعة, بس من خلال اللي قريته, فيه تجارب حلوة قوي وفيه تجارب سيئة, يبقى فحدود المعقول وأحسن من غيره. ويا ريت أكون افادتك, ونصيحة مني أعود اقرأ شوية, ويا ريت تجارب سواقة العربية عشان هتفرق معاك كتير عن الكلام.
المفضلات